TDP-Janasena joint manifesto : డ్వాక్రా మహిళలకు రుణమాఫీ అంశాన్ని ఉమ్మడి మ్యానిఫెస్టోలో చేర్చేందుకు తెలుగుదేశం - జనసేన పార్టీలు వ్యూహరచన చేస్తున్నాయి. ఈ మేరకు ఇరు పార్టీల సమన్వయ కమిటీ సభ్యులు విజయవాడలోని నోవాటెల్‌ హోటల్‌ (Novatel Hotel) లో కీలక భేటీ నిర్వహించారు. చంద్రబాబు, పవన్ కల్యాణ్ కలిసి ఉమ్మడిగా ఈ నెల 28వ తేదీన భారీ బహిరంగ సభ నిర్వహణకు ప్రణాళికలు సిద్ధం చేస్తున్నారు. ఈ సభను విజయవంతం చేసే అంశంపైనా విస్తృత చర్చ జరుగుతోంది. సభ ఎక్కడ నిర్వహించాలనే అంశంపై తెలుగుదేశం - జనసేన నేతలు ఈ భేటీలో స్పష్టతకు రానున్నారు. మేనిఫెస్టో రూపకల్పనపై కీలకాంశాలు ప్రస్తావించారు.
నియోజకవర్గ ఇన్చార్జిలతో పవన్ సమావేశం- పొత్తులు, పోటీపై స్పష్టత!
డ్వాక్రా రుణ మాఫీ హామీ అంశంపై కీలక చర్చ జరుగుతోంది. క్షేత్రస్థాయిలో ఇరుపార్టీల సమన్వయం, ఉమ్మడి కార్యాచరణ, మ్యానిఫెస్టో రూపకల్పన తదితర అంశాలపై చర్చిస్తున్నారు. వివిధ జిల్లాల్లో తెలుగుదేశం - జనసేన ప్రచార వ్యూహాల రూట్ మ్యాప్ తదితర అంశాలపైనా చర్చ జరుగుతోంది. తెలుగు దేశం పార్టీ సమన్వయ కమిటీ సభ్యులుగా కింజరాపు అచ్చెన్నాయుడు, యనమల (Yanamala) రామకృష్ణుడు, పయ్యావుల కేశవ్(Payyavula Kesav), నిమ్మల రామానాయుడు, పితాని సత్యనారాయణ, తంగిరాల సౌమ్య ఉన్నారు. జనసేన కమిటీ సభ్యులుగా ఉన్న నాదెండ్ల మనోహర్, కందుల దుర్గేష్, కొటికలపూడి గోవిందరావు, బొమ్మిడి నాయకర్, పాలవలస యశస్విని పాల్గొన్నారు. వలంటీర్ల వ్యవస్థ కట్టడిపై తెలుగుదేశం - జనసేన కూటమి ప్రత్యేక దృష్టి పెట్టనున్నట్లు సమాచారం.
జనం మధ్య జనసేనాని - పవన్ కల్యాణ్ భీమవరం పర్యటన
వలంటీర్లను పోలింగ్ ఏజెంట్లుగా నియమించాలన్న మంత్రి ధర్మాన (minister Dharmana) వ్యాఖ్యలను ఇరుపార్టీల నేతలు సీరియస్‌గా తీసుకున్నారు. వలంటీర్లను పోలింగ్ ఏజెంట్లుగా నియమించొద్దని ఈసీ ఆదేశాలు ఉన్నాయంటోందని అన్నారు. మంత్రి ధర్మాన వ్యాఖ్యలపై ఈసీకి ఫిర్యాదు చేసే అంశంపై సమాలోచనలు చేస్తున్నారు. ఎన్నికల విధుల్లో వాలంటీర్లు పాల్గొనాలన్న ధర్మాన వ్యాఖ్యలపై టీడీపీ నేతలు (TDP Leaders) ఆగ్రహం వ్యక్తం చేశారు. పార్టీ రాష్ట్ర అధ్యక్షుడు అచ్చెన్నాయుడు మంత్రి ధర్మాన వ్యాఖ్యలను ఈసీ దృష్టికి తీసుకెళ్లిన సాక్ష్యాధారాలతో సహా ఫిర్యాదు చేశారు. వాలంటీర్లు ఎన్నికల విధుల్లో ఉండకూడదని ఇప్పటికే ఈసీ ఆదేశించిందని, ఈసీ ఆదేశాలను అధికార పార్టీ నేతలు ఉల్లంఘిస్తున్నారని తెలిపారు. ప్రభుత్వానికి అనుకూలంగా పనిచేయాలని మంత్రులే చెబుతున్నారన్న అచ్చెన్న పోస్టల్ బ్యాలెట్‌లో వాలంటీర్ల ప్రమేయం లేకుండా ఈసీ ఆదేశించాలని కోరారు. మంత్రి ధర్మానపై చట్టపరమైన చర్యలు తీసుకోవాలని ఈసీని డిమాండ్ చేశారు.
వైఎస్సార్సీపీ విముక్త ఆంధ్రప్రదేశ్ లక్ష్యంగా టీడీపీ, జనసేన సమన్వయ కమిటీ సమావేశం
