Rohit Sharma Kuldeep Yadav: టీమ్ఇండియా కెప్టెన్ రోహిత్ శర్మ- స్టార్ స్పిన్నర్ కుల్దీప్ యాదవ్ మధ్య తాజా సంభాషణ సోషల్ మీడియాలో వైరల్గా మారింది. ఐసీసీ లేటెస్ట్గా 'టీమ్ ఆఫ్ ది వన్డే 2023' జట్టును ప్రకటించింది. అయితే ఆ జట్టుకు రోహిత్ శర్మ కెప్టెన్గా ఎంపికయ్యాడు. రోహిత్ సహా మరో 5గురు (విరాట్ కోహ్లీ, కుల్దీప్ యాదవ్, శుభ్మన్ గిల్, మహ్మద్ సిరాజ్, మహ్మద్ షమీ) ఆ జట్టులో స్థానం దక్కించుకున్నారు. ఈ క్రమంలో కుల్దీప్కు 'ఐసీసీ వన్డే టీమ్ ఆఫ్ ది ఇయర్' క్యాప్ను రోహిత్ అందించాడు.
క్యాప్ అందుకున్న కుల్దీప్ను రోహిత్ మాట్లాడవల్సిందిగా కోరాడు. దీంతో 'చెప్పడానికి పెద్దగా ఏమీ లేదు. గతేడాది నేను బౌలింగ్తోపాటు బ్యాటింగ్లోనూ బాగా రాణించాను' అని కుల్దీప్ అన్నాడు. దీనికి వెంటనే రోహిత్ షాకింగ్ రియాక్షన్ ఇచ్చాడు. 'బ్యాటింగా? నువ్వు ఎప్పుడు బ్యాటింగ్ చేశావు?' అని అడిగాడు. అప్పుడు కుల్దీప్ టెస్టు సిరీస్లో అని బదులివ్వగా, 'ఇది వన్డే టీమ్' అని రోహిత్ అన్నాడు. అయినప్పటికీ 'నేను బ్యాట్తో కూడా మంచి ప్రదర్శన చేశాను'అని కుల్దీప్ చెప్పగానే, 'నేను ఈ జట్టుకు కెప్టెన్. అతడు ఎప్పుడు బ్యాటింగ్ చేయడం నేను చూడలేదు. అతడు ఏం మాట్లాడుతున్నాడో నాకైతే తెలీదు' అని రోహిత్ ఫన్నీగా కౌంటర్ ఇచ్చాడు. దీంతో డ్రెస్సింగ్ రూమ్ కాసేపు సరదాగా మారిపోయింది. ఈ వీడియో ప్రస్తుతం నెట్టింట చక్కర్లు కొడుతోంది. రోహిత్ రియాక్షన్స్ ఫన్నీగా ఉన్నాయంటూ నెటిజన్లు కామెంట్ చేస్తున్నారు.
Team India T20 World Cup: వరల్డ్కప్ సమీపిస్తున్న నేపథ్యంలో టీమ్ఇండియా ఆటగాళ్ల బృందం ఇప్పటికే అమెరికా చేరుకుంది. రోహిత్, జైస్వాల్, సూర్యకుమార్, కుల్దీప్, సిరాజ్ తదితరులు గ్రౌండ్లో దిగి ప్రాక్టీస్ మొదలు పెట్టేశారు. ఈ ప్రతిష్ఠాత్మక టోర్నీలో భారత్ జూన్ 5న ఐర్లాండ్తో తన తొలి మ్యాచ్ ఆడనుంది. ఇక చిరకాల ప్రత్యర్థి పాకిస్థాన్తో జూన్ 9న న్యూయార్క్లో తలపడనుంది.
పొట్టికప్లో కోహ్లీయే టాప్ స్కోరర్- రోహిత్ ప్లేస్ ఎంతంటే? - T20 World Cup 2024
'రోహిత్ ఆడియోను ప్రసారం చేయలేదు - నీతికి కట్టుబడి ఉన్నాం' - IPL 2024
