ICC T20 World Cup 2024 Team India : యూఎస్, వెస్టిండీస్ వేదికగా మరి కొద్ది రోజుల్లో జరగనున్న ప్రతిష్టాత్మక టీ20 ప్రపంచ కప్ కోసం ఆడనున్న టీమ్ఇండియా ప్లేయర్లను అనౌన్స్ చేసింది బీసీసీఐ. రోహిత్ శర్మ నాయకత్వంలో జరగనున్న ఈ మెగా టోర్నీ కోసం తాజాగా ప్లేయింగ్ 11ను వెల్లడించింది. అహ్మదాబాద్‌ వేదికగా జరిగిన సెలక్షన్‌ కమిటీ మీటింగ్లో కెప్టెన్ రోహిత్ శర్మ, అలాగే కమిటీ ఛైర్మన్‌ అజిత్‌ అగార్కర్‌ ప్లేయర్ల పేర్లను తెలిపారు.
రోహిత్ కెప్టెన్గా వ్యవహరించనున్నాడు. వైస్ కెప్టెన్గా హార్దిక్ పాండ్య ఎంపికయ్యాడు. రిషభ్ పంత్, సంజు శాంసన్, యుజువేంద్ర చాహల్, శుభమన్ గిల్ కూడా జట్టులో చోటు దక్కించుకున్నారు. అయితే కేఎల్ రాహుల్కు మాత్రం చోటు దక్కలేదు. కాగా, ఈ సారి ప్రపంచకప్ యూఎస్, వెస్టిండీస్ వేదికగా జరగనున్నాయి. భారత్ తన తొలి మ్యాచ్ను జూన్ 5వ ఐర్లాండ్తో ఆడనుంది.
ఇకపోతే ఈ మెగాటోర్నీ ప్రారంభ మ్యాచ్‌లో ఆతిథ్య అమెరికాతో కెనడా తలపడనుంది. గ్రూప్ ఏలో ఉన్న భారత్-పాక్‌ జట్లు న్యూయార్క్‌ వేదికగా జూన్ 9న తలపడనున్నాయి. మొత్తంగా ఈ ప్రపంచకప్ సిరీస్‌లో మొత్తం 20 జట్లు పోటీపడనున్నాయి. అమెరికాలో 3, వెస్టిండీస్‌లో 6 వేదికల్లో మొత్తం 55 మ్యాచ్‌లు నిర్వహించనున్నారు. ఫైనల్‌ మ్యాచ్ జూన్ 29న నిర్వహించనున్నారు.
టీమ్ ఇండియా పూర్తి జట్టు ఇదే : రోహిత్ శర్మ (కెప్టెన్), యశస్వి జైస్వాల్, విరాట్ కోహ్లీ, సూర్యకుమార్ యాదవ్, రిషభ్ పంత్, శాంసన్, హార్దిక్ పాండ్య, శివమ్ దూబె, రవీంద్ర జడేజా, అక్షర్ పటేల్, కుల్దీప్ యాదవ్, చాహల్, అర్ష్‌దీప్‌ సింగ్, బుమ్రా, సిరాజ్.
ట్రావెలింగ్ రిజర్వ్‌ : శుభ్‌మన్ గిల్, రింకు సింగ్, ఖలీల్ అహ్మద్‌, అవేశ్‌ఖాన్‌
జట్టులో మార్పులు ఇంకా ఉంటాయా? - జూన్ 25 వరకు తమ జట్టులో మార్పులు చేసుకునే అవకాశం ఉంటుంది. అందుకోసం ICC నుంచి ప్రత్యేకంగా అనుమతి తీసుకోవాలి. ప్లేయర్ ఎవరైనా గాయపడినప్పుడు ఈ మార్పు జరుగుతుంది. ఈ నియమం టోర్నమెంట్‌లోని ప్రతి జట్టుకు వర్తిస్తుంది.
గ్రూప్ దశలో టీమ్ ఇండియా షెడ్యూల్
- జూన్ 5 - టీమ్ ఇండియా వర్సెస్ ఐర్లాండ్.
- జూన్ 9 - టీమ్ ఇండియా వర్సెస్ పాకిస్థాన్.
- జూన్ 12 - టీమ్ ఇండియా వర్సెస్ అమెరికా.
- జూన్ 15 - టీమ్ ఇండియా వర్సెస్ కెనడా.
యంగ్ రోహిత్ను చూశారా? - వైరల్గా మారిన హిట్మ్యాన్ టీనేజ్ ఫొటో - Rohith Sharma Teen age photo
వన్డేల్లో హిట్మ్యాన్ వరల్డ్ రికార్డ్ - పదేళ్లైనా ఇంకా చెరగలేదు - Rohit Sharma Birthday
