ఐపీఎల్ ఫుల్ షెడ్యూల్ ఔట్ - ఫైనల్​ మ్యాచ్ చెన్నైలోనే - IPL 2024 Schedule

IPL 2024 Full Schedule : బీసీసీఐ తాజాగా ఐపీఎల్ 17వ సీజన్​కు సంబంధించిన ఫుల్ షెడ్యూల్​ను విడుదల చేసింది. ఇప్పటికే తొలి విడత షెడ్యూల్​ను అమలు చేయగా, రెండో షెడ్యూల్​ను కూడా తాజాగా వెల్లడించింది. దీని ప్రకారం ఈ లీగ్ ఫైనల్ చెన్నైలో జరగనుంది.

IPL 2024 Full Schedule : బీసీసీఐ తాజాగా ఐపీఎల్ 17వ సీజన్​కు సంబంధించిన ఫుల్ షెడ్యూల్​ను విడుదల చేసింది. ఇప్పటికే తొలి విడత షెడ్యూల్​ను అమలు చేయగా, రెండో షెడ్యూల్​ను కూడా తాజాగా వెల్లడించింది. అహ్మదాబాద్‌లోని నరేంద్రమోదీ స్టేడియంలో క్వాలిఫయర్‌ - 1 (మే 21న), ఎలిమినేటర్ (మే 24న) నిర్వహించనున్నారు. ఇక ఈ లీగ్ ఫైనల్ చెన్నై వేదికగా జరగనుంది.

ప్రస్తుత సీజన్‌లో ప్లే ఆఫ్స్‌తో ఓవరాల్‌గా 74 మ్యాచ్‌లు జరగాల్సి ఉన్నాయి. ఈ నేపథ్యంలో తాజాగా రెండో విడత షెడ్యూల్​ను ప్రకటించారు. ఇక ఈ మ్యాచ్​లు ఏప్రిల్‌ 8 నుంచి ప్రారంభం కానున్నాయి. అందులో భాగంగా తొలి మ్యాచ్ చెన్నై, కోల్​కతా జట్లు తలపడనున్నాయి.

అయితే గతంలో ఐపీఎల్ 2024 రెండో షెడ్యూల్ యూఏఈలో జరుగుతుందన్న వార్తలు వచ్చాయి. సార్వత్రిక ఎన్నికల కారణంగా ఆ వేదికను బీసీసీఐ ఎంచుకున్నట్లు రూమర్స్ వచ్చాయి. అయితే అందులో వాస్తవాలు లేవని మిగతా మ్యాచ్​లు కూడా భారత్​లోనే జరగనున్నట్లు బీసీసీఐ సెక్రటరీ జై షాతో పాటు ఐపీఎల్​ ఛైర్మన్ అరుణ్ దుమాల్ తేల్చిచెప్పారు. కేంద్ర ప్రభుత్వం ఐపిఎల్ నిర్వహణకు ఎలాంటి అడ్డంకులు చెప్పలేదని, దాని కోసమే మిగతా మ్యాచ్​లను కూడా స్వదేశంలోనే నిర్వహించనున్నట్లు ప్రకటించారు.

• The wait is finally over! 😍
  
  Here's the complete TATA #IPL2024 schedule! Mark your calendars 📅 and don't miss out on the non-stop cricket excitement 🔥
  
  Tune-in to #IPLOnStar, LIVE, Only on Star Sports pic.twitter.com/9XopOFs6ir

  — Star Sports (@StarSportsIndia) March 25, 2024

ధోనీ కోసమే ఫైనల్స్​ :

దిగ్గజ ఆటగాడు ఎం.ఎస్‌. ధోనీకి ఘన వీడ్కోలు పలికేందుకే 2024 ఐపీఎల్‌ ఫైనల్‌ను చెన్నైలో నిర్వహించాలని బీసీసీఐ నిర్ణయించిందని అభిమానులు అంటున్నారు. ధోనీ ఇప్పటికే కెప్టెన్సీకి వీడ్కోలు చెప్పేశాడని మహీ వయస్సు కూడా 42 ఏళ్లని కొందరు గుర్తు చేస్తున్నారు. ఆ ప్రకారం ధోనీకి ఇదే చివరి ఐపీఎల్‌ అని అతనికి ఘన వీడ్కోలు పలికేందుకే ఐపీఎల్‌ మ్యాచ్‌లను ఫిక్స్‌ చేసి చెన్నై జట్టు ఫైనల్‌ సొంత మైదానంలో ఆడేలా బీసీసీఐ ప్లాన్ చేస్తోందని కామెంట్లు పెడుతున్నారు.

హైదరాబాద్ వేదికగా జరగనున్న మ్యాచులు ఇవే :
ముంబయి vs హైదరాబాద్ - మార్చి 27

చెన్నై vs హైదరాబాద్ - ఏప్రిల్ 5

బెంగుళూరు vs హైదరాబాద్ - ఏప్రిల్ 25

రాజస్థాన్ vs హైదరాబాద్ - మే 2

లఖ్​నవూ vs హైదరాబాద్- మే 8

గుజరాత్ vs హైదరాబాద్- మే 16

పంజాబ్ vs హైదరాబాద్ - మే 19

ప్లేఆఫ్స్‌ మ్యాచ్​ల షెడ్యూల్ ఇవే
క్వాలిఫయర్‌-1 మే 21 - అహ్మదాబాద్‌
ఎలిమినేటర్‌ మ్యాచ్‌ - మే 22 - అహ్మదాబాద్‌
క్వాలిఫయర్‌-2 - మే 24- చెన్నై
ఫైనల్‌ - మే 26 - చెన్నై