IPL Orange Cap List All Season: ఐపీఎల్ అంటేనే పరుగుల వరద. ఎదుర్కొనే ప్రతి బంతిని బౌండరీ లైన్ దాటించడమే లక్ష్యంగా బ్యాటర్లు క్రీజులో అడుగుపెడుతుంటారు. అలా ఇప్పటివరకూ అనేక మంది బ్యాటర్లు పరుగుల వరద పారించి తమ టాలెంట్ను ప్రపంచానికి పరిచయం చేశారు. అలా టోర్నీలో అత్యధిక పరుగుల వరద పారించిన బ్యాటర్లకు ఐపీఎల్ బోర్డు ఆరెంజ్ క్యాప్ ఇస్తుంటుంది. క్యాప్తో పాటు ప్లేయర్ అదనంగా రూ.10 లక్షలు అందుకుంటారు. అలా గడిచిన 16 సీజన్లలో ఆస్ట్రేలియా డాషింగ్ ఓపెనర్ డేవిడ్ వార్నర్ అత్యధికంగా మూడుసార్లు ఈ క్యాప్ సాధించాడు. మరి 2008 నుంచి 2023 వరకు ఆరెంజ్ క్యాప్ అందుకున్న బ్యాటర్లు ఎవరో తెలుసుకుందాం.
- షాన్ మార్ష్: 2008లో జరిగిన తొలి ఐపీఎల్లో పంజాబ్ కింగ్స్ (అప్పటి కింగ్స్ ఎలెవన్ పంజాబ్)కు చెందిన షాన్ మార్ష్ తొలి సీజన్లో ఆరెంజ్ క్యాప్ గెలుచుకున్నాడు. దీంతో ఐపీఎల్లో తొలి ఆరెంజ్ క్యాప్ ఆందుకున్న బ్యాటర్గా మార్ష్ రికార్డు కొట్టాడు. మార్ష్ 2008లో 616 పరుగులు సాధించాడు..
- మాథ్యూ హెడెన్: 2009లో చెన్నై సూపర్ కింగ్స్‌కు చెందిన మాథ్యూ హెడెన్ రెండో సీజన్ టాప్ స్కోరర్గా నిలిచాడు. అతడు 572 పరుగులు బాదాడు.
- సచిన్ తెందూల్కర్: ఐపీఎల్ 2010 ఎడిషన్లో మాస్టర్ బ్లాస్టర్ సచిన్ తెందూల్కర్ అదరగొట్టాడు. తన కెప్టెన్సీలోనే ముంబయి ఇండియన్స్ను ఫైనల్ చేర్చాడు. కానీ, ఫైనల్లో చెన్నై చేతిలో ముంబయి ఓడి రన్నరప్తో సరిపెట్టుకుంది. ఇక ఈ సీజన్లో సచిన్ అందరికంటే ఎక్కువ పరుగులు నమోదు చేశాడు. 2010లో సచిన్ 618 పరుగులు చేసి ఆరెంజ్ క్యాప్ విజేతగా నిలిచాడు.
- క్రిస్ గేల్: యూనివర్సల్ బాస్ క్రిస్ గేల్ 2011, 2012 వరుస సీజన్లలో ఆరెండ్ క్యాప్ గెలుచుకున్న ఏకైక ప్లేయర్గా రికార్డ్ కొట్టాడు. గేల్ 2011లో 608 పరుగులు, 2012లో 733 పరుగులు చేసి వరుస సీజన్లలో ఆరెంజ్ క్యాప్ గెలుచుకున్నాడు.
- మైక్ హస్సీ: ఐపీఎల్ 2013లో ఆస్ట్రేలియాకు చెందిన మైక్ హస్సీ ఆరెంజ్ క్యాప్ గెలుచుకున్నాడు. సీజన్లో 733 పరుగులు చేశాడు.
- రాబిన్ ఉతప్ప: 2014లో కేకేఆర్ తరఫున ప్రాతినిధ్యం వహించిన రాబిన్ ఉతప్ప టోర్నీలో పరుగుల వరద పారించాడు. ఈ సీజన్లో కేకేఆర్ ట్రోఫీ నెగ్గడంలో కీలక పాత్ర పోషించిన ఉతప్ప టాప్ రన్ స్కోరర్గా నిలిచాడు. ఈ సీజన్లో రాబిన్ 660 పరుగులు చేశాడు.
- డేవిడ్ వార్నర్: 2015లో సన్‌రైజర్స్ హైదరాబాద్ తరపున ఆడిన డేవిడ్ వార్నర్ 562 పరుగులు చేసి ఆరెంజ్ క్యాప్ గెలుచుకున్నాడు.
- విరాట్ కోహ్లీ: ఐపీఎల్ 2016లో విరాట్ కోహ్లీ 973 పరుగులు చేశాడు. ఇప్పటి వరకు ఏ బ్యాటర్ కూడా ఒక సీజన్లో ఇన్ని పరుగులు చేయలేదు. ఈ సీజన్లో విరాట్ 152 స్ట్రైక్ రేట్‌తో 81 పరుగుల సగటుతో పరుగులు చేశాడు.
- డేవిడ్ వార్నర్: ఐపీఎల్ 2017లో డేవిడ్ వార్నర్ 641 పరుగులు చేసి రెండోసారి ఆరెంజ్ క్యాప్ అందుకున్నాడు.
- కేన్ విలియమ్సన్: న్యూజిలాండ్ ఆటగాడు ఐపీఎల్ 2018లో మంచి బ్యాటింగ్ ప్రదర్శన చేశాడు. 735 పరుగులు చేసి ఆరెంజ్ క్యాప్ గెలుచుకున్నాడు.
- డేవిడ్ వార్నర్: ఐపీఎల్ 2019లో డేవిడ్ వార్నర్ 692 పరుగులు చేసి ముచ్చటగా మూడోసారి ఆరెంజ్ క్యాప్ గెలుచుకున్నాడు.
- కేఎల్ రాహుల్: ఐపీఎల్ 2020లో కేఎల్ రాహుల్ 670 పరుగులు చేసి ఆరెంజ్ క్యాప్‌ను గెలుచుకున్నాడు.
- రుతురాజ్ గైక్వాడ్: ఐపీఎల్ 2021 చెన్నై సూపర్ కింగ్స్‌కు చెందిన రుతురాజ్ గైక్వాడ్ పేరిట ఉంది. అతను 635 పరుగులు చేశాడు.
- జాస్ బట్లర్: ఇంగ్లీష్ ఆటగాడు జాస్ బట్లర్ 2022ఐపీఎల్ లీగ్ లో 863 పరుగులు చేసి ఆరెంజ్ క్యాప్ ని అందుకున్నాడు.
- శుభ్ మన్ గిల్: గుజరాత్ టైటాన్స్ కు చెందిన ఓపెనర్, యంగ్ బ్యాటర్ శుభ్ మన్ గిల్ 2023 ఐపీఎల్ లీగ్ లో 17 మ్యాచులలో 890పరుగులు చేసి ఆరెంజ్ క్యాప్ ను గెలుచుకున్నాడు.
- " class="align-text-top noRightClick twitterSection" data="">
