IPL Top Rivalries: ఐపీఎల్ ప్రపంచంలోనే అతిపెద్ద క్రికెట్ లీగ్. ఈ లీగ్లో ఆడాలని ప్రతీ క్రికెటర్ ఆరాటపడుతుంటాడు. కేవలం ఆట మాత్రమే కాదు కాసులు కురిపిస్తుంది అందుకే దీనికి ఓ రేంజ్ ఉంది. ఐపీఎల్ మ్యాచ్ స్టార్ట్ అయ్యిందంటే చాలు స్టేడియంలో ప్రేక్షకుల సందడి మమూలుగా ఉండదు. చప్పట్లు, కేరింతలతో మార్మోగుతుంది. ప్రతిఏటా 10 జట్లు ఒకదానితో ఒకటి రెండుసార్లు తలపడతాయి. ఇందులో మొదటి 4 జట్లు ప్లేఆఫ్ కు అర్హత సాధిస్తాయి. అయితే కొన్ని మ్యాచులు సరదాగా అనిపించినా, టోర్నీలో మరికొన్ని జట్లు మాత్రం భీకర పోటీని తలపిస్తాయి. ఆలా ఐపీఎల్ లీగ్ చరిత్రలో టాప్- 3 ప్రత్యర్థులుగా ఉన్న జట్లు ఏవో చూద్దాం.
ముంబయి ఇండియన్స్ vs చెన్నై సూపర్ కింగ్స్: ముంబయి ఇండియన్స్- చెన్నై సూపర్ కింగ్స్ జట్లు ఐపీఎల్లో అత్యంత ఎక్కువ ఫ్యాన్ బేస్ కలిగిన జట్లు. అటు బ్రాండ్లో గానీ, ఇటు ఆటలో కానీ ఈ జట్లకు తిరుగులేదు. ఇక ఐపీఎల్ హిస్టరీలో రోహిత్, ధోనీ అత్యంత సక్సెస్ఫుల్ కెప్టెన్లు. వీరి మధ్య మ్యాచ్ అంటే ఫ్యాన్స్కు పూనకాలే. ఇరు జట్ల కెప్టెన్లు రోహిత్ శర్మ, ఎంఎస్ ధోని వ్యూహాత్మక గేమ్ ప్లాన్తో మ్యాచ్ను మరింత ఆసక్తిగా మారుస్తారు. ఇప్పటి వరకూ ఈ రెండు జట్ల మధ్య జరిగిన అనేక మ్యాచ్లు ప్రేక్షకును మునివేళ్లపై నిలబెట్టాయి.
బంతి బంతికి అభిమానుల్లో నరాలు తెగె ఉత్కంఠను రేకెత్తిస్తూ సాగే ముంబయి- చెన్నై మ్యాచ్లకు వ్యూవర్షిప్ కూడా ఎక్కువే. ఇంకా కొన్ని సార్లు ఇరు జట్లకు చెందిన స్టార్ ప్లేయర్ల మధ్య గొడవుల జరిగిన సందర్భాలు కూడా ఉన్నాయి. ధోని దెబ్బకు ప్రత్యర్థి జట్టు వణికిపోతుంది. కానీ, చెన్నై సూపర్ కింగ్స్ను ముంబయి ఏకంగా 20సార్లు చిత్తుగా ఓడించింది. ఐపీఎల్ చరిత్రలో చెన్నైను ఏ జట్టు కూడా ఇన్నిసార్లు ఓడించలేదు. ఈ రెండు జట్ల మధ్య యుద్ధం ఎప్పటికీ తారాస్థాయిలోనే ఉంటుంది.
- " class="align-text-top noRightClick twitterSection" data="">
కోల్కతా నైట్ రైడర్స్ vs రాయల్ ఛాలెంజర్స్ బెంగళూరు: ఐపీఎల్ చరిత్రలో కోల్కతా నైట్ రైడర్స్- రాయల్ ఛాలెంజర్స్ బెంగుళూరు మధ్య మ్యాచ్కు సపరేట్ ఫ్యాన్బేస్ ఉంటుంది. ఈ రెండు జట్లు తలపడుతున్నాయంటే మైదానంలో వాతావరణం హీటెక్కాల్సిందే. గతంలో గంభీర్ కేకేఆర్కు ప్రాతినిధ్యం వహించిన సమయంలో ఆర్సీబీతో మ్యాచ్ పవర్ప్యాక్డ్గా ఉండేది.
స్టార్ ప్లేయర్లు గంభీర్- విరాట్ మధ్య కూడా మైదానంలో పరుమార్లు వివాదం జరిగింది. దీంతో ఈ రెండు జట్లు ఎప్పుడు తలపడ్డా, ఫ్యాన్స్ దీన్ని హై వోల్టేజ్ మ్యాచ్లాగా భావిస్తారు. గతంలో ఆర్సీబీని ఐపీఎల్ చరిత్రలోనే అతి తక్కువ స్కోర్ (49)కే ఆలౌట్ చేసిన ఘనత కూడా కేకేఆర్దే. ఇక గంభీర్ కేకేఆర్ను వదిలి వెళ్లిన తర్వాత ఆర్సీబీతో మ్యాచ్లు కాస్త సాధారణంగానే జరిగాయి. అయితే గంభీర్ మళ్లీ కేకేఆర్తో చేరడం వల్ల ఈసారి కూడా ఆర్సీబీతో మ్యాచ్ ఫ్యాన్స్కు ఫుల్ కిక్ ఇస్తుంది.
- " class="align-text-top noRightClick twitterSection" data="">
IPL 2023 : తడబడిన ముంబయి ఇండియన్స్.. 13 ఏళ్ల తర్వాత చెన్నై విక్టరీ!
IPL 2022 MI vs CSK: ఐపీఎల్ నుంచి చెన్నై ఔట్.. ముంబయి చేతిలో ఓటమి!
