Glenn Maxwell IPL 2025 : రాయల్ ఛాలెంజర్స్ బెంగళూరు ఫ్రాంచైజీ తనను రిటైన్ చేసుకోకపోవడంపై ఆస్ట్రేలియా స్టార్ ప్లేయర్ గ్లెన్ మ్యాక్స్వెల్ స్పందించాడు. రిటెన్షన్స్ పట్ల ఆర్సీబీ యాజమాన్యం తనకు సర్దిచెప్పిందని అన్నాడు. ఆ పరిస్థితులను వాళ్లు హ్యాడింల్ చేసిన విధానం తనకు నచ్చిందని తెలిపాడు. అలాగే ఆర్సీబీతో తన ప్రయాణం ఇక్కడితో ముగిసిపోలేదని ఇంట్రెస్టింగ్ కామెంట్స్ చేశాడు.
'రిటెన్షన్స్ నేపథ్యంలో ఆర్సీబీ మేనేజ్మెంట్ నుంచి నాకు కాల్ వచ్చింది. ఆండీ ఫ్లవర్, మో బొబాట్తో జూమ్ కాల్లో మాట్లాడాను. వాళ్లు నన్ను రిటెన్ చేసుకోకపోవడం గురించి మాట్లాడారు. అదొక మంచి ఫేర్వెల్ మీటింగ్లాగా అనిపించింది. దాదాపు 30నిమిషాలపాటు నా గేమ్ గురించి, ఆర్సీబీ ఫ్యూచర్ స్ట్రాటజీ గురించి చర్చించాము. దాని పట్ల నేను హ్యాపీగానే ఉన్నా' అని రీసెంట్గా ఓ స్పోర్ట్స్ వెబ్సైట్తో మాట్లాడాడు.
'ఆర్సీబీ స్టాఫ్లో కూడా మార్పులు చేసింది. రిటెన్షన్స్కు వాళ్లకు కూడా ఓ ప్రాసెస్ ఉంటుంది. అది నేను అర్థం చేసుకోగలను. నన్ను అట్టిపెట్టుకున్నారో లేదో అని రిటెన్షన్స్ లిస్ట్ వచ్చే వరకు నేను కూడా ఆత్రుతగా ఉన్నాను. కానీ, ఫారిన్ ప్లేయర్ల రూల్ కూడా దీనికి కారణం అయ్యి ఉండవచ్చు. ఆర్సీబీతో నా జర్నీ ముగిసిందని నేను అనుకోవడం లేదు. మళ్లీ ఆ జట్టులో భాగం అవ్వడానికి ఇష్టపడతాను. ఆర్సీబీ తరఫున ఆడడాన్ని ఎంజాయ్ చేశాను' అని మ్యాక్స్వెల్ పేర్కొన్నాడు.
Glenn Maxwell spoke highly of RCB and its management. Mo Bobat and Andy Flower communicated their decision not to retain him ahead of the IPL mega auction over a phone call, and that's how legends should be treated.
— RCBIANS OFFICIAL (@RcbianOfficial) November 6, 2024
Class act 🙌#RCB #IPLAuction pic.twitter.com/pqhzIQ8Z5n
కాగా, 2021 నుంచి మ్యాక్సీ ఆర్సీబీ తరఫున ప్రాతినిధ్యం వహిస్తున్నాడు. తాజా రిటెన్షన్స్లో మాత్రం ఆర్సీబీ మ్యాక్సీని వదులుకుంది. అతడితోపాటు కెప్టెన్ ఫాఫ్ డూప్లెసిస్, కామెరూన్ గ్రీన్, విల్ జాక్స్లాంటి హిట్టర్లను కూడా వేలంలోకి రిలీజ్ చేసింది. అయితే ఆర్సీబీ రూ.83 కోట్ల భారీ మొత్తంతో వేలంలోకి వెళ్లనుంది. ఆ ఫ్రాంచైజీకి మూడు ఆర్టీఎమ్ కార్డ్లు కూడా అందుబాటులో ఉన్నాయి. కాబట్టి మ్యాక్స్వెల్తోపాటుగా తమ పాత ప్లేయర్లను వేలంలో కొనుగోలు చేసే ఛాన్స్ లేకపోలేదు.
ఆర్సీబీ రిటెన్షన్స్ 2025
- విరాట్ కోహ్లీ - రూ.21 కోట్లు
- రజత్ పటిదార్ - రూ. 11 కోట్లు
- యశ్ దయాల్ - రూ. 5 కోట్లు
'ఆ రోజు నాలో ఉన్న అభిమానిని కోల్పోయాడు'- సెహ్వాగ్తో మ్యాక్సీ గొడవ!
మ్యాక్సీ 'ఓవర్రేటడ్' - మాజీ క్రికెటర్కు తప్పని ట్రోల్ సెగ - Glenn Maxwell RCB
