India Vs Srilanka Tour : టీ20 ప్రపంచకప్ తర్వాత టీమ్ఇండియా మంచి జోష్లో ఉంది. ఇటీవలే యంగ్ ప్లేయర్లు కూడా జింబాబ్వే సిరీస్లో విజయం సాధించింది కూడా తమకు ప్లస్ పాయింట్గా నిలవడం వల్ల రానున్న మ్యాచుల్లో మరింత మెరుగ్గా పెర్ఫామ్ చేద్దామని ప్లాన్ చేస్తున్నారు. ఈ నేపథ్యంలో రానున్న శ్రీలంక టూర్ కోసం తీవ్రంగా ప్రాక్టీస్ చేస్తున్నారు. అక్కడ టీమ్ఇండియా మూడు టీ20లు, మూడు వన్డేలు ఆడనుంది. జులై 26 నుంచి టీ20 సిరీస్ ప్రారంభం కానుండగా, ఆగస్టు 1 నుంచి వన్డే సిరీస్ మొదలవ్వనుంది.
ఇక ఈ సిరీస్కు టీమ్ఇండియా కెప్టెన్‌గా ఎవరు రానున్నారన్న విషయంపై క్రికెట్ అభిమానుల్లో ఆసక్తి నెలకొంది. ఇందులో భాగంగా స్టార్ క్రికెటర్ హార్దిక్ పాండ్యా పేరు గట్టిగా వినిపిస్తోంది. టీ20 ఫార్మాట్కు రోహిత్ శర్మ వీడ్కోలు పలికిన నేపథ్యంలో హార్దిక్కు ఆ పగ్గాలు అందజేస్తారని క్రికెట్ వర్గాల మాట.
అయితే టీ20 ప్రపంచకప్‌లో హార్దిక్ అత్యద్భుతంగా ఆడి జట్టుకు కీలక ఇన్నింగ్స్ అందించాడు. ఆ టోర్నీకి భారత జట్టుకు వైస్ కెప్టెన్‌గానూ పాండ్యా వ్యవహరించాడు. గతంలోనూ టీమ్ఇండియాకు సారధిగా ఉన్న అనుభవం ఉంది. దీంతో కెప్టెన్సీ లిస్ట్లో హార్దిక్ పేరు ముందున్నట్లు తెలుస్తోంది. అయితే ఈ విషయంలో హెడ్ కోచ్ గౌతమ్ గంభీర్దే ఫైనల్ నిర్ణయం అని టాక్ నడుస్తోంది.
ఇదిలా ఉండగా, వన్డే కెప్టెన్సీ విషయంలోనూ సందిగ్ధత నెలకొంది. ఈ ఫార్మాట్కు కేఎల్ రాహుల్కు పగ్గాలు అందజేయాలనుకున్నప్పటికీ, బీసీసీఐ ఇంకా ఎటువంటి నిర్ణయం తీసుకోలేదట. ఇక శ్రేయాస్ అయ్యర్ ఈ సిరీస్లో కమ్ బ్యాక్ ఇచ్చే ప్లాన్స్లో ఉన్నందున అతడికి కెప్టెన్సీ బాధ్యతలు ఇవ్వనున్నట్లు సమాచారం.
తాజాగా ఈ టూర్‌కు సంబంధించిన వివరాలను బీసీసీఐ అనౌన్స్ చేసింది. టీ20 మ్యాచ్‌లన్నీ పల్లెకెలెలో సాయంత్రం 7 గంటలకు, వన్డే మ్యాచ్‌లు కొలంబోలో మధ్యాహ్నం 2.30 గంటలకు జరగనున్నాయని తెలిపింది. అయితే త్వరలోనే జట్లను ప్రకటించనున్నట్లు బీసీసీఐ తెలిపింది. ఇక భారత కోచ్‌గా గౌతమ్ గంభీర్ ప్రయాణం కూడా ఈ సిరీస్‌తోనే మొదలవుతుంది.
టీ20 వరల్డ్కప్లో శ్రీలంక ఫెయిల్ - అప్పుడు కోచ్, ఇప్పుడు కెప్టెన్ రాజీనామా
