Chennai Super Kings New Captain: 2024 ఐపీఎల్లో కీలక పరిణామం జరిగింది. చెన్నై సూపర్ కింగ్స్ కెప్టెన్గా యంగ్ బ్యాటర్ రుతురాజ్ గైక్వాడ్ ఎంపికయ్యాడు. ఈ విషయాన్ని చెన్నై సూపర్ కింగ్స్ జట్టు అఫీషియల్గా డిక్లేర్ చేసింది. ఇక ట్రోఫీతో కెప్టెన్ల ఫొటోషూట్లోనూ చెన్నై తరఫున రుతురాజ్ పాల్గొన్నాడు. ఇక ప్రస్తుత సీజన్ నుంచి చెన్నై జట్టుకు రుతురాజ్ గైక్వాడ్ నాయకత్వం వహించనున్నాడు.
గత 16 సీజన్లుగా కెప్టెన్గా వ్యవహరించిన ధోనీ తన ఇష్టపూర్వకంగానే కెప్టెన్సీ బాధ్యతల నుంచి తప్పుకున్నాడు. 2008- 2023 మధ్య కాలంలో సీఎస్కేను ముందుండి నడిపిన ధోనీ జట్టును పదిసార్లు ఫైనల్కు తీసుకెళ్లాడు. అందులో చెన్నైని 5సార్లు ఛాంపియన్గా నిలిపాడు. ఐపీఎల్లో 212 మ్యాచ్లకు కెప్టెన్గా వ్యవహరించిన ధోనీ 128 సార్లు విజయం సాధించగా, 82 మ్యాచ్ల్లో ఓడాడు.
అప్పుడే హింట్ ఇచ్చాడు: అయితే 2024 ఐపీఎల్ నేపథ్యంలో ధోనీ ఇటీవల ఓ ఫొటో సోషల్ మీడియాలో షేర్ చేస్తూ, 'న్యూ సీజన్ , న్యూ రోల్' అని క్యాప్షన్ రాసుకొచ్చాడు. దీంతో ధోనీ ఆటకు గుడ్బై చెప్పి చెన్నైకి మెంటార్గానో లేదా కోచ్గానో చేరనున్నాడంటూ అప్పట్లో ప్రచారం సాగింది. కానీ తాజా పరిణామంతో క్లారిటీ వచ్చేసింది. ఇక ఐపీఎల్ ప్రారంభమైనప్పటి నుంచి తొలిసారి ధోనీ కెప్టెన్గా కాకుండా కేవలం బ్యాటర్గా బరిలోకి దిగనున్నాడు.
చెన్నైతో రుతురాజ్ జర్నీ: యంగ్ బ్యాటర్ రుతురాజ్ గైక్వాడ్ 2019లో చెన్నై జట్టులో చేరాడు. కెరీర్ ప్రారంభంలో రెండు సీజన్లలో బరిలో దిగే ఛాన్స్ రాలేదు. కానీ, 2021 నుంచి రుతురాజ్ తనదైన మార్క్ చూపించాడు. ఆ సీజన్లో 16 మ్యాచ్ల్లో గైక్వాడ్ 635 పరుగులతో సత్తా చాటాడు. ఆ తర్వాత వరుసగా 2022లో 368 పరుగులు, 2023లో 590 పరుగులతో కీలక ప్లేయర్గా ఎదిగాడు. ఇక 2023లో చైనాలో జరిగిన ఆసియా క్రీడల్లో టీమ్ఇండియా (సెకండ్ గ్రేడ్ జట్టు)కు రుతురాజ్ కెప్టెన్గా వ్యవహరించాడు. కాగా, మార్చి 22న చెన్నై సూపర్ కింగ్స్- రాయల్ ఛాలెంజర్స్ బెంగళూరు మ్యాచ్తో సీజన్ 17కు తెరలేవనుంది.
చెన్నై సిక్సర్ కొట్టేనా? - జట్టు బలాబలాలు ఇవే! - IPL 2024 CSK
ఐపీఎల్లో అత్యధిక పరుగుల వీరులు- కానీ సెంచరీ మార్క్ అందుకోలేదు
