'గిల్ బ్యాట్​తోనే సెంచరీ బాదా- అలా ఎప్పుడు అనిపించినా అడిగేస్తా' - India Tour Of Zimbabwe 2024

Abhishek Sharma 100 T20: జింబాబ్వే పర్యటనలో టీమ్ఇండియా బోణీ కొట్టింది. ఈ మ్యాచ్​లో యంగ్ బ్యాటర్ అభిషేక్ శర్మ సెంచరీ సాధించి భారత్ విజయంలో కీలకంగా మారాడు. అయితే అతడు ఈ సెంచరీ సాధించింది గిల్ బ్యాట్​తో అని అభిషేక్ చెప్పాడు.

Abhishek Sharma 100 T20: టీమ్ఇండియా యంగ్ బ్యాటర్ అభిషేక్ శర్మ జింబాబ్వే పర్యటనలో రెండో టీ20లో రప్ఫాడించాడు. తొలి టీ20లో డకౌటైన అభిషేక్ ఈ మ్యాచ్​లో కసితీరా బాదేశాడు. ప్రత్యర్థి బౌలర్లను ఊచకోత కోస్తూ 46 బంతుల్లోనే సెంచరీ నమోదు చేశాడు. అభిషేక్ ధాటికి జింబాబ్వే బౌలర్లు నిలువలేకపోయారు. ఫలితంగా అంతర్జాతీయ క్రికెట్​లో ఆడిన రెండో మ్యాచ్​లోనే అభిషేక్​ ప్లేయర్ 'ఆఫ్ ది మ్యాచ్'​గా ఎంపికయ్యాడు.

అయితే మ్యాచ్ అనంతరం అభిషేక్ మాట్లాడాడు. తన బ్యాట్ గురించి ఇంట్రెస్టింగ్ కామెంట్స్ చేశాడు. ఈ మ్యాచ్​లో అతడు కెప్టెన్ శుభ్​మన్ గిల్​ బ్యాట్​తో ఆడినట్లు మ్యాచ్ తర్వాత చెప్పాడు. గిల్ బ్యాట్​తోనే శతకం సాధించానని అభిషేక్ అన్నాడు. అంతేకాదు, తాను ఎప్పుడైనా కమ్​బ్యాక్ ఇవ్వాల్సి వస్తే ఎలాంటి మొహమాటం లేకుండా గిల్ బ్యాట్ అడిగేస్తానని అభిషేక్ తెలిపాడు.

'ఇవాళ నేను గిల్ బ్యాట్​తో అడాను. ఇంతకుముందు కూడా చాలా సార్లు గిల్ బ్యాట్ ఉపయోగించాను. అండర్- 14నుంచి అలా గిల్ బ్యాట్​తో ఆడుతున్నా. నేను ఏప్పుడైనా కమ్​బ్యాక్ ఇవ్వాల్సి వస్తే గిల్ బ్యాట్​తో ఆడడమే నాకు చివరి ఆప్షన్. అందుకే మొహమాటం లేకుండా గిల్​ను బ్యాట్ అడిగేస్తా. తొలి టీ20లో డకౌటయ్యా. మరుసటి రోజే రెండో మ్యాచ్​ ఉండడంతో కమ్​బ్యాక్ గురించి ఆలోచించడానికి టైమ్ లేదు. జస్ట్ ఫ్లోలో వెళ్లిపోయా' అని అభిషేక్ అన్నాడు. అయితే అభిషేక్, గిల్ కొన్నేళ్లుగా డొమెస్టిక్​ క్రికెట్​లో కలిసి ఆడుతున్నారు. దీంతో వీరిద్దరి మధ్య మంచి బాండింగ్ ఏర్పడింది.

Two extremely special phone 📱 calls, one memorable bat-story 👌 & a first 💯 in international cricket!

𝗗𝗢 𝗡𝗢𝗧 𝗠𝗜𝗦𝗦!

A Hundred Special, ft. Abhishek Sharma 👏 👏 - By @ameyatilak

WATCH 🎥 🔽 #TeamIndia | #ZIMvIND | @IamAbhiSharma4 pic.twitter.com/0tfBXgfru9

— BCCI (@BCCI) July 8, 2024

ఇక మ్యాచ్ విషయానికొస్తే, టీమ్ఇండియా 100 పరుగుల భారీ తేడాతో ఆతిథ్య జట్టును చిత్తు చేసింది. ఈ మ్యాచ్​లో అభిషేక్​తోపాటు రుతురాజ్ గైక్వాడ్ (77*), రింకూ సింగ్ (48*) రాణించడం వల్ల టీమ్ఇండియా నిర్ణీత 20 ఓవర్లలో 2 వికెట్ల నష్టానకి 234పరుగులు చేసింది. అనంతరం ఛేదనలో జింబాబ్వే 18.4 ఓవర్లలో 134 పరుగులకే కుప్పకూలింది. భారత బౌలర్లలో ముకేశ్ కుమార్, ఆవేశ్ ఖాన్ తలో 3, రవి బిష్ణోయ్ 2, సుందర్ 1 వికెట్ దక్కించుకున్నారు.

ABHISHEK SHARMA HUNDRED MOMENT. 🤯

- 6,6,6 when Abhishek was batting on 82* 🔥 pic.twitter.com/0OubKlnauI

— Johns. (@CricCrazyJohns) July 7, 2024