Astrological Remedies for Sudden Wealth : ఆకస్మిక ధనప్రాప్తి యోగం అంటే మీరు ఊహించని మార్గంలో ఏదో ఒక విధంగా డబ్బులు కలిసి రావడం. మీరు ఉద్యోగం చేస్తున్నా, ఏదైనా వ్యాపారం నిర్వహిస్తున్నా ఏదో ఒక మార్గం ద్వారా డబ్బులు పొందడాన్ని ఆకస్మిక ధనప్రాప్తి యోగం అంటారు. ఇలా జరగాలంటే కొన్ని పరిహారాలు చేసుకోవాలని ప్రామాణిక పరిహార శాస్త్ర గ్రంథాల్లో చెప్పారు. ఆ పరిహారాలను ప్రముఖ జ్యోతిష్యుడు మాచిరాజు కిరణ్ కుమార్ వివరిస్తున్నారు. ఆ వివరాలు మీ కోసం.
తులసి మొక్కకు :
పూజ గదిలో శంఖం ఉంచుకోవాలి. శంఖం ఉంటే లక్ష్మీనారాయణుల అనుగ్రహం పొందవచ్చు. ప్రతిరోజు ఉదయం స్నానం చేసిన తర్వాత ఒక శంఖంలో నీళ్లు తీసుకుని తులసి మొక్కకు పోయాలి. ఇలా చేయడం వల్ల ఏదోక రోజు ఆకస్మిక ధనప్రాప్తి యోగం కలుగుతుందట!
దర్భలు :
జ్యోతిష్య శాస్త్రం ప్రకారం దర్భలకు చాలా శక్తి ఉంది. దర్భలతో ఏ దోషాన్నైనా తొలగించుకోవచ్చట. కాబట్టి ఏ రోజైనా భరణి నక్షత్రం ఉన్న రోజు కొన్ని దర్భలు ఇంటికి తెచ్చుకోండి. వాటిని ఎర్రటి వస్త్రంలో మూట కట్టి పూజ గదిలో ఉంచండి. ఆ మూటకు రోజూ ధూపం వేస్తూ ఉండాలి. ఇలా చేయడం వల్ల ఆర్థిక లోటు లేకుండా ఉంటుంది. ఇంకా ఆకస్మిక ధనప్రాప్తి యోగం కలిగే అవకాశం ఉంటుంది.
దీపం పెట్టాలి :
శనివారం సంధ్యా సమయంలో ఆవ నూనెతో గుమ్మం దగ్గర దీపం వెలిగించాలి. ఇలా ఏడు వారాలపాటు దీపం పెట్టాలి. ఆ దీపం కొండెక్కిన తర్వాత ఆ ప్రమిదలో ఉన్న మిగిలిన ఆవనూనెను రావి చెట్టు దగ్గర పోసి రావాలి. ఇలా చేయడం వల్ల ధన మార్గాలు తెరచుకుంటాయి.
కొబ్బరికాయ :
వ్యాపారం చేసేవారు ఒక కొబ్బరికాయను ఎర్రటి వస్త్రంలో మూట కట్టి దుకాణంలో ఉంచుకోవాలి. ఇలా చేయడం వల్ల వ్యాపారం బాగా జరుగుతుంది. మంచి లాభం వస్తుందని మాచిరాజు కిరణ్ కుమార్ చెబుతున్నారు.
మరికొన్ని పరిహారాలు :
- నాగకేసరాలు చాలా శక్తివంతమైనవి. వీటిని ప్రతిరోజు పూజ చేసే సమయంలో కొన్ని దగ్గర ఉంచుకోవాలి.
- అలాగే నల్లబియ్యం పొట్లం కట్టి బీరువాలో దాచిపెట్టుకోవడం వల్ల ఆదాయ మార్గాలు పెరుగుతాయని మాచిరాజు కిరణ్ కుమార్ తెలిపారు.
ముఖ్య గమనిక : పైన తెలిపిన వివరాలు కొందరు నిపుణులు, వివిధ శాస్త్రాల్లో పేర్కొన్న అంశాల ఆధారంగా అందించినవి మాత్రమే. వీటిలో అన్నిటికీ ఆధునిక శాస్త్రీయ ఆధారాలు లేకపోవచ్చనే విషయాన్ని పాఠకులు గమనించాలి. దీన్ని ఎంత వరకు విశ్వసించాలనేది పూర్తిగా మీ వ్యక్తిగత విషయం.
"మీరు అనుకున్న ఏ పనీ జరగడం లేదా? - దీనిని మీ దగ్గర పెట్టుకుంటే అంతా శుభమే"
