జింబాబ్వే సిరీస్​ టు ఛాంపియన్స్‌ ట్రోఫీ - టీమ్​ఇండియా బిజీ షెడ్యూల్‌ ఇదే! - Indian cricket Team Schedule

Teamindia Next Schedule Zimbabwe to ICC champions Trophy : టీ20 ప్రపంచకప్​ 2024 ఇటీవలే ముగిసింది. ఈ ప్రతిష్టాత్మక పోరులో టీమ్ఇండియా విజయం సాధించి అదరగొట్టింది. అయితే టీమ్​ఇండియా వచ్చే ఏడాది మార్చి వరకు కూడా బిజీ షెడ్యూల్​తో గడపనుంది. వాటి వివరాలను తెలుసుకుందాం.

Teamindia Next Schedule Zimbabwe to ICC champions Trophy : 2024 టీ20 ప్రపంచ కప్ 2024 గెలిచాక విరాట్ కోహ్లీ, రోహిత్, జడేజా టీ20లకు రిటైర్మెంట్ ప్రకటించారు. దీంతో చాలా మంది యంగ్‌ ప్లేయర్‌లకు తమ సత్తా నిరూపించుకునే అవకాశం లభించనుంది. అయితే టీమ్​ఇండియా నెక్ట్స్​ వరుస షెడ్యూల్స్​తో బిజీ కానుంది. 2025 ఫిబ్రవరిలో జరగనున్న ఐసీసీ ఛాంపియన్స్ ట్రోఫీ వరకు ఫుల్ బిజీగా ఉండనుంది. ఈ నేపథ్యంలో భారత జట్టు ఆడబోయే షెడ్యూల్ వివరాలను తెలుసుకుందాం.

• జింబాబ్వేలో భారత పర్యటన
  జులై 6 నుంచి ప్రారంభమయ్యే ఐదు మ్యాచ్‌ల T20I సిరీస్ కోసం జింబాబ్వేలో భారత్ పర్యటించనుంది. శుభ్‌మన్ గిల్ కెప్టెన్సీలో యంగ్‌ టీమ్‌ బరిలో దిగనుంది.
• శ్రీలంకతో టీ20, వన్డే సిరీస్‌
  జులై 27 నుంచి శ్రీలంకలో భారత్ మూడు టీ20లు, మూడు వన్డేలు ఆడనుంది. ఈ సిరీస్​లో టీ20ల్లో ఆడకపోయినప్పటికీ వన్డే కోహ్లీ, రోహిత్​ ఆడే అవకాశం ఉంటుంది.
• భారత్‌లో పర్యటించనున్న బంగ్లాదేశ్‌
  సెప్టెంబర్, అక్టోబర్‌లో బంగ్లాదేశ్‌ రెండు టెస్ట్ మ్యాచ్‌లు, మూడు టీ20ల సిరీస్​ కోసం భారత్‌లో పర్యటించనుంది. ఈ టెస్ట్ సిరీస్ 2023-2025 ICC వరల్డ్ టెస్ట్ ఛాంపియన్‌షిప్‌లో కౌంట్‌ అవుతుంది. ఈ సిరీస్‌ రెండు జట్లకు కీలకం కానుంది.

  pic.twitter.com/cj1XjGjETG

  — BCCI (@BCCI) July 2, 2024

• ఇండియాకి కివీస్‌
  2024 అక్టోబర్, నవంబర్‌లలో మూడు టెస్ట్ మ్యాచ్‌ల కోసం న్యూజిలాండ్ భారత్​ను సందర్శించనుంది. ప్రపంచ టెస్ట్ ఛాంపియన్‌షిప్ ఫైనల్‌కు అర్హత సాధించడానికి ఈ రెండు జట్లకు ఈ సిరీస్ ఎంతో కీలకం.
• భారత్ వర్సెస్ దక్షిణాఫ్రికా
  2024 నవంబర్‌లో భారత్, దక్షిణాఫ్రికా నాలుగు మ్యాచ్‌ల టీ20 సిరీస్‌ ఆడుతాయి. టీ20 ప్రపంచ కప్ ఫైనల్ తర్వాత మళ్లీ ఈ రెండు జట్లు ఈ సిరీస్‌ కోసం తొలిసారి తలపడుతాయి.
• బోర్డర్-గవాస్కర్ ట్రోఫీ
  2024 నవంబరు నుంచి జనవరి 2025 వరకు ఐదు టెస్టుల సిరీస్ కోసం భారత్ ఆస్ట్రేలియా వెళ్తుంది. కీలక బోర్డర్‌- గవాస్కర్‌ ట్రోఫీ కోసం తలపడుతాయి.
• ఇంగ్లాండ్​ టూర్ ఆఫ్ ఇండియా
  2025 జనవరి, ఫిబ్రవరిలో ఇంగ్లాండ్ ఐదు T20Iలు, మూడు వన్డేల కోసం భారత్​ పర్యటనకు రానుంది. ఐసీసీ ఛాంపియన్స్ ట్రోఫీకి ముందు ఈ సిరీస్ రెండు జట్లకు కీలకం కానుంది.
• ఐసీసీ ఛాంపియన్స్ ట్రోఫీ
  2025 ఫిబ్రవరి, మార్చిలో పాకిస్థాన్‌లో జరుగుతున్న ఐసీసీ ఛాంపియన్స్ ట్రోఫీలో భారత్ పాల్గొంటుంది. అయితే భారత్‌ పాక్‌ వెళ్లడంపై ఇంకా స్పష్టత రాలేదు.

  📸📸 Recapping #TeamIndia's glorious day in Barbados! 👏👏@JayShah | #T20WorldCup pic.twitter.com/7clXYLLMM4

  — BCCI (@BCCI) July 2, 2024