Pratidwani Debate on Viral Fevers in Telangana : అసలే వ్యాధుల కాలం! ఆ పై వరదల బీభత్సం! తెలుగు రాష్ట్రాల్లో ప్రస్తుత పరిస్థితి ఇదే. నిన్నా మొన్నటి వరకు వణికించిన డెంగీ, విష జ్వరాల కష్టం చాలదన్నట్లు పీకల్లోతు నీటిలో మునిగి పోయాయి. జనావాసాలు రోజుల తరబడి నీళ్లల్లోనే నానుతున్నాయి. ఆ వరదలు అవి మోసుకు వచ్చిన బురద ప్రజారోగ్యానికి సవాళ్లు విసురుతున్నాయి.
సాధారణంగానే ఇలాంటి సందర్భాల్లో వాతావరణం మారటమే కాదు కలుషితమయ్యే నీరు ముసురుకొచ్చే దోమల దండుతో దాడి చేసే జబ్బులు చాలా ఎక్కువ. అప్పటికే ఉన్న కొన్ని జబ్బులూ తీవ్రం కావొచ్చు. ఈ విపత్కర పరిస్థితులు ఎలా ఎదుర్కోవాలి? ప్రివెన్షన్ ఈజ్ బెటర్ దెన్ క్యూర్ అంటారు. మరి, వ్యాధులు ప్రబలే ఈ సమయంలో మన ఆరోగ్యానికి మనమే రక్షగా ఉండాలి. మన జాగ్రత్తలు మనమే తీసుకోవాలి. చాలా వరకు మన ఆరోగ్యం మన చేతిలోనే ఉంటుంది. ఇదే అంశంపై నేటి ప్రతిధ్వని.
