Telangana Tourism Tirupati Tirumala Tour Details: తిరుమల శ్రీవారిని దర్శించుకునేందుకు నిత్యం ప్రపంచం నలుమూలల నుంచి భక్తులు అధిక సంఖ్యలో తరలివస్తుంటారు. ఇక తెలంగాణ నుంచి కూడా భారీ సంఖ్యలో భక్తులు తిరుమలకు వెళ్తుంటారు. ట్రైన్, బస్సు.. అంటూ ఎలా వీలైతే అలా చేరుకుంటారు. అయితే ఎలా వెళ్లినా.. స్వామి వారిని దర్శించుకోవాలంటే ముందుగానే ప్లాన్ చేసుకోవాలి. లేదంటే టికెట్లు లభించక లైన్లలో గంటల తరబడి వెయిట్ చేయాల్సి ఉంటుంది. అయితే ఇక పై అలాంటి అవసరం లేకుండా తెలంగాణ టూరిజం సంస్థ.. స్వామి వారిని దర్శించుకునేందుకు ఓ ప్యాకేజీని తీసుకొచ్చింది. అది కూడా తక్కువ ధరలోనే వెళ్లేందుకు అవకాశం కల్పిస్తోంది. మరి ధర ఎంత? ప్రయాణం ఎన్ని రోజులు? అనే వివరాలు ఇప్పుడు చూద్దాం..
TIRUPATI - TIRUMALA TOUR’ పేరుతో తెలంగాణ టూరిజం ఈ ప్యాకేజీని అందుబాటులో తీసుకొచ్చింది. హైదరాబాద్ నుంచి బస్సు జర్నీ ద్వారా ఈ టూర్ ఉంటుంది. ఈ ప్యాకేజీ 2 రాత్రులు, 1పగలు ఉంటుంది. ఈ ప్యాకేజీలో తిరుపతి, తిరుమల, తిరుచానూర్ కవర్ అవుతాయి.
ప్రయాణం వివరాలివే:
- మొదటి రోజు సాయంత్రం 5 గంటలకు కూకట్పల్లిలోని IRO నుంచి బస్సు బయల్దేరుతుంది. సాయత్రం 6 గంటలకు సికింద్రాబాద్కు, 6:15 గంటలకు బేగంపేట్ టూరిజం ప్లాజాకు చేరుకుంటుంది. రాత్రి 7 గంటలకు బషీర్బాగ్ చేరుకుని అక్కడి నుంచి తిరుపతికి జర్నీ స్టార్ట్ అవుతుంది. ఆ రాత్రంతా జర్నీ ఉంటుంది.
- రెండో రోజు ఉదయం 7 గంటలకు తిరుపతికి చేరుకుంటారు. అక్కడ ముందుగానే బుక్ చేసిన హోటల్కు తీసుకెళ్లారు. ఫ్రెషప్ అయిన తర్వాత.. స్థానికంగా ఉన్న పలు ఆలయాలను చూస్తారు. ఆ తర్వాత శ్రీవారి శీఘ్ర దర్శనం ఉంటుంది. అనంతరం తిరుపతికి చేరుకుంటారు. అక్కడ లంచ్ చేసి కాసేపు విశ్రాంతి తీసుకున్న తర్వాత సాయంత్రం 5 గంటలకు హైదరాబాద్కు రిటర్న్ జర్నీ స్టార్ట్ అవుతుంది. రాత్రి మొత్తం జర్నీ ఉంటుంది.
- మూడో రోజు ఉదయం 7 గంటలకు హైదరాబాద్కు చేరుకోవటంతో ఈ ప్యాకేజీ ముగుస్తుంది.
శ్రీశైలం మల్లన్న దర్శనంతో పాటు రోప్ వే, బోట్ జర్నీ! - తెలంగాణ టూరిజం సూపర్ ప్యాకేజీలు!
ధరల వివరాలు చూస్తే:
- ఈ ప్యాకేజీని బుక్ చేసుకునేందుకు పెద్దలు రూ 3,700, పిల్లలు రూ. 2,960 చెల్లించాలి.
- ఈ ప్యాకేజీలో తిరుమలలో శ్రీవారి శీఘ్రదర్శనం ఉచితంగా ఉంటుంది.
ఇవి గమనించాలి:
- ఈ ప్యాకేజీలో టిక్కెట్లు బుక్ చేసుకున్న యాత్రికులందరూ తెలంగాణ టూరిజం బస్సులో మాత్రమే ప్రయాణించాలి. సొంత వాహనాల్లో వచ్చి దర్శన టికెట్ల కోసం రిపోర్ట్ చేస్తే టీటీడీ అధికారులు తిరస్కరిస్తారు. మీ డబ్బులు వాపస్ కూడా ఇవ్వరు.
- అలాగే తిరుమల వెళ్లాలనుకుంటే వారం రోజుల ముందుగానే బుక్ చేసుకోవాలి.
- ఇక ఈ ప్యాకేజీకి సంబంధించిన పూర్తి వివరాలు, బుకింగ్ కోసం ఈ లింక్పై క్లిక్ చేయండి.
"అల పాపికొండల్లో విహరిద్దామా" - తక్కువ ధరలో తెలంగాణ టూరిజం అద్దిరిపోయే ప్యాకేజీ!
తెలంగాణలోని ప్రముఖ దేవాలయాలను దర్శించుకునే గొప్ప అవకాశం - కేవలం 2 వేలకే "టెంపుల్ టూర్" ప్యాకేజ్!
హైదరాబాద్ To తిరుపతి - ఒక్కరోజులో శ్రీనివాసుడి దర్శనం! టికెట్ ధర ఎంతంటే!
