IND VS AUS Virat Kohli Records : సొంతగడ్డపై కివీస్ చేతిలో ఘోర పరాజయాన్ని చవిచూసిన భారత్ మరో టెస్టు సిరీస్ సమరానికి సిద్ధమవుతోంది. బోర్డర్-గావస్కర్ ట్రోఫీలో భాగంగా నవంబర్ 22 నుంచి ఆస్ట్రేలియాతో ఐదు టెస్టుల సిరీస్ ఆడనుంది. వరల్డ్ టెస్టు ఛాంపియన్‌ షిప్ (2024-25)లో టీమ్ ఇండియాకు ఇదే చివరి సిరీస్. ముచ్చటగా మూడోసారి డబ్ల్యూటీసీ ఫైనల్కు చేరాలంటే రోహిత్ సేన‌కు ఈ సిరీస్ అత్యంత కీలకంగా మారింది. అయితే ఈ సిరీస్లో టీమ్ ఇండియా దిగ్గజ బ్యాటర్ విరాట్ కోహ్లీని ఊరిస్తున్న 8 రికార్డులపై ఓ లుక్కేద్దాం.
అత్యధిక పరుగులు - విరాట్ కోహ్లీ మరో 458 పరుగులు చేస్తే ఆస్ట్రేలియాలో టెస్టు ఫార్మాట్లో అత్యధిక పరుగుల చేసిన భారత ప్లేయర్గా చరిత్రకెక్కుతాడు. ప్రస్తుతం ఈ రికార్డు దిగ్గజ క్రికెటర్ సచిన్ తెందూల్కర్ పేరిట ఉంది. ఆస్ట్రేలియా గడ్డపై సచిన్ 20 టెస్టుల్లో 1,809 రన్స్ చేశాడు. కోహ్లీ 13 టెస్టుల్లో 1,352 పరుగులు సాధించాడు.
శతకాల రికార్డు - ఆస్ట్రేలియా గడ్డపై విరాట్ కోహ్లీ ఇప్పటివరకు ఆరు శతకాలు బాదాడు. మరో నాలుగు సెంచరీలు చేస్తే ఇంగ్లాండ్ బ్యాటర్ జాక్ హాబ్స్ను (9 సెంచరీలు) అధిగమిస్తాడు. అప్పుడు ఆసీస్ గడ్డపై అత్యధిక శతకాలు బాదిన విదేశీ ప్లేయర్గా విరాట్ రికార్డుకెక్కుతాడు.
ఒక్క సెంచరీ చేస్తే చాలు - అడిలైడ్ ఓవల్ స్టేడియంలో మరో సెంచరీ చేస్తే విరాట్ ఖాతాలో మరో రికార్డు పడుతుంది. ఇప్పటివరకు కోహ్లీ అడిలైడ్ స్టేడియంలో 11 మ్యాచుల్లో 5 సెంచరీలు బాది జాక్ హాబ్స్తో సమానంగా ఉన్నాడు. మరో సెంచరీ బాదితే అడిలైట్ స్టేడియంలో ఎక్కువ సెంచరీల బాదిన విదేశీ ప్లేయర్గా హాబ్స్ను దాటేస్తాడు.
మరో 4 సెంచరీలు బాదితే - ఆసీస్ పై అత్యధిక సెంచరీలు చేసిన రికార్డు సచిన్ పేరిట ఉంది. సచిన్ 110 మ్యాచుల్లో 20 శతాలు బాదాడు. విరాట్ 16 సెంచరీలు చేశాడు. మరో 5 సెంచరీలు చేస్తే సచిన్ రికార్డును విరాట్ బ్రేక్ చేస్తాడు.
𝟏𝟎𝟎 𝐟𝐨𝐫 𝐊𝐢𝐧𝐠 𝐊𝐨𝐡𝐥𝐢 👑⚡️#INDvAUS #TeamIndia pic.twitter.com/UXGl32n3WL
— BCCI (@BCCI) March 12, 2023
అడిలైడ్ స్టేడియంలో అత్యధిక పరుగులు - ఆసీస్, భారత్ మధ్య రెండో టెస్టు అడిలైడ్ ఓవల్ స్టేడియంలో జరగనుంది. ఈ టెస్టులో విరాట్ మరో 102 రన్స్ సాధిస్తే విండీస్ దిగ్గజ ప్లేయర్ బ్రియన్ లారా రికార్డును బ్రేక్ చేస్తాడు. అడిలైడ్ ఓవల్లో లారా 610 పరుగులు చేయగా, విరాట్ 509 రన్స్ చేశాడు.
అరుదైన రికార్డు - ఆస్ట్రేలియా గడ్డపై అన్ని ఫార్మాట్లలో కలిపి విరాట్ 3,426 పరుగులు చేశాడు. సచిన్ తర్వాత ఆస్ట్రేలియాపై ఎక్కువ పరుగుల చేసిన ప్లేయర్గా విరాట్ ప్రస్తుతం కొనసాగుతున్నాడు. అలాగే మరో 74 రన్స్ చేస్తే విరాట్, ఆసీస్ గడ్డపై 3500 రన్స్ చేసిన తొలి ఇండియన్ ప్లేయర్గా రికార్డుకెక్కుతాడు. మరో 574 పరుగులు చేస్తే ఆస్ట్రేలియాపై అన్ని ఫార్మాట్లలో కలిపి 4వేల రన్స్ చేసిన తొలి ప్లేయర్గా నిలుస్తాడు.
సచిన తర్వాత ఎక్కువ మ్యాచ్లు - ఇప్పటివరకు ఆస్ట్రేలియాపై ఎక్కువ మ్యాచ్లు(110) ఆడిన ప్లేయర్గా సచిన్ ఉన్నాడు. విరాట్ మరో మూడు మ్యాచ్లు ఆడితే 100 మ్యాచ్ల క్లబ్లోకి చేరిపోతాడు. సచిన్ తర్వాత ఆసీస్ పై 100 మ్యాచ్లు ఆడిన ప్లేయర్గా నిలుస్తాడు.
విండీస్ దిగ్గజాల రికార్డుపై కన్ను - ఆసీస్ పై 50 ప్లస్ స్కోర్ల రికార్డుకు విరాట్ చేరువలో ఉన్నాడు. విండీస్ దిగ్గజం వివియన్ రిచర్డ్స్ 43 సార్లు, హేన్స్ 34 సార్లు 50కి పైగా స్కోర్లను సాధించారు. విరాట్ 30 సార్లు 50కిపైగా పరుగులు చేశాడు. మరో 5 సార్లు 50 రన్స్ చేస్తే హేన్స్ను అధిగమిస్తాడు.
'కోహ్లీ విషయంలో అలా జరగడం నా తప్పే' - రోహిత్
ఆస్ట్రేలియాతో తొలి టెస్టుకు రోహిత్ శర్మ దూరం! - కెప్టెన్ ఎవరంటే?
