IND W vs NZ W 2024 : 2024 మహిళల టీ20 వరల్డ్కప్లో హర్మన్సేన తొలి పోరుకు సిద్ధమైంది. శుక్రవారం (అక్టోబర్ 04) టీమ్ఇండియా - న్యూజిలాండ్ మధ్య మ్యాచ్ జరగనుంది. ఈ ప్రతిష్ఠాత్మక మ్యాచ్కు దుబాయ్ ఇంటర్నేషనల్ స్టేడియం వేదిక కానుంది. రాత్రి 7.30 గంటలకు మ్యాచ్ ప్రారంభం కానుంది.
ఇక ఈసారైనా పొట్టి కప్పు పట్టేయాలని కసితో బరిలో దిగుతున్న హర్మన్సేనకు ఆరంభంలోనే గట్టి ప్రత్యర్థి ఎదురవుతోంది. బ్యాటింగ్, బౌలింగ్ అన్ని విభాగాల్లో సరిసమానంగా ఉన్న కివీస్, భారత్కు గట్టి పోటి ఇస్తుందనడంలో సందేహం లేదు. గ్రూప్ Aలో అన్ని బలమైన జట్లే ఉన్నాయి. భారత్ సెమీస్ చేరాలంటే టోర్నీలో తొలి మ్యాచ్తోనే శుభారంభం చేస్తే కాస్త ఒత్తిడి తగ్గే అవకాశం ఉంటుంది.
టాపార్డర్ రాణిస్తేనే
బ్యాటింగ్లో భారత్కు ప్రధాన బలం ఓపెనర్లు, కెప్టెన్ హర్మన్ప్రీత్ కౌర్. ఓపెనర్లు స్మృతిమంధాన, షెఫాలి వర్మ మంచి ఆరంభం ఇస్తే, మిడిలార్డర్లో హర్మన్ దాన్ని కొనసాగించాలి. అయితే ఇటీవల జరిగిన వార్మప్ మ్యాచ్ల్లో ఈ ముగ్గురు పెద్దగా ఆకట్టుకోలేదు. ఇకనైనా ఫామ్ అందుకొని పరుగులు వరద పారించాలి. వీరితోపాటు జెమిమా రోడ్రిగ్స్, రిచా ఘోష్, దీప్తి శర్మ కూడా రాణిస్తే భారత్కు భారీ స్కోర్ ఖాయం. మరోవైపు బౌలర్లు కొంతకాలంగా మెరుగైన ప్రదర్శనే కనబరుస్తున్నారు. స్పిన్నర్లకు అనుకూలించే దుబాయ్ పిచ్లపైన దీప్తి, ఆశ శోభన, రాధ యాదవ్ ప్రత్యర్థులను ఇబ్బంది పెట్టగలిగితే మనదే విజయం!
ప్రత్యర్థి బలమైనదే
ఇటు న్యూజిలాండ్ కూడా స్టార్ ప్లేయర్లతో నిండి ఉంది. ప్రత్యర్థులపై ఒత్తిడి పెంచగల బలమైన ఆల్రౌండర్లు ఆ జట్టు సొంతం. కెప్టెన్ సోఫీ డివైన్, లీగ్‌ కాస్పరెక్, బ్రూక్‌ హాలిడేతో పాటు ఓపెనర్‌ సుజీ బేట్స్ సైతం బ్యాటింగ్‌తో పాటు బౌలింగ్‌లోనూ రాణించగలదు. వీరికి తోడు జెస్‌ కెర్, మోలీ పెన్‌ఫోల్డ్, ఫ్రాన్‌ జోనాస్‌లతో బౌలింగ్ విభాగమూ మెరుగ్గానే కనిపిస్తోంది.
హెడ్ టు హెడ్
అయితే హెడ్ టు హెడ్ ఫైట్లో మాత్రం భారత్పై కివీస్దే పైచేయి. ఇప్పటివరకు భారత్ - న్యూజిలాండ్ మధ్య 13 టీ20 మ్యాచ్లు జరిగాయి. అందులో భారత్ కేవలం నాలుగింట్లో నెగ్గగా, కివీస్ ఏకంగా తొమ్మిది టీ20ల్లో సత్తా చాటింది.
తుది జట్లు (అంచనా)
భారత్ : స్మృతి మంధాన, షెఫాలి వర్మ, హర్మన్ప్రీత్ (కెప్టెన్), జెమీమా రోడ్రిగ్స్, రిచా ఘోష్, దీప్తి శర్మ, పూజ వస్త్రాకర్, ఆశ శోభన, శ్రేయాంక పాటిల్, రాధ యాదవ్, రేణుక సింగ్‌.
న్యూజిలాండ్ : సుజీ బేట్స్, సోఫీ డివైన్, అమేలియా కెర్, బ్రూక్‌ హాలిడే, మ్యాడీ గ్రీన్, లీగ్‌ కాస్పరెక్, ఫ్రాన్‌ జోనాస్, జెస్‌ కెర్, మోలీ పెన్‌ఫోల్డ్, హన్నా రోవ్, లియా తహుహు.
𝗠𝗮𝗿𝗸 𝗬𝗼𝘂𝗿 𝗖𝗮𝗹𝗲𝗻𝗱𝗮𝗿 🗓️#TeamIndia's schedule for the ICC Women's #T20WorldCup 2024 is 𝙃𝙀𝙍𝙀 🔽 pic.twitter.com/jbjG5dqmZk
— BCCI Women (@BCCIWomen) August 26, 2024
క్రికెట్లో AI టూల్- మహిళా ప్లేయర్ల సేఫ్టీ కోసమే! - Womens World Cup AI Tool
ఉమెన్స్ వరల్డ్కప్నకు అంతా సెట్ - లైవ్ స్ట్రీమింగ్ ఎక్కడంటే? - 2024 Womens T20 World Cup
