ICC Latest T20 ODI Rankings : అంతర్జాతీయ క్రికెట్ కౌన్సిల్ బుధవారం తాజా వన్డే ర్యాంకింగ్స్ విడుదల చేసింది. పాకిస్థాన్ క్రికెటర్లు ఈ ర్యాంకింగ్స్లో ఆధిపత్యం చెలాయించారు. బౌలింగ్ ర్యాంకింగ్స్లో పాకిస్థాన్ స్టార్ పేసర్ షాహీన్ అఫ్రిది 696 రేటింగ్స్తో అగ్రస్థానాన్ని దక్కించుకున్నాడు. అలాగే బ్యాటింగ్ ర్యాంకింగ్స్లో పాకిస్థాన్ మాజీ కెప్టెన్, స్టార్ బ్యాటర్ బాబర్ అజామ్ 825 రేటింగ్స్లో మొదటి స్థానాన్ని కైవసం చేసుకున్నాడు.
టీమ్ ఇండియా వన్డే, టెస్టు కెప్టెన్ రోహిత్ శర్మ బ్యాటింగ్ ర్యాకింగ్స్లో 765 పాయింట్లలో రెండో ప్లేస్ను దక్కించుకున్నాడు. భారత యంగ్ ప్లేయర్ శుభ్ మన్ గిల్ 763 రేటింగ్స్లో మూడో స్థానంలో నిలిచాడు. 746 రేటింగ్స్లో విరాట్ నాలుగో ప్లేస్లో, హ్యారీ టెక్టార్ ఐదో స్థానంలో ఉన్నారు. టీమ్ ఇండియా ఆటగాళ్లు రోహిత్, విరాట్, గిల్కు మాత్రమే టాప్-10 బ్యాటర్లలో చోటు దక్కింది. బుమ్రా, కుల్దీప్ యాదవ్, సిరాజ్ బౌలింగ్ ర్యాంకింగ్స్లో టాప్-10లో చోటు సంపాదించుకున్నారు.
టీ20ల్లో టాప్ ఎవరంటే? - ఇక లేటెస్ట్ టీ20 ర్యాంకింగ్స్లో బ్యాటింగ్ విభాగంలో సూర్య కుమార్ యాదవ్ ఒక స్థానం కోల్పోయి 803 పాయింట్లతో మూడు ర్యాంకులో నిలిచాడు. ఆసీస్ ప్లేయర్ ట్రావిస్ హెడ్ 881 రేటింగ్స్తో అగ్రస్థానంలో ఉన్నాడు. పిల్ సాల్ట్ రెండో ప్లేస్, సూర్య, బాబర్ ఆజామ్, మహ్మద్ రిజ్వాన్ తర్వాతి స్థానాల్లో నిలిచారు. టీ20 బౌలింగ్ ర్యాంకింగ్స్లో ఇంగ్లాండ్ స్పిన్నర్ ఆదీల్ రషీద్ అగ్రస్థానాన్ని దక్కించుకున్నాడు. తర్వాత స్థానాల్లో హసరంగ, హోసెన్, తీక్షణ, మోతీ, రషీద్ ఖాన్ నిలిచారు. టాప్-10లో టీమ్ ఇండియా ఆటగాడు రవి బిష్ణోయ్(7వ ప్లేస్) కు మాత్రమే చోటు దక్కింది.
అందుకే పాక్ ప్లేయర్లు టాప్లోకి - ఆస్టేలియాతో ఇటీవల జరిగిన సిరీస్లో రాణించడం వల్ల వన్డే ర్యాంకింగ్స్లో పాకిస్థాన్ ప్లేయర్లు మంచి ర్యాంకింగ్స్ ను సాధించారు. ఆసీస్తో జరిగిన మూడు వన్డే సిరీస్లో అఫ్రిది 8 వికెట్లు పడగొట్టాడు. అతడి సగటు 12.62. దీంతో మూడు స్థానాలు ఎగబాకి ర్యాంకింగ్స్లో ఫస్ట్ ప్లేస్ను దక్కించుకున్నాడు. అలాగే ఇదే సిరీస్లో పాక్ బ్యాటర్లు బాబర్ ఆజామ్, మహ్మద్ రిజ్వాన్ అదరగొట్టారు. దీంతో వారిద్దరూ బ్యాటింగ్ విభాగంలో మంచి ర్యాంకింగ్స్ను దక్కించుకున్నారు. కాగా, ప్రస్తుతం దక్షిణాఫ్రికాతో జరుగుతున్న టీ20 సిరీస్లో సూర్యకుమార్ యాదవ్ ఫెయిల్ అవ్వడం వల్ల మూడు స్థానాలు కిందకు పడిపోయి మూడో స్థానానికి పడిపోయాడు.
ఛాంపియన్స్ ట్రోఫీ నిర్వహణ - పీసీబీ వైఖరిపై పాక్ ప్రభుత్వం కీలక నిర్ణయం!
