Aggressive Cricketers In World : ప్రపంచ క్రికెట్‌లో చాలా మంది స్టార్ ప్లేయర్‌లు ఉన్నారు. కొందరు మిస్టర్‌ కూల్‌గా పాపులర్‌ అయితే. మరి కొంత మంది తమ దూకుడుతో ఫ్యాన్స్‌ని ఆకట్టుకున్నారు. అలా మైదానంలో తమ దూకుడుతో పాపులర్‌ అయిన ఐదుగురు ప్లేయర్‌ల గురించి ఇప్పుడు తెలుసుకుందాం.
వీరేంద్ర సెహ్వాగ్
'నజాఫ్‌గఢ్ నవాబ్'గా పేరొందిన మాజీ క్రికెటర్ వీరేంద్ర సెహ్వాగ్ దూకుడు వేరే లెవల్లో ఉంటుంది. మొదటి బంతి నుంచే బాదుడు మొదలుపెడతాడు. ఎదుటి బౌలర్‌ ఎవరనే దానితో సంబంధం లేకుండా నిర్భయంగా ఆడుతాడు. అతడు పరుగులు చేస్తుంటే బౌలర్లు ప్రేక్షకుల్లా మారిపోతారు. ఈ దూకుడుతోనే క్రికెట్ చరిత్రలో మోస్ట్‌ ఎంటర్‌టైనింగ్‌, ఎఫెక్టివ్ ఓపెనర్‌గా సెహ్వాగ్ గుర్తింపు పొందాడు.
విరాట్ కోహ్లి
టీమ్ఇండియా స్టార్ క్రికెటర్ కోహ్లీ దూకుడు అతడి బ్యాటింగ్‌లోనే కాదు, ఆటలోని ప్రతి అంశంలోనూ కనిపిస్తుంది. ఎప్పుడూ పరుగులు చేయాలనే కసితో ఉండే కోహ్లీ, మొదటి బంతి నుంచే ప్రత్యర్థిపై ఆధిపత్యం చెలాయించేందుకు ప్రయత్నిస్తాడు. బ్యాటింగ్, ఫీల్డింగ్, కెప్టెన్సీ ఇలా అన్నింట్లో కోహ్లి దూకుడుకు కొత్త బెంచ్‌మార్క్‌ను సెట్ చేశాడు. ఛేజింగ్‌లో అద్భుతంగా రాణించి, భారత్‌కి అత్యధిక విజయాలు అందించడంతో, కోహ్లి ప్రస్తుత క్రికెట్‌లో అగ్రెస్సివ్‌ క్రికెట్‌కి ఐకాన్‌గా మారాడు.
క్రిస్ గేల్
క్రిస్ గేల్‌ని క్రికెట్ ప్రపంచంలో 'యూనివర్స్ బాస్'గా పేర్కొంటారు. క్రికెట్‌లో పవర్‌, దూకుడుకు గేల్ పర్యాయపదం. ఎలాంటి పరిస్థితుల్లోనైనా బంతిని బౌండరీ దాటిస్తాడు. గేల్ తన దూకుడుతో టీ20 క్రికెట్‌లో చాలా విధ్వంసాలు సృష్టించాడు. క్రీజులో గేల్ కుదురుకుంటే, ఇక ప్రత్యర్థి జట్టు తమ వ్యూహాలు మార్చుకోవాల్సిందే.
బ్రెట్ లీ
ప్రపంచ క్రికెట్‌లోని టాప్ బౌలర్స్‌లో బ్రెట్ లీ ఒకడు. అతడి డెలివరీలు బ్యాటర్‌కి సవాలు విసురుతాయి. లీ దూకుడు అతని బౌలింగ్‌కే పరిమితం కాలేదు. ప్రత్యర్థులను మానసికంగా దెబ్బతీసేందుకు బ్రెట్ లీ కామెంట్స్‌ చేస్తుంటాడు. అంతేకాకుండా స్లెడ్జింగ్‌కి దిగుతాడు.
షాహిద్ అఫ్రిది
ఫ్యాన్స్‌ ముద్దుగా 'బూమ్ బూమ్'గా పిలుచుకనే పాకిస్థాన్ ప్లేయర్ షాహిద్ అఫ్రిది కూడా అగ్రెసివ్‌ క్రికెటర్. బ్యాటింగ్, బౌలింగ్ రెండింటిలోనూ అఫ్రిది దూకుడుగా ఉంటాడు. బ్యాటింగ్ అంటే సిక్సులు కొట్టడమే అన్నట్లు ఉంటే అతడి దూకుడుకు చాలా మంది అభిమానులు ఉన్నారు. అఫ్రిది లెగ్ స్పిన్ బౌలింగ్ కూడా అంతే ఎన్ర్జిటిక్గా ఉంటుంది. ఫ్లైట్, టర్న్‌తో బ్యాట్స్‌మెన్‌ బోల్తా కొట్టిస్తాడు. మైదానంలో ప్రతి క్షణంలో ఆధిపత్యం చెలాయించి ప్రత్యర్థిని ఓడించాలని భావిస్తాడు.
ఇండియన్ డొమెస్టిక్ టోర్నీల్లో ఫారిన్ ప్లేయర్లకు నో ఎంట్రీ- ఎందుకో తెలుసా? - Indian Domestic Cricket
