IPL 2024 Dhoni Retirement : ఐపీఎల్ 2024 సీజన్‌కు ముందు టీమ్ ఇండియా మాజీ కెప్టెన్, చెన్నై సూపర్ కింగ్స్ సారథి ఎం ఎస్‌ ధోనీ సంచలన నిర్ణయం తీసుకోనున్నాడా? అంటే అవుననే అనుమానమే క్రికెట్ వర్గాల్లో బాగా ఎక్కువ వినిపిస్తోంది. ఎందుకంటే అతడు కొత్త సీజన్లో న్యూ రోల్ అంటూ తాజాగా సోషల్‌ మీడియాలో చేసిన పోస్టు ఈ వార్తలకు మరింత ఊతమిస్తోంది. అతడు బ్యాటర్గా, కెప్టెన్గా ఐపీఎల్‌కు గుడ్బై చెప్పాలని డిసైడ్ అయినట్లు సమాచారం అందుతోంది. ఇప్పటికే తన డెసిషన్ను చెన్నై యాజమాన్యానికి చెప్పినట్లు క్రికెట్ వర్గాల్లో మాటలు వినిపిస్తున్నాయి. ఇకపై మహీ సీఎస్కే మెంటార్గా సరికొత్త బాధ్యతలు చేపట్టనున్నట్లు ఇంగ్లీష్ మీడియాల్లో కథనాలు కూడా వస్తున్నాయి.
దీంతో ఇప్పుడంతా మహీ ఏ పాత్రలో కనిపించనున్నాడా అని సీఎస్కే, ధోనీ ఫ్యాన్స్ తెగ ఆలోచించేస్తున్నారు. అందరిలోనూ ఆసక్తి ఎక్కువైపోతుందా. పైగా ధోనీ మాత్రమే కాదు చైన్నై సూపర్ కింగ్స్ కూడా చేసిన ట్వీట్తో అభిమానుల్లో మరింత సస్పెన్స్‌ పెరిగింది. యాజమాన్యం ఏమో కొత్త పాత్రలో లియో అంటూ రాసుకొచ్చింది. దీంతో ఈ సీజన్లో మహీ మెంటార్గా కొత్త బాధ్యతలు చేపట్టనున్నాడని అంతా ఫిక్సైపోతున్నారు.
కాగా, చెన్నై జట్టు ఇప్పటికే చెపాక్ స్టేడియంలో ట్రెయినింగ్ క్యాంప్‌ను ప్రారంభించింది. అయితే మహీ మాత్రం ఇంకా ఈ ట్రెయినింగ్ క్యాంప్‌లో చేరలేదని అంటున్నారు. ఇవన్నీ కూడా ఐపీఎల్‌కు ధోనీ గుడ్బై చెప్పే సూచనలుగా ఉన్నాయని అభిప్రాయపడుతున్నారు. ఒకవేళ మహీ కెప్టెన్గా తప్పుకుంటే అతడి స్థానంలో యువ ఓపెనర్ రుతురాజ్ గైక్వాడ్‌ బాధ్యతలు చేపట్టే అవకాశం ఉందని కూడా జోరుగా ప్రచరాం సాగుతోంది. చూడాలి మరి ఏం జరగబోతుందా, మహీ కొత్త రోల్ ఏంటో?
ఇకపోతే మార్చి 22 నుంచి ఐపీఎల్ - 2024 సీజన్ మొదలు కానుంది. తొలి మ్యాచ్ చెన్నై సూపర్ కింగ్స్ -రాయల్ ఛాలెంజర్స్ బెంగళూరు మధ్య జరగనుంది. ఇందులో గెలిచి మంచి శుభారంభం చెయ్యాలని ఇరు జట్లు పట్టుదలతో ఉన్నాయి.
ధోని కెప్టెన్సీ వదిలేస్తున్నాడా? న్యూ రోల్ అంటూ ఇంట్రెస్టింగ్‌ పోస్ట్‌
