ICC Rankings 2024 : సౌతాఫ్రికా స్టార్ పేసర్ కగిసొ రబాడ ఐసీసీ తాజా ర్యాంకింగ్స్లో సత్తా చాటాడు. ఏకంగా మూడు స్థానాలు ఎగబాకి టాప్ ప్లేస్కు చేరుకున్నాడు. ప్రస్తుతం రబాడ 860 రేటింగ్స్తో అగ్రస్థానంలో కొనసాగుతున్నాడు. మరోవైపు టీమ్ఇండియా స్టార్ పేసర్ జస్ప్రీత్ బుమ్రా, ముడు స్థానాలు కోల్పోయి (846 రేటింగ్స్) ముడో ప్లేస్కు పడిపోయాడు. ఆసీస్ స్టార్ పేసర్ జోష్ హేజిల్వుడ్ ఒక స్థానం మెరుగుపర్చుకొని (847 రేటింగ్స్) రెండో ప్లేస్ దక్కించుకున్నాడు. సీనియర్ స్పిన్నర్ రవిచంద్రన్ అశ్విన్ సైతం రెండు స్థానాలు దిగజారాడు. 831 రేటింగ్స్తో నాలుగో స్థానానికి పడిపోయాడు.
టాప్ 5 బౌలర్లు
- కగిసొ రబాడా (సౌతాఫ్రికా)- 860 రేటింగ్స్
- జోష్ హేజిల్వుడ్ (ఆస్ట్రేలియా)- 847 రేటింగ్స్
- జస్ప్రీత్ బుమ్రా (భారత్)- 846 రేటింగ్స్
- రవిచంద్రన్ అశ్విన్ (భారత్)- 831 రేటింగ్స్
- ప్యాట్ కమిన్స్ (ఆస్ట్రేలియా)- 820 రేటింగ్స్
ఇక బ్యాటింగ్ విభాగంలో టీమ్ఇండియా యంగ్ ప్లేయర్ యశస్వీ జైశ్వాల్ ఒక స్థానం మెరుగుపర్చుకున్నాడు. 790 రేటింగ్స్తో మూడో స్థానం దక్కించుకున్నాడు. ఇంగ్లాండ్ సీనియర్ ప్లేయర్ జో రూట్ (903 రేటింగ్స్) టాప్ ప్లేస్లోనే ఉన్నాడు. కేన్ విలియమ్సన్ (813 రేటింగ్స్) రెండో స్థానంలో కొనసాగుతున్నాడు. ఇక రిషభ్ పంత్ ఐదు స్థానాలు, విరాట్ కోహ్లీ ఆరు స్థానాలు కోల్పోయి టాప్- 10 నుంచి బయటకు వెళ్లిపోయారు. ప్రస్తుతం పంత్ (708) 11వ, కోహ్లీ (688) 14వ స్థానాల్లో ఉన్నారు.
New World No.1 🥇
— ICC (@ICC) October 30, 2024
South Africa's star pacer dethrones Jasprit Bumrah to claim the top spot in the ICC Men's Test Bowling Rankings 👇https://t.co/oljRIUhc5T
టాప్ 5 బ్యాటర్లు
- జో రూట్ (ఇంగ్లాండ్)- 903 రేటింగ్స్
- కేన్ విలియమ్సన్ (న్యూలిలాండ్)- 813 రేటింగ్స్
- యశస్వీ జైశ్వాల్ (భారత్)- 790 రేటింగ్స్
- హ్యారీ బ్రూక్ (ఇంగ్లాండ్)- 778 రేటింగ్స్
- స్టీవ్ స్మిత్ (ఆస్ట్రేలియా)- 757 రేటింగ్స్
మరోవైపు పాకిస్థాన్ బ్యాటర్ సౌద్ షకీల్ ఏకంగా 20స్థానాలు మెరుగుపర్చుకొని టాప్ 10లోకి ఎంట్రీ ఇచ్చాడు. ఇటీవల ఇంగ్లాండ్పై భారీ సెంచరీ సాధించిన షకీల్ (724) 7వ స్థానం దక్కించుకున్నాడు. టీమ్ఇండియాతో జరుగుతున్న టెస్టు సిరీస్లో అదరగొడుతున్న కివీస్ బ్యాటర్ రచిన్ రవీంద్ర ఎనిమిది స్థానాలు ఎగబాకి పదో ప్లేస్లో కొనసాగుతున్నాడు.
