Hardik Pandya Srilanka Tour : శ్రీలంక పర్యటనకు టీమ్ఇండియా పయనమవుతున్న నేపథ్యంలో స్టార్ ఆల్రౌండర్ హార్దిక్ పాండ్య ఓ ఆసక్తికరమైన ఫొటో అభిమానులతో పంచుకున్నాడు. ఎన్నో కష్టాలను ఎదుర్కొని దాటి టీ20 ప్రపంచ కప్‌ను ముద్దాడాను అంటూ ఆ పోస్ట్ కింద ఎమోషనల్ నోట్ షేర్ చేశాడు.
"2023 వన్డే ప్రపంచకప్‌లో తగిలిన గాయం నన్ను తీవ్ర నిరాశకు గురి చేసింది. దీంతో క్రికెట్ ప్రయాణం మునుపటికంటే చాలా కష్టంగా మారింది. చాలా కాలం పాటు ఆటకు దూరమయ్యాను. కానీ టీ20 ప్రపంచకప్‌ను భారత్ గెలవడం వల్ల అప్పటి వరకు పడిన కష్టానికి ఫలితం అందుకున్నందున సంతోషంగా అనిపించింది. గత కొంత కాలంగా చేసిన కృషికి ఇంతకంటే అద్భుతమైన ముగింపు మరొకటి ఉండదు. కఠోరమైన శ్రమ వృథా కాదు అని నిరూపించేందుకు ఇదొక ఉదాహరణ. తప్పకుండా ఎప్పటికైనా మంచి గుర్తింపు దక్కుతుంది. ఫిట్నెస్ సాధించేందుకు మనమందరం కృష్టి చేద్దాం " అంటూ హార్దిక్ పేర్కొన్నాడు.
2023 వన్డే ప్రపంచ కప్లో గాయలపాలైన పాండ్య దాదాపు ఐదు నెలలపాటు ఆటకు దూరంగా ఉన్నాడు. అయితే చికిత్స తర్వాత ఐపీఎల్‌లోకి ఎంట్రీ ఇచ్చాడు. ముంబయి ఇండియన్స్‌ కెప్టెన్సీ బాధ్యతలను చేపట్టాడు. అయితే తాను కెప్టెన్గా ఉండటం పట్ల తీవ్ర స్థాయిలో విమర్శలను ఎదుర్కొన్నాడు. అతడి ఫామ్పై కూడా అనేక ప్రశ్నలు వచ్చాయి.
ఆ తర్వాత టీ20 ప్రపంచకప్‌లో సూపర్ పెర్ఫామెన్స్తో అదరగొట్టాడు. తన ఆల్‌రౌండ్‌ స్కిల్స్తో ప్రత్యర్థులను బెదరకొట్టాడు. దీంతో విమర్శలు చేసినవారే ఇప్పుడు అతడ్ని పొగడ్తలతో ముంచెత్తుతున్నారు. ఈ టోర్నీ ఫైనల్లోని చివరి ఓవర్‌లో కట్టుదిట్టంగా బౌలింగ్ చేసి భారత జట్టును విజేతగా నిలిపాడు. ఇక హార్దిక్ మొత్తం 6 ఇన్నింగ్స్‌ల్లో 144 పరుగులు చేయగా, 11 వికెట్లు పడగొట్టాడు.
ఇక హార్దిక్ సొంత ఊరైన వడోదరలో అతడికి ఘన స్వాగతం లభించింది. తమ అభిమాన క్రికెటర్ను చూసేందుకు పెద్ద ఎత్తున తరలివచ్చిన ఫ్యాన్స్, ఎయిర్‌పోర్ట్‌ నుంచి ర్యాలీగా తీసుకెళ్లేందుకు సన్నాహాలు చేశారు. ఆ తర్వాత అక్కడి వారు హార్దిక్కు సన్మానం ఏర్పాటు చేశారు.
'హార్దిక్కు కూడా ఎమోషన్స్ ఉంటాయి'- కృనాల్ ఇన్స్టా పోస్ట్ వైరల్ - Hardik Pandya World Cup 2024
'ఐయామ్‌ సారీ' - హార్దిక్కు క్షమాపణలు చెబుతున్న ముంబయి ఫ్యాన్స్ - Mumbai Fans Sorry To Hardik
