టీడీపీ అభ్యర్థిగా మాగుంట రాఘవరెడ్డి పోటీ- ఎంపీ మాగుంటతో తెలుగుదేశం పార్టీ నేతల భేటీ

TDP leaders met Ongolu MP Magunta : ఒంగోలు ఎంపీ మాగుంట శ్రీనివాసులరెడ్డి టీడీపీలో చేరిక ఖాయమైపోయింది. చంద్రబాబు, లోకేశ్​తో భేటీ తర్వాత చేరుతానని చెప్పిన మాగుంట వచ్చే ఎన్నికల్లో తన కుమారుడు రాఘవరెడ్డి పోటీ చేస్తారని వెల్లడించారు. ఈ సందర్భంగా తెలుగుదేశం నేతలు మాగుంటను ఆయన నివాసంలో మర్యాద పూర్వకంగా కలిశారు.

TDP leaders met Ongolu MP Magunta : ఒంగోలు పార్లమెంట్‌ సభ్యుడు మాగుంట శ్రీనివాసులరెడ్డిని ఆయన నివాసంలో జిల్లా తెలుగుదేశం పార్టీ ముఖ్యనేతలు మర్యాద పూర్వకంగా కలిశారు. ఒంగోలు మాజీ ఎమ్మెల్యే దామచర్ల జనార్దన్ అధ్వర్యంలో నియోజకవర్గ ఇన్‌చార్జీలు మాగుంట ఇంటికి ఉదయాన్నే చేరుకున్నారు. సంతనూతలపాడు, ఎర్రగొండపాలెం, గిద్దలూరు, మార్కాపురం ఇన్‌చార్జీలు బీఎన్ విజయ్‌కుమార్, ఎరిక్షిన్‌ బాబు, అశోక్‌ రెడ్డి, నారాయణ రెడ్డితో పాటు రాష్ట్ర పార్టీ ఉపాధ్యక్షుడు దామచర్ల సత్య తదితరులు పాల్గొన్నారు. ఎంపీ మాగుంట తో పాటు, ఆయన తనయుడు రాఘవ రెడ్డి కూడా భేటీ అయ్యారు. త్వరలో తెలుగుదేశం పార్టీలోకి మాగుంట చేరబోతున్నారనే ప్రచారం ఉంది. మంచి ముహూర్తం చూసుకొని ఆయన పార్టీలో చేరే అవకాశం ఉంది. ఈ నేపధ్యంలో మాగుంట, తెలుగుదేశం పార్టీ నాయకుల భేటీ ఆసక్తికరంగా మారింది.

తాను త్వరలో తెలుగుదేశం పార్టీ లో చేరబోతున్నట్టు ఒంగోలు పార్లమెంట్ సభ్యుడు మాగుంట శ్రీనివాసులు రెడ్డి ప్రకటించారు. వైఎస్సార్ కాంగ్రెస్ పార్టీకి (YSRCP) ఇటీవల రాజీనామా చేసిన ఆయన తెలుగుదేశంలో పార్టీలో చేరుతున్నట్టు గత కొద్ది కాలంగా ప్రచారం సాగుతుంది. ఈ నేపథ్యంలో తెలుగుదేశం నాయకులు ఈరోజు మాగుంట ఇంటికి వెళ్లి మర్యాదపూర్వకంగా కలిశారు. ఒంగోలు మాజీ ఎమ్మెల్యే దామచర్ల జనార్దన్ ఆధ్వర్యంలో నియోజకవర్గ ఇన్చార్జి లైన విజయ్ కుమార్, ఎరిక్షన్ బాబు(Eriction Babu) , నారాయణరెడ్డి అశోక్ రెడ్డి తోపాటు తెలుగుదేశం పార్టీ రాష్ట్ర ఉపాధ్యక్షుడు దామచర్ల జనార్ సత్య, మాగుంట కుమారుడు మాగుంట రాఘవరెడ్డి కూడా ఈ భేటీలో పాల్గొన్నారు. వీరంతా కలిసి అల్పాహారం తీసుకుని రాజకీయ భవిష్యత్ కార్యాచరణ పై చర్చించారు. అనంతరం మాగుంట తో పాటు తెలుగుదేశం నాయకులు మీడియాతో మాట్లాడారు.

ఈ సందర్భంగా మాగుంట మాట్లాడుతూ తెలుగుదేశం పార్టీలో చేరబోతున్నానని, జిల్లాలో తెలుగుదేశం నాయకులు, కార్యకర్తలు అందరూ తనకు సుపరిచితులేనని అందరితో సంబంధాలు ఉన్నాయని, త్వరలో పార్టీలో చేరి తెలుగుదేశం పార్టీకి సేవలందిస్తానని అన్నారు. ఈ ఏడాది జరిగే ఎన్నికల్లో తాను పోటీ లో ఉండనని రాజకీయాలకు విరమించుకుంటున్నానని, అయితే తన కుమారుడు మాగుంట రాఘవరెడ్డి పోటీ చేస్తారని అందరూ సహకరించాలని శ్రీనివాసుల రెడ్డి కోరారు. చంద్రబాబు నాయుడు, లోకేశ్​ తో కలిసి ఎప్పుడు చేరేది తేదీ నిర్ణయిస్తానని అన్నారు. తెలుగుదేశం, జనసేన(Janasena), బీజేపీ పొత్తు పెట్టుకోవడం శుభ పరిణామం అని అన్నారు. అనంతరం తెలుగుదేశం నాయకులు దామచర్ల జనార్దన్ మాట్లాడుతూ మాగుంట గతంలో తెలుగుదేశం పార్టీలో ఉండేవారని ఆయన ఏ పార్టీలో ఉన్న అన్ని పార్టీలు వారితో మంచి సంబంధాలు కలిగి ఉండి, అజాతశత్రువుగా పేరు తెచ్చుకున్నారని ఆయన రాకతో అన్ని నియోజకవర్గాల్లో మరింత బలం పెరిగి విజయ అవకాశాలు మెరుగుపడుతున్నాయని అన్నారు.