వరల్డ్ ఛాంపియన్లుగా 'భారత్ లెజెండ్స్'- ఫైనల్​లో పాక్ చిత్తు చిత్తు - India Legends WCL 2024

India Legends vs Pakistan Legends Final: 2024 వరల్డ్ ఛాంపియన్​షిప్​ ఆఫ్ లెజెండ్స్ టోర్నీలో టీమ్ఇండియా లెజెండ్స్ విజేతగా నిలిచారు. శనివారం పాకిస్థాన్​తో జరిగిన మ్యాచ్​లో 5 వికెట్లతో నెగ్గి బర్మింగమ్​లో భారత్ జెండా ఎగురవేశారు.

India Legends vs Pakistan Legends Final: 2024 వరల్డ్ ఛాంపియన్​షిప్​ ఆఫ్ లెజెండ్స్ టోర్నీలో టీమ్ఇండియా లెజెండ్స్ జట్టు విజేతగా నిలిచింది. పాకిస్థాన్ లెజెండ్స్​తో బర్మింగమ్ వేదికగా శనివారం జరిగిన ఫైనల్ మ్యాచ్​లో యువరాజ్ సింగ్ నేతృత్వంలోని భారత్ లెజెండ్స్ 5 వికెట్ల తేడాతో నెగ్గి జయకేతనం ఎగురవేశారు. ప్రత్యర్థి పాక్ నిర్దేశించిన 157 పరుగుల లక్ష్యాన్ని టీమ్ఇండియా 19.1 ఓవర్లలోనే ఛేదించి లెజెండ్స్ టోర్నీలో ఛాంపియన్స్​గా నిలిచింది. ​ఫైనల్​లో అదరగొట్టిన అంబటి రాయుడుకు 'ప్లేయర్ ఆఫ్ ది మ్యాచ్', యూసుఫ్ పఠాన్​కు 'ప్లేయర్ ఆఫ్ ది టోర్నీ' అవార్డులు లభించాయి.

View this post on Instagram

A post shared by Suresh Raina (@sureshraina3)

మెరిసిన రాయుడు
158 పరుగుల లక్ష్య ఛేదనలో తెలుగు తేజం అంబటిరాయుడు (50 పరుగులు; 30బంత్లులో: 5x4, 6x2) హాఫ్ సెంచరీతో అదరగొట్టాడు. ఓపెనర్ రాబిన్ ఊతప్ప (10 పరుగులు), సురేశ్ రైనా (4 పరుగులు) స్వల్ప స్కోర్లకే వెనుదిరిగారు. గుర్​కీతర్ మన్ సింగ్ (34 పరుగులు) రాణించాడు. చివర్లో యూసుఫ్ పఠాన్ (30 పరుగులు; 16 బంత్లులో: 1x4, 3x6) మెరుపు ఇన్నింగ్స్​తో అదరగొట్టాడు. యువరాజ్ సింగ్ (15*), ఇర్ఫాన్ పఠాన్ (5*) మ్యాచ్ ముగించారు. పాకిస్థాన్ బౌలర్లలో ఆమిర్ యామిన్ 2, సయిద్ అజ్మల్, వహాబ్ రియాజ్, షోయబ్ మాలిక్ తలో వికెట్ దక్కించుకున్నారు.

లెజెండ్స్​ అదుర్స్: టీమ్ఇండియా మాజీ ప్లేయర్లు ఈ లెజెండ్స్ టోర్నీలో పాల్గొన్నారు. రాబిన్ ఉతప్ప, అంబటి రాయుడు, సురేశ్​ రైనా, యువరాజ్ సింగ్, పఠాన్ బ్రదర్స్ టోర్నీలో రాణించారు. ముఖ్యంగా సెమీస్​లో ఇర్ఫాన్ పఠాన్ కేవలం 19 బంతుల్లోనే 50 పరుగులతో ఆస్ట్రేలియాను రఫ్పాడించాడు. కాగా, ఫైనల్​లో అంబటి రాయుడు అదరగొట్టాడు.

15రోజుల్లో రెండోసారి: బర్బడోస్ గడ్డపై రోహిత్ సేన భారత జెండా పాతి టీ20 వరల్డ్​కప్ టైటిల్ నెగ్గిన టీమ్ఇండియా, రెండు వారాల్లోపు యువీసేన ఇంగ్లాండ్ గడ్డపై సత్తా చాటి ఛాంపియన్స్​గా నిలిచింది. పైగా ఈసారి ఫైనల్​లో పాకిస్థాన్​పై నెగ్గడం మరో విశేషం. దీంతో టీమ్ఇండియా క్రికెట్ ఫ్యాన్స్ ఫుల్ సంబరాలు చేసుకుంటున్నారు.

Barbados ke baad ab Birmingham mei bhi 🇮🇳 ka jhanda 💙#IndvPakonFanCode #WCLonFanCode pic.twitter.com/ht2KfiWm2O

— FanCode (@FanCode) July 13, 2024

The strike with which India Champions made the WCL trophy theirs ❤️#IndvPakonFanCode #WCLonFanCode pic.twitter.com/vqodrKyYTD

— FanCode (@FanCode) July 13, 2024

View this post on Instagram

A post shared by Irfan Pathan (@irfanpathan_official)