Lakshya Sen Back Shot: కొందరు ప్లేయర్లు క్రీడల్లో అద్భుత విన్యాసాలతో ఆకట్టుకుంటారు. ఇలాంటి వీడియోలు సోషల్ మీడియాలో క్షణాల్లో వైరల్గా మారుతుంటాయి. తాజాగా పారిస్‌ ఒలింపిక్స్‌లో భారత స్టార్ షట్లర్ లక్ష్యసేన్ తన టెక్నిక్తో అక్కడున్న ప్రేక్షకులను ఆశ్చర్యానికి గురిచేశాడు. లక్ష్య ఆడిన షాట్ చూసి ప్రేక్షకులంతా ఒక్కసారిగా షాకయ్యారు. నెట్‌లో ప్రత్యక్షమైన ఈ వీడియో ప్రస్తుతం సోషల్ మీడియాలో వైరల్గా మారింది.
నివ్వెరపోయిన పారిస్‌!
ప్రపంచ నెం.4వ ర్యాంక్ షట్లర్ జోనథన్ క్రిస్టీ (ఇండోనేసియా)తో బుధవారం లక్ష్యసేన్ తలపడ్డాడు. హోరాహోరీగా సాగిన ఈ మ్యాచ్లో లక్ష్య తన స్కిల్స్తో ఆందర్నీ ఆకట్టుకున్నాడు. తొలి సెట్లో 19-18తో ఆధిక్యంలో ఉన్న దశలో ప్రత్యర్థి క్రిస్టీ నుంచి వేగంగా వచ్చిన కాక్కు లక్ష్య నమ్మశక్యం కాని రీతిలో బదులిచ్చాడు. తనవైపు వచ్చిన కాక్ను రివర్స్ షాట్ (Behind The Back Recovery Shot)తో అవతలి కోర్ట్లోకి పంపించాడు. లక్ష్యసేన్ ఆడిన ఈ షాట్ సెన్సేషనల్గా మారింది. ప్రస్తుతం సోషల్ మీడియాలో తెగ వైరల్ అవుతోంది.
That was insane, Lakshya Sen! How could you pull off that shot? Unbelievable! 🔥🔥🔥 pic.twitter.com/buP3RfHVCP
— Kuch Bhi!!!! (@KirkutExpert99) July 31, 2024
అసాధారణ పోరాటం
ఆసియా క్రీడల్లో గోల్డ్‌ మెడల్‌ విజేత లక్ష్య సేన్‌, క్రిస్టీతో జరిగిన తొలి సెట్లో అద్భుతంగా పోరాడాడు. ప్రారంభంలో క్రిస్టీ 8-2 ఆధిక్యంలో నిలిచాడు. అనంతరం లక్ష్యసేన్ గట్టి పోటీ ఇచ్చాడు. క్రిస్టీ కూడా దీటుగా స్పందించాడు. అయితే ఏ దశలోనూ లక్ష్యసేన్ ఆధిక్యం పెరగనివ్వలేదు. చివరికి ఓపెనింగ్ సెట్ గెలుచుకోవడానికి మూడు పాయింట్ల దూరంలో క్రిస్టీ నిలిచిపోయాడు. 16-18 వద్ద ఉన్నప్పుడు లక్ష్య వరుసగా 5 పాయింట్లు గెలిచి సెట్ గెలిచాడు.
లక్ష్యసేన్ రెండో సెట్లో జొనాథన్ క్రిస్టీని బోల్తా కొట్టించాడు. కఠినమైన తొలి సెట్ గెలిచిన కాన్ఫిడెన్స్‌, ప్రేక్షకుల సపోర్ట్‌తో మరింత దూకుడుగా ఆడాడు. ఏ కదశలోనూ క్రిస్టీ ప్రమాదకరంగా నిపించలేదు. లక్ష్యసేన్ రెండో సెట్లో భారీ ఆధిక్యంతో గెలిచాడు. ఈ గేమ్‌ విజయంతో లక్ష్య సేన్‌ ప్రీ- క్వార్టర్‌ఫైనల్స్‌కి చేరుకున్నాడు.
