Wheat Flour Manchurian: ఇంట్లో చిన్న పిల్లలు ఉంటే.. వారికి పాస్తా, మ్యాగీ వంటివి సరిపోతాయి. కానీ.. కాస్త పెద్దవాళ్లు అయితే మాత్రం ఫాస్ట్ ఫుడ్ సెంటర్లకు పరుగులు తీస్తారు. అయితే.. అక్కడ దొరికే నూడుల్స్, మంచూరియా వంటి ఐటమ్స్లో కలిపే పదార్థాలు ఆరోగ్యానికి హాని కలిగిస్తాయి. అందుకే.. ఇంట్లో మమ్మీలే గోధుమపిండితో "మంచూరియా" చేయండి. పిల్లలు ఎంతో ఇష్టంగా తింటారు. మరి దీనికి కావాల్సిన పదార్థాలు, తయారీ విధానం ఏంటో ఈ స్టోరీలో చూద్దాం..
కావాల్సిన పదార్థాలు:
- గోధుమ పిండి - 1 కప్పు
- ఉప్పు - సరిపడా
- కారం - 1 టేబుల్ స్పూన్
- పసుపు - టీ స్పూన్
- టమాట గుజ్జు - అరకప్పు
- ఉల్లిపాయ - 1
- పచ్చిమిర్చి -4
- క్యాప్సికం - 1
- జీలకర్ర - 1 టీ స్పూన్
- వెల్లుల్లి తరుగు - 1 టీ స్పూన్
- నూనె - 2 టేబుల్ స్పూన్లు
- మిరియాల పొడి - 1 టేబుల్ స్పూన్
- కొత్తిమీర తరుగు - కొద్దిగా
- నిమ్మరసం - కొద్దిగా(ఆప్షనల్)
తయారీ విధానం:
- ముందుగా ఓ బౌల్లో గోధుమపిండి, కొద్దిగా ఉప్పు, నూనె వేసి కొన్ని కొన్ని నీళ్లు పోసుకుంటూ చపాతీ పిండిలా కలపాలి.
- ఆ తర్వాత ఆ పిండిని చిన్న చిన్న ఉండలు చేసుకుని చపాతీలుగా ఒత్తుకోవాలి. ఆ తర్వాత పెన్ సాయంతో చపాతీలను సన్నగా రోల్ చేసుకోవాలి. ఇలా అన్నింటిని చేసుకుని పక్కకు పెట్టుకోవాలి.
- తర్వాత స్టవ్ ఆన్ చేసి గిన్నె పెట్టి అందులో నీరు, నూనె, కొద్దిగా ఉప్పు వేసి మరిగించుకోవాలి. నీరు మరుగుతున్నప్పుడు ఈ చపాతీ రోల్స్ వేసుకుని ఓ 10 నిమిషాల పాటు ఉడికించుకోవాలి.
- చల్లారిన తర్వాత రోల్స్ను చిన్న చిన్న స్ప్రింగ్స్గా కట్ చేసుకుని పక్కకు పెట్టుకోవాలి.
- ఇప్పుడు స్టవ్ మీద పాన్ పెట్టి.. నూనె పోసి వేడి చేసుకోవాలి. నూనె వేడెక్కిన తర్వాత జీలకర్ర, వెల్లుల్లి తరుగు వేసి వేయించుకోవాలి.
- అనంతరం ఉల్లిపాయ తరుగు, పచ్చిమిర్చి, క్యాప్సికం వేసి కొద్దిగా ఫ్రై చేసుకోవాలి.
- ఆ తర్వాత అందులోకి టమాట గుజ్జు వేసుకుని కలుపుకోవాలి.
- అందులోకి కొద్దిగా ఉప్పు, పసుపు, కారం, మిరియాల పొడి వేసుకుని బాగా కలుపుకోవాలి.
- ఓ రెండు నిమిషాల ఉడికించిన తర్వాత కట్ చేసుకున్న స్ప్రింగ్స్ వేసుకుని కలుపుకోవాలి.
- ఆ తర్వాత కొత్తిమీర తరుగు చల్లి దింపేసుకుంటే సరి. ఎంతో టేస్టీ అండ్ స్పైసీ గోధుమపిండి మంచూరియా రెడీ.
- తినేటప్పుడు నిమ్మరసం చల్లుకుంటే టేస్ట్ ఇంకా అద్దిరిపోతుంది.
ఈ స్నాక్స్ వెరీ 'గుడ్డు' - ఇలా చేస్తే "సూపర్ మమ్మీ" అంటూ లొట్టలేసుకుంటూ తింటారు!
అన్నం మిగిలిపోయిందా? - చీజ్ రైస్ కట్లెట్ చేసేయండి - అద్దిరిపోద్దంతే!
సగ్గుబియ్యంతో పసందైన వంటలు - టేస్ట్ సూపర్! తింటే వదిలిపెట్టరు!
