భార‌త్‌ ఫాస్టెస్ట్ 50 రికార్డు- టెస్టుల్లో ఇలా హాఫ్ సెంచరీ, శతకం చేసిన ప్లేయర్స్ ఎవరంటే? - Fastest 50 and 100 in Test Format

Fastest 50 and 100 in Test Record : టీమ్ ఇండియా మరోసారి క్రికెట్ ప్రపంచంలో చరిత్ర సృష్టించింది. టెస్టుల్లో అత్యంత వేగంగా 50, 100 పరుగులు చేసిన జట్టుగా నిలిచింది. ఈ క్రమంలో ఫాస్టెస్ట్ 50, 100 పరుగులు చేసిన జట్లుపై ఓ లుక్కేద్దాం.

Fastest 50 and 100 in Test Format : కాన్పూర్ వేదికగా బంగ్లాదేశ్​తో జరుగుతున్న రెండో టెస్టులో టీమ్​ఇండియా మరో రికార్డు సృష్టించింది. టెస్టు ఫార్మాట్​లో వేగంగా 50, 100 పరుగులు చేసిన జట్టుగా భారత్ అవతరించింది. కేవలం 18 బంతుల్లోనే టీమ్​ఇండియా 50 పరుగులు చేసేసింది. అలాగే 10.1 ఓవర్లలోనే 100 రన్స్ చేసి అరుదైన రికార్డును ఖాతాలో వేసుకుంది. అలాగే టెస్టు క్రికెట్​లో అత్యంత వేగంగా 50, 100, 150, 200, 250 పరుగులను న‌మోదు చేసిన జ‌ట్టుగా టీమ్​ఇండియా నిలిచింది.

కాగా, 2023లో వెస్టిండీస్​తో పోర్ట్ ఆఫ్ స్పెయిన్ వేదికగా జరిగిన టెస్ట్‌ మ్యాచ్​లో టీమ్​ఇండియా 12.2 ఓవర్లలో 100 పరుగులు తీసింది. తాజాగా బంగ్లాతో జరిగిన మ్యాచ్​లో ఆ రికార్డును బద్దలుగొట్టింది. ఈ క్రమంలో టెస్టుల్లో ఫాస్ట్​గా 50, 100 పరుగులు చేసిన మరికొన్ని జట్ల గురించి తెలుసుకుందాం పదండి.

ఫాస్టెస్ట్ 100 పరుగులు చేసిన జట్లు ఇవే :

అదరగొట్టిన శ్రీలంక
2001లో కొలంబో వేదికగా బంగ్లాదేశ్ తో జరిగిన టెస్టు మ్యాచ్ లో శ్రీలంక జట్టు అదరగొట్టింది. కేవలం 13.2 ఓవర్లలోనే శతకం బాదింది.

స్వదేశంలో చితకబాదుడు
అయితే 1994లో ఓవల్ వేదికగా దక్షిణాఫ్రికాతో జరిగిన మ్యాచ్​లో ఇంగ్లాండ్ జట్టు దూకుడు ప్రదర్శించింది. 13.2 ఓవర్లలోనే 100 పరుగుల చేసి రికార్డు సృష్టించింది.

బంగ్లా విధ్వంసం
2012లో మిర్పూర్ వేదికగా దక్షిణాఫ్రికాతో జరిగిన మ్యాచ్​లో బంగ్లా జట్టు విధ్వంసం సృష్టించింది. దీంతో 13.4 ఓవర్లలోనే జట్టు స్కోరు 100కు చేరుకుంది.

ఇంగ్లాండ్ జట్టు దూకుడు
2022లో రావల్పండిలో ఇంగ్లాండ్, పాకిస్థాన్ జట్లు ఓ టెస్టు మ్యాచ్​లో తలపడ్డాయి. అందులో ఇంగ్లాండ్ జట్టు 13.4 ఓవర్లలో 100 పరుగులు చేసింది.

అతిథ్య జట్టుకు షాక్

2002లో కరాచీ వేదికగా పాకిస్థాన్​తో జరిగిన మ్యాచ్​లో ఇంగ్లాండ్​ జట్టు దూకుడు ప్రదర్శించింది. దీంతో కేవలం 13.4 ఓవర్లలోనే ఇంగ్లీష్ జట్టు స్కోరు 100కు చేరింది.

ఫాస్టెస్ట్ 50 చేసిన జట్లు
2024లో కాన్పూర్ వేదికగా బంగ్లాతో జరిగిన మ్యాచ్​లో టీమ్​ఇండియా కేవలం 18 బంతుల్లోనే 50 పరుగులు చేసేసింది. దీంతో టెస్టుల్లో అత్యంత వేగంగా 50 పరుగులు చేసిన జట్టుగా రోహిత్ సేన అవతరించింది.

• ఇదిలా ఉండగా, 2024లో విండీస్ జట్టుపై ఇంగ్లాండ్ 26 బంతుల్లో 50 పరుగులు చేసింది. ఆ రికార్డును టీమ్​ఇండియా తాజాగా బద్దులుకొట్టింది.
• ఇక 1994లో సౌతాఫ్రికాపై ఇంగ్లాండ్ టీమ్ 27 బంతుల్లో ఫిఫ్టీ చేసింది.
• ఇలాగే 2002లో శ్రీలంకపై ఇంగ్లాండ్ 30 బంతుల్లో 50 రన్స్ చేసింది.
• అయితే 2004లో పాకిస్థాన్​పై శ్రీలంక 32 బంతుల్లోనే 50 పరుగులు బాదింది.
• ఇవి కాకుండా 2008లో ఇంగ్లాండ్​పై టీమ్​ఇండియా 33 బంతుల్లోనే 50 రన్స్ చేసింది.
• అలాగే 2023లో విండీస్ జట్టుపై భారత్ 33 బంతుల్లోనే హాఫ్ సెంచరీ చేసింది.