BJP MP Laxman Fires on Congress : సీఏఏను మతంతో ముడిపెట్టి కాంగ్రెస్ పార్టీ ఆరోపణలు చేస్తుందని బీజేపీ రాజ్యసభ సభ్యుడు లక్ష్మణ్ ధ్వజమెత్తారు. అంబేడ్కర్ ఆశయాలను బీజేపీ ప్రభుత్వం నెరవేరుస్తోందని లక్ష్మణ్ అన్నారు. నవంబరు 26న రాజ్యాంగ దినోత్సవం నిర్వహిస్తున్నామని తెలిపారు. రూ.350 కోట్లతో స్ఫూర్తి, దీక్షా కేంద్రాలు నిర్వహిస్తున్నామని పేర్కొన్నారు. హైదరాబాద్లోని హోటల్ గ్రీన్ పార్కులో జరిగిన ఇంటరాక్టివ్ మీట్ విత్ మీడియా కార్యక్రమంలో ఆయన పాల్గొన్నారు.
అంబేడ్కర్ చిత్రపటం పార్లమెంటులో పెట్టి భారతరత్నతో గౌరవించామని ఎంపీ లక్ష్మణ్ అన్నారు. అంబేడ్కర్ సేవలు, త్యాగాలు భావితరాలకు అందించేందుకు యత్నిస్తామని హామీ ఇచ్చారు. కాంగ్రెస్ వైఫల్యం వల్లే పాక్ అధీనంలోకి పీవోకే వెళ్లిపోయిందని ఆవేదన వ్యక్తం చేశారు. అయోధ్య నిర్మాణాన్ని కాంగ్రెస్ అడుగడుగునా అడ్డుకుందని ధ్వజమెత్తారు. శ్రీరాముడిని అవమానించి హిందువుల మనోభావాలు దెబ్బతీశారని ఆరోపించారు. అయోధ్య ప్రాణప్రతిష్ఠ వేళ రాహుల్గాంధీ హాజరు కాలేదని విమర్శించారు.
శరణార్థులు భారత్ వస్తామంటున్నారు : సోమనాథ్ ఆలయ పునరుద్ధరణకు ఆనాడు కాంగ్రెస్ వ్యతిరేకించిందని రాజ్యసభ ఎంపీ లక్ష్మణ్ గుర్తు చేశారు. కొత్తగా సీఏఏపై కాంగ్రెస్ తీవ్ర ఆరోపణలు చేస్తోందని మండిపడ్డారు. ఇస్లాం దేశాల్లో మైనార్టీలు తీవ్ర వివక్షకు గురవుతున్నారని ఆవేదన వ్యక్తం చేశారు. హిందువులు, జైనులు, క్రైస్తవులు మత హింసకు గురవుతున్నారని దుయ్యబట్టారు. శరణార్థులుగా భారత్కు వస్తామని వేడుకుంటున్నారని తెలిపారు. శరణార్థులకు పౌరసత్వం ఇస్తామంటే కాంగ్రెస్ వ్యతిరేకిస్తోందని విమర్శలు గుప్పించారు. సీఏఏను మతంతో ముడిపెట్టి ఆరోపణలు చేస్తున్నారన్నారు. ఎస్సీ, ఎస్టీ, ఓబీసీలకు రిజర్వేషన్లు రద్దు చేస్తామని కాంగ్రెస్ పార్టీ ఆరోపిస్తున్నారని తెలిపారు.
"కొత్తగా సీఏఏపై కాంగ్రెస్ తీవ్ర ఆరోపణలు చేస్తోంది. ఇస్లాం దేశాల్లో మైనార్టీలు తీవ్ర వివక్షకు గురవుతున్నారు. హిందువులు, జైనులు, క్రైస్తవులు మత హింసకు గురవుతున్నారు. శరణార్థులుగా భారత్కు వస్తామని వేడుకుంటున్నారు. శరణార్థులకు పౌరసత్వం ఇస్తామంటే కాంగ్రెస్ వ్యతిరేకిస్తోంది. సీఏఏను మతంతో ముడిపెట్టి ఆరోపణలు చేస్తున్నారు. ఎస్సీ, ఎస్టీ, ఓబీసీలకు రిజర్వేషన్లు రద్దు చేస్తామని ఆరోపిస్తున్నారు. అంబేడ్కర్ ఆశయాలను కాంగ్రెస్ పార్టీ హరించింది. కానీ బీజేపీ ఆయన ఆశయాలను నెరవేరుస్తోంది. అంబేడ్కర్కు భారతరత్న ఇచ్చిందే బీజేపీ." - లక్ష్మణ్, ఎంపీ
హామీలు అమలు చేసినట్లు నిరూపిస్తే పోటీ నుంచి తప్పుకుంటా - కాంగ్రెస్కు బండి సంజయ్ సవాల్
పట్టభద్రుల ఉప ఎన్నికలో సత్తా చాటేందుకు సిద్ధమైన బీజేపీ - ఆ ముగ్గురిలో ఛాన్స్ కొట్టేసేది ఎవరో?
