ICC Latest Rankings : ఐసీసీ తాజాగా విడుదల చేసిన వన్డే ర్యాంకింగ్స్లో టీమ్ఇండియా కెప్టెన్ రోహిత్ శర్మ అదరగొట్టాడు. బుధవారం వచ్చిన ఈ ర్యాంకింగ్స్లో ఒక ర్యాంక్ ఎగబాకి రెండో స్థానానికి చేరుకున్నాడు. అయితే ఇప్పటి వరకూ రోహిత్ కెరీర్లో నమోదైన బెస్ట్ ర్యాంక్ ఇదే కావడం విశేషం.
అయితే అంతకుముందు విడుదలైన ఐసీసీ ర్యాంకింగ్స్లో రోహిత్ మూడో స్థానంలో ఉన్నాడు.ఇప్పుడీ ర్యాంక్తో అంతకుముందు రెండో స్థానంలో ఉన్న యంగ్ ప్లేయర్ శుభ్మన్ గిల్ను వెనక్కినెట్టి రెండో స్థానాన్ని కైవసం చేసుకున్నాడు. ఇక రోహిత్ తర్వాతి స్థానాల్లో విరాట్ కోహ్లీ, ఐర్లాండ్ బ్యాటర్ టెక్టార్ ఉండగా, పాకిస్థాన్ ప్లేయర్ బాబర్ ఆజమ్ మాత్రం నెంబర్ వన్ పొజిషన్లో కొనసాగుతున్నాడు. ఇక విరాట్ కోహ్లీ నాలుగో స్థానంలో ఉన్నాడు.
మరోవైపు బౌలర్లలో సౌతాఫ్రికా ప్లేయర్ కేశవ్ మహారాజ్ టాప్ ర్యాంక్లో కొనసాగుతుండగా, ఆ తర్వాతి పొజిషన్స్లో ఇంగ్లాండ్ ప్లేయర్ జోష్ హాజిల్ వుడ్, ఆస్ట్రేలియా ప్లేయర్ ఆడమ్ జంపా, టీమ్ఇండియా బౌలర్ కుల్దీప్ యాదవ్ ఉన్నారు. జస్‌ప్రీత్‌ బుమ్రా ఎనిమిదో స్థానంలో ఉండగా, మరో భారత బౌలర్ మహ్మద్‌సిరాజ్ ఐదు స్థానాలు దిగజారి పదో స్థానానికి పడిపోయాడు.
ఇదిలా ఉండగా, వన్డే ఆల్ రౌండర్స్ ర్యాంకింగ్స్లో షకీబ్ అల్ హసన్, సికిందర్ రజా టాప్ పొజిషన్లో ఉన్నారు. దునిత్‌ వెల్లెకే 15 స్థానాలు మెరుగుపడి 54వ స్థానంలో నిలిచాడు. మహ్మద్ నబీ 320 పాయింట్లతో అగ్రస్థానంలో కొనసాగుతున్నాడు. శ్రీలంక సిరీస్లో 6 వికెట్లు తీసిన భారత ఆటగాడు అక్షర్ పటేల్ 83వ ర్యాంక్లో ఉన్నాడు.
శ్రీలంక సిరీస్లో రోహిత్ మెరుపులు
శ్రీలంకతో జరిగిన వన్డే సిరీస్లో భారత్ 2-0 తేడాతో ఓడిపోయినప్పటికీ, టీమ్ఇండియా కెప్టెన్ రోహిత్ శర్మ ఆటతీరు అద్భుతంగా ఉంది. వన్డే సిరీస్లో రోహిత్ శర్మ మొత్తం 157 పరుగులు చేశాడు. రెండు అర్ధ సెంచరీలు సాధించాడు. అయితే విరాట్ కోహ్లీ 3 మ్యాచ్‌ల్లో కేవలం 58 పరుగులు మాత్రమే చేశాడు.
ICC ర్యాంకింగ్స్: సత్తాచాటిన రోహిత్, గిల్, విరాట్- టాప్ 5లో ముగ్గురు మనోళ్లే - ICC Ranking
ఛాంపియన్స్ ట్రోఫీకి రూ.584 కోట్ల బడ్జెట్- ఎక్స్ట్రా రూ.34 కోట్లు కూడా! - Champions Trophy 2025
