రవిశాస్త్రికి బీసీసీఐ ప్రతిష్టాత్మక అవార్డు - గిల్​కు కూడా

BCCI Awards 2024 : భారత మాజీ ఆల్‌రౌండర్, టీమ్​ఇండియా ప్రధాన కోచ్​ రవిశాస్త్రి - బీసీసీఐ అందించే లైఫ్‌టైమ్​ అచీవ్‌మెంట్​ అవార్డుకు ఎంపికయ్యారు. ఈయనతో పాటు జట్టులో ప్రస్తుతం కొనసాగుతున్న యువ క్రికెటర్ శుభ్​మన్​ గిల్​కు కూడా ఓ అవార్డు వరించింది.

BCCI Awards 2024 : టీమ్​ఇండియా మాజీ ఆల్​రౌండర్​, జట్టు ప్రధాన కోచ్​ రవిశాస్త్రిని 'లైఫ్‌టైమ్​ అచీవ్‌మెంట్​ అవార్డు'కు (BCCI's Lifetime Achievement Awards-2024) ఎంపిక చేసింది బీసీసీఐ. భారత క్రికెట్‌కు ఎనలేని సేవలను అందించినందుకు గుర్తుగా ఆయనకు ఈ అవార్డును అందించనున్నట్లు బీసీసీఐ ఓ ప్రకటన ద్వారా తెలిపింది. ఆటగాడిగా, హెడ్‌ కోచ్‌గా భారత క్రికెట్‌ జట్టుకు సేవలందించిన ఆయన ప్రస్తుతం టీవీ వ్యాఖ్యాతగా వ్యవహరిస్తున్నారు.

శాస్త్రితో పాటు టీమ్ఇండియా యువ బ్యాటర్ 24 ఏళ్ల శుభ్​మన్​ గిల్​ను కూడా ఓ అవార్డు వరించింది. 'క్రికెటర్​ ఆఫ్​ ది ఇయర్​' కేటగిరీలో అతడిని ఈ అవార్డుకు సెలెక్ట్​ చేసింది బీసీసీఐ. వన్డేల్లో అత్యంత వేగంగా 2000 పరుగుల మార్క్‌ను దాటడమే కాకుండా ఐదు సెంచరీలను నమోదు చేసిన గిల్​కు 'క్రికెటర్​ ఆఫ్​ ది ఇయర్​' అవార్డు లభించింది.

ప్రదానోత్సవానికి ఇరు జట్లు
గురువారం(జనవరి 25) నుంచి ఇంగ్లాండ్​-భారత్​ మధ్య 5 టెస్టుల సిరీస్​ ప్రారంభం కానుంది. ఈ నేపథ్యంలో బీసీసీఐ ప్రకటించిన అవార్డుల ప్రదానోత్సవ కార్యక్రమానికి ఇరు జట్లు హాజరయ్యే అవకాశం ఉంది. ఈ కార్యక్రమం మంగళవారం(జనవరి 23న) హైదరాబాద్​లోని ఉప్పల్​ స్టేడియంలో జరగనుంది. ఇక ఇదే కార్యక్రమంలో ముంబయికి చెందిన యువ ఆటగాళ్లు సర్ఫరాజ్‌ ఖాన్‌, షమ్స్‌ ములానీలకు సైతం అవార్డులను అందించనుంది బీసీసీఐ.

• Shubman Gill set to receive Indian Cricketer of the year Award at the BCCI Awards tomorrow.
  
  Ravi Shastri to receive BCCI's lifetime achievement award tomorrow.#BCCIAwards pic.twitter.com/N9VLA8fVC9

  — Saabir Zafar (@Saabir_Saabu01) January 22, 2024 " class="align-text-top noRightClick twitterSection" data="

  Shubman Gill set to receive Indian Cricketer of the year Award at the BCCI Awards tomorrow.
  
  Ravi Shastri to receive BCCI's lifetime achievement award tomorrow.#BCCIAwards pic.twitter.com/N9VLA8fVC9

  — Saabir Zafar (@Saabir_Saabu01) January 22, 2024

  ">

  Shubman Gill set to receive Indian Cricketer of the year Award at the BCCI Awards tomorrow.
  
  Ravi Shastri to receive BCCI's lifetime achievement award tomorrow.#BCCIAwards pic.twitter.com/N9VLA8fVC9

  — Saabir Zafar (@Saabir_Saabu01) January 22, 2024

రవిశాస్త్రి గణాంకాలు
2017-2021 సమయంలో టీమ్​ఇండియా కోచ్​గా వ్యవహరించారు రవిశాస్త్రి. 61 ఏళ్ల ఈయన సారథ్యంలో జట్టు అత్యుత్తమంగా ప్రదర్శించింది. భారత జట్టుకు దూకుడు నేర్పింది రవిశాస్త్రినే అని అంటుంటారు చాలామంది. రిటైర్మెంట్​ తర్వాత టీవీ వ్యాఖ్యాతగా బాధ్యతలను చేపట్టిన ఈయన తనదైన శైలిలో కామెంట్రీ చేస్తూ తనకంటూ ఓ గుర్తింపును సంపాదించుకున్నారు.

• 1981-92 మధ్యకాలంలో 80 టెస్టులు, 150 వన్డేలు ఆడారు.
• దాదాపు 7000 పరుగులు తీసి 280 వికెట్లు పడగొట్టారు.
• తన కెరీర్‌లో 15సెంచరీలు, 30 హాఫ్‌ సెంచరీలు నమోదు చేశారు.

రవిశాస్త్రి హయాంలో హైలైట్​ ఏంటంటే ఆస్ట్రేలియాతో వరుసగా రెండు టెస్టు సిరీస్​లను గెలవడం. కానీ ఐసీసీ టైటిల్‌ను మాత్రం గెలవలేకపోయింది.