NZ vs AFG Test 2024: న్యూజిలాండ్ - అఫ్గానిస్థాన్ మధ్య జరగాల్సిన ఏకైక టెస్టు మ్యాచ్ టాస్ పడకుండానే రద్దయ్యింది. సెప్టెంబర్ 9న ప్రారంభం కావాల్సిన ఈ మ్యాచ్ వర్షం కారణంగా సాధ్యపడలేదు. మైదానం చిత్తడిగా మారడం వల్ల మ్యాచ్ తొలి రోజు నుంచి వరుసగా రద్దు అవుతూ వచ్చింది. ఇక ఆఖరి రోజు కూడా వర్షం తీవ్ర అంతరాయం కలిగించడం వల్ల ఆట సాధ్యపడలేదు. దీంతో మ్యాచ్ను రద్దు చేస్తున్నట్లు అంపైర్లు ప్రకటించారు.
కాగా, 91 ఏళ్ల తర్వాత భారత్ వేదికగా ఇలా టాస్ కూడా పడకుండానే టెస్టు మ్యాచ్ తొలిసారి రద్దు అయ్యింది. 1933 నుంచి భారత్ టెస్టు మ్యాచ్లకు ఆతిథ్యం ఇస్తుంది. ఈ 91ఏళ్లలో ఇప్పటివరకు భారత్ వేదికగా 292 మ్యాచ్లు జరిగాయి. ఇక 147ఏళ్ల టెస్టు చరిత్రలో ఓవరాల్గా ఒక్క బంతి కూడా పడకుండా రద్దయిన ఎనిమిదో టెస్టుగా ఈ మ్యాచ్ రికార్డులకెక్కింది. ఇక వరల్డ్క్రికెట్లో 26 సంవత్సరాల తర్వాత టెస్టు మ్యాచ్ రద్దవడం ఇదే తొలిసారి. చివరిసారిగా 1998లో న్యూజిలాండ్- భారత్ (క్యారిస్బుక్, డునెడిన్) మ్యాచ్ రద్దు అయ్యింది.
🚨HISTORY CREATED IN NOIDA...!!!
— Mufaddal Vohra (@mufaddal_vohra) September 13, 2024
- Afghanistan Vs New Zealand becomes the first ever Test in 91 years to be abandoned completely without a single ball being bowled due to rain. 🤯 pic.twitter.com/RVnVRjqBzH
భారత్లోనే ఎందుకు?
ఈ మ్యాచ్కు అఫ్గాన్ ఆతిథ్యం ఇవ్వాల్సి ఉంది. అయితే ఆ దేశంలో భద్రతా పరిస్థితుల దృష్యా ఐసీసీ వేదికను మార్చాల్సి వచ్చింది. ఈ నేపథ్యంలో భారత్ను తటస్థ వేదికగా ఎంపిక చేసింది. ఇక అఫ్గాన్, కివీస్ జట్లు దిల్లీ నుంచి నోయిడాకు ప్రయాణం దగ్గర అవుతుదంన్న ఉద్దేశంతో ఈ స్టేడియాన్ని ఎంచుకున్నారు. అయితే గ్రేటర్ నోయిడా మైదానంలో పిచ్ను త్వరగా సిద్ధం చేసేంత సదుపాయాలు లేకపోవడం తీవ్ర విమర్శలకు దారి తీసింది.
147 ఏళ్ల టెస్టు చరిత్రలో ఒక్క బంతి కూడా పడకుండా రద్దైన మ్యాచ్లు ఇవే
నెం | సంవత్సరం | మ్యాచ్ | వేదిక | ఫలితం |
1 | 5-08-1890 | ఆస్ట్రేలియా - ఇంగ్లాండ్ | మాంచెస్టర్ | మ్యాచ్ రద్దు |
2 | 08-07-1938 | ఆస్ట్రేలియా - ఇంగ్లాండ్ | మాంచెస్టర్ | మ్యాచ్ రద్దు |
3 | 31-12-1970 | ఆస్ట్రేలియా - ఇంగ్లాండ్ | మెల్బోర్న్ | వన్డే ఫార్మాట్లోకి ఛేంజ్ |
4 | 03-02-1989 | న్యూజిలాండ్ - పాకిస్థాన్ | క్యారీస్ బ్రుూక్, డునెడిన్ | వన్డే ఫార్మాట్లోకి ఛేంజ్ |
5 | 10-03-1990 | ఇంగ్లాండ్ - వెస్టిండీస్ | జార్జిటౌన్ | వన్డే ఫార్మాట్లోకి ఛేంజ్ |
6 | 17-12-1998 | న్యూజిలాండ్ - జింబాబ్వే | ఫైసలాబాద్ | టాస్ కూడా పడలేదు |
7 | 18-12-1998 | న్యూజిలాండ్ - భారత్ | క్యారీస్ బ్రుూక్, డునెడిన్ | మ్యాచ్ రద్దు |
8 | 09-09-2024 | న్యూజిలాండ్- అఫ్గానిస్థాన్ | గ్రేటర్ నోయిడా | మ్యాచ్ రద్దు |
సచిన్ రికార్డుపై విరాట్ కన్ను- బంగ్లా సిరీస్లో బ్రేక్ అవ్వడం పక్కా! - Virat Kohli Records
టెస్టు సిరీస్కు బంగ్లా జట్టు ప్రకటన- భారత్కు రానున్న టీమ్ ఇదే