Expensive Bats Used By Cricketers : ప్రపంచవ్యాప్తంగా క్రికెట్కు ఉండే క్రేజే వేరు. క్రికెటర్లకు సంబంధించిన ఏ విషయాన్నైనా అభిమానులు ఆసక్తిగా తెలుసుకుంటారు. ఈ క్రమంలో అత్యంత ఖరీదైన బ్యాట్లను వాడిన క్రికెటర్లు ఎవరు? అత్యంత ధర ఉన్న క్రికెట్ బ్యాట్ను వాడిన బ్యాటర్ ఎవరు? తదితర విషయాలు ఈ స్టోరీలో తెలుసుకుందాం.
- వివియన్ రిచర్డ్స్ : విండీస్ క్రికెట్ దిగ్గజం వివియన్ రిచర్డ్స్ ప్రపంచంలోని అత్యంత ఖరీదైన బ్యాట్ ఉపయోగించాడు. ఈ దిగ్గజ ఆటగాడు ది గ్రే నికోల్స్ లెజెండ్ గోల్డ్ బ్రాండ్ బ్యాట్ (Gray Nicolls Legend Bat) వాడాడు. ఇంగ్లీష్ విల్లో కలపతో తయారుచేసిన ఈ బ్యాట్ ధర ఏకంగా 14 వేల డాలర్లు. అంటే భారత కరెన్సీలో సుమారు రూ.11.74 లక్షలు.
- స్టీవ్ స్మిత్ : ఆస్ట్రేలియా టాప్ బ్యాటర్ స్టీవ్ స్మిత్ కూడా ఖరీదైన బ్యాట్ ను వాడుతున్నాడు. స్మిత్ వాడుతున్న ఎన్ బీ (న్యూ బ్యాలెన్స్) అనే బ్యాట్ ధర రూ.11 లక్షలు.
- హార్దిక్ పాండ్య : టీమ్ఇండియా హార్డ్ హిట్టర్, ఆల్ రౌండర్ హార్దిక్ పాండ్య సుసుంపన్నమైన క్రికెటర్లలో ఒకరిగా పేరు తెచ్చుకున్నాడు. పాండ్యకు విలాసవంతమైన కార్లు, బంగ్లా ఉన్నాయి. అంతేకాకుండా పాండ్య వాడే బ్యాట్ కూడా ఖరీదైనదే. ఈ ఆల్రౌండర్ వాడే ఎస్ జీ (SG) బ్యాట్ ధర రూ.1,79.999.
- క్రిస్ గేల్ : వెస్టిండీస్ దిగ్గజం, సిక్సర్ల వీరుడు క్రిస్ గేల్ స్పార్టన్ బ్రాండ్ బ్యాట్ (Spartan Cricket Kit) ఉపయోగిస్తాడు. దీంతో బంతిని సునాయాశంగా బౌండరీలకు తరలిస్తాడు. ఈ బ్యాట్ ధర రూ. ఒక లక్ష.
- జాస్ బట్లర్ : ఇంగ్లాండ్ స్టార్ బ్యాటర్ జాస్ బట్లర్ కూడా ఖరీదైన బ్యాట్ ఉపయోగిస్తున్నాడు. అతడు వాడే కుకబురా (Kookaburra) బ్యాట్ ధర అక్షరాల రూ.97 వేలు.
- డేవిడ్ వార్నర్ : ఆస్ట్రేలియా ఓపెనర్ డేవిడ్ వార్నర్ డీఎస్ సీ (Delux Sports Company) బ్యాట్ ఉపయోగిస్తాడు. దీని ధర రూ.95 వేలు.
- బెన్ స్టోక్స్ : ఇంగ్లాండ్ ఆల్ రౌండర్ బెన్ స్టోక్స్ జీఎం (Gun And More) బ్యాట్తో మైదానంలోకి దిగుతాడు. దాని ధర రూ.95 వేలు.
- సూర్య కుమార్ యాదవ్ : టీమ్ఇండియా విధ్వంసకర ప్లేయర్ సూర్య కుమార్ యాదవ్ ఎస్ఎస్ (Sareen Sports) బ్యాట్ వాడుతున్నాడు. దాని ధర రూ.92 వేలు.
- గార్డెనర్ : ఆస్ట్రేలియా మహిళా క్రికెటర్ గార్డెనర్ రూ.91 వేల విలువైన బ్యాట్ ఉపయోగిస్తోంది.
- కేన్ విలియమ్సన్ : న్యూజిలాండ్ ఆటగాడు కేన్ విలియమ్సన్ రూ.83వేల విలువైన బ్యాట్ వాడుతున్నాడు.
- విరాట్ కోహ్లీ : టీమ్ఇండియా రన్ మెషీన్, కింగ్ విరాట్ కోహ్లీ ఉపయోగించే బ్యాట్ ఎంఆర్ఎఫ్ (MRF). దీని ధర రూ.77 వేలు.
