IPL 2024 Kohli Anushka Sharma : స్టార్ బ్యాటర్ విరాట్ కోహ్లీ - హీరోయిన్ అనుష్క శర్మ దంపతులు ఈ ఏడాది ఫిబ్రవరిలో లండన్లో రెండో బిడ్డకు జన్మనిచ్చిన సంగతి తెలిసిందే. అప్పటి నుంచి వీరిద్దరూ తమ పిల్లలతో సరదాగా గడుపుతున్నారు. తన రెండో బిడ్డ ఆకాయ్ పుట్టడం కారణంగానే భారత్-ఇంగ్లాండ్ టెస్టు సిరీస్కు కోహ్లీ దూరమయ్యాడు. అవసరమైన సమయంలో అతని కుటుంబానికి కోహ్లీ ప్రాధాన్యం ఇవ్వాలన్న నిర్ణయాన్ని చాలా మంది ప్రశంసించారు. అయితే సుదీర్ఘ విరామం తర్వాత కోహ్లీ ఐపీఎల్లో మ్యాచుల్లో ఆడేందుకు తాజాగా భారత్కు తిరిగి వచ్చాడు. కానీ అనుష్క మాత్రం తన ఇద్దరు పిల్లలతో లండన్లోనే ఉండిపోయారు.
ఈ నేపథ్యంలో అనుష్క-విరాట్ తమ పిల్లలతో కలిసి లండన్లోనే స్థిరపడేందుకు ప్లాన్ చేస్తున్నారంటూ సోషల్ మీడియాలో జోరుగా ప్రచారం సాగుతోంది. అనుష్క శర్మ గతేడాది డిసెంబర్లో లండన్ వెళ్లింది. ఈ ఏడాది ఫిబ్రవరిలో తన రెండో బిడ్డకు జన్మనిచ్చింది. కుటుంబంతో కొంతకాలంగా లండన్లోనే ఉంటోంది ఈ జంట. అయితే అనుష్క, విరాట్ తమ పిల్లలతో కలిసి యూకేలోనే స్థిరపడాలని ప్లాన్ చేస్తున్నారంటూ ఓ నెటిజన్ పోస్టును షేర్ చేశాడు. ఈ పోస్టుపై నెటిజన్ల రకరకాలుగా కామెంట్లు చేస్తున్నారు.
విరాట్ ఐపీఎల్ కోసం ఇండియాకు తిరిగి వచ్చాడు. కానీ అనుష్క రాలేదు. ఐపీఎల్ పూర్తయిన తర్వాత విరాట్ తిరిగి లండన్ వెళ్లిపోవచ్చు అంటూ ఓ నెటిజన్ కామెంట్ చేశాడు. డబ్బు ఉంటే యూకేలో జీవితం చాలా ప్రశాంతంగా ఉంటుంది. కొంత డబ్బు ఖర్చు చేస్తే పౌరసత్వం సులభంగా లభిస్తుంది. వామికా, అకాయ్ల గోప్యత ముఖ్యం. అనుష్క తన పిల్లలకు అండగా గృహిణిగా ఉండాలనుకుంటున్నాని గత ఇంటర్వ్యూలలో ఎప్పుడో చెప్పిందంటూ మరో నెటిజన్ పేర్కొన్నాడు. మరికొంతమంది ఇదంతా ఫేక్ న్యూస్ అని అంటున్నారు. ఇలా నెటిజన్లు ఎవరికి తోచిన విధంగా వారు కామెంట్స్ చేస్తున్నారు. మరి ఇందులో నిజమెంతో తెలియాలంటే విరుష్క జోడీ అధికారికంగా స్పందిస్తే కానీ క్లారిటీ రాదు.
WPL 2024 శెభాష్ స్మృతి - వీడియో కాల్లో కోహ్లీ అభినందనలు
IPL 2024 టాప్‌ -10 బ్యాటర్స్ హై స్కోర్స్ - ఈ విధ్వంసాలను మర్చిపోగలమా!
