How to Store Coriander Fresh for Long Time : దాదాపు చేసే ప్రతి వంటలోనూ కొద్దిగా కొత్తిమీర వేస్తుంటారు. కర్రీ, చట్నీ, పులుసు, సాంబార్, బిర్యానీ ఇలా ఏ రెసిపీలోకైనా కొత్తిమీర వేస్తేనే ఆ రుచి ఇంకాస్త బాగుంటుంది. అందుకే మార్కెట్కి వెళ్లినప్పుడు వారానికి సరిపడా కొత్తిమీర తెచ్చుకుంటుంటారు. ఫ్రెష్గా ఉంటదనుకుంటే.. రెండు రోజులకే కొత్తిమీర పూర్తిగా వాడిపోతుంది. ఇలా కాకుండా కొత్తిమీర వారం రోజుల పాటు ఫ్రెష్గా ఉండాలంటే కొన్ని చిట్కాలు పాటిస్తే సరిపోతుంది. ఆ టిప్స్ ఏంటో మీరు చూసేయండి.
పేపర్ టవల్తో: మార్కెట్ నుంచి కొత్తిమీర తీసుకొచ్చిన తర్వాత వేర్లు కట్ చేయండి. ఇప్పుడు రెండుసార్లు శుభ్రంగా కడగండి. తర్వాత గాలికి ఆరబెట్టండి. ఇప్పుడు కొత్తిమీరను పేపర్ టవల్లో చుట్టండి. తర్వాత పేపర్లో చుట్టిన కొత్తిమీరను డబ్బాలో పెట్టి మూత పెట్టండి. దీనిని ఫ్రిడ్జ్లో స్టోర్ చేసుకుంటే వారం రోజుల పాటు తాజాగా ఉంటుంది.
నీటి జాడీలో.. ముందుగా కొత్తిమీరను శుభ్రంగా కడగండి. ఇప్పుడు నీటి జాడీలో కొత్తిమీర కాడలకు సరిపడా నీళ్లు పోయండి. తర్వాత కొత్తిమీరను జాడీలో పెట్టండి. దీనిని ఫ్రిడ్జ్లో పెట్టుకుంటే సరిపోతుంది. ఆకులు ఫ్రెష్గా ఉండడానికి రెండురోజులకు ఒకసారి వాటర్ మార్చండి.
పసుపు నీళ్లు.. కొత్తిమీర శుభ్రంగా కడిగిన తర్వాత పసుపు నీటిలో 30 నిమిషాలు నానబెట్టండి. ఫ్యాన్ గాలికి కొత్తిమీర ఆరబెట్టండి. ఇప్పుడు కొత్తమీరను పేపర్ టవల్లో చుట్టి, డబ్బాలో పెట్టండి. దీనిని ఫ్రిడ్జ్లో స్టోర్ చేసుకుంటే కొత్తిమీర తాజాగా ఉంటుంది.
ఎయిర్టైట్ కంటెయినర్లో.. ముందుగా కొత్తిమీర వేర్లను కట్ చేసి, శుభ్రంగా కడగండి. తర్వాత ఫ్యాన్ గాలికి ఆరబెట్టండి. ఇప్పుడు ఒక ఎయిర్టైట్ బాక్స్లో కింద పేపర్ టవల్ పెట్టండి. ఇప్పుడు మధ్యలో కొత్తమీర ఉంచండి. పైన మళ్లీ పేపర్ టవల్ పెట్టి మూత పెట్టండి. దీనిని ఫ్రిడ్జ్లో స్టోర్ చేసుకుంటే.. కొత్తిమీర ఎప్పుడు కావాలంటే అప్పుడు తాజాగా వాడుకోవచ్చు.
మరికొన్ని టిప్స్..
- కొత్తిమీర, పుదీనా ఎక్కువ రోజులు ఫ్రెష్గా ఉండాలంటే అల్యూమినియం ఫాయిల్‌లో చుట్టి ఫ్రిడ్జ్లో ఉంచాలి.
- ఎక్కువ మంది కొత్తిమీర తేగానే కడిగి ఫ్రిడ్జ్లో పెట్టేస్తారు. అయితే నీరు, తేమంతా పోయాకే స్టోర్ చేయాలి. ఫ్యాన్ కింద లేదా గాలికి ఆరబెట్టాలి.
- కొత్తిమీరను వేర్లతో సహా స్టోర్ చేయకూడదు. ఎందుకంటే.. తేమ కాడలకు పాకి కొత్తిమీర త్వరగా కుళ్లిపోతుంది. కాబట్టి తప్పకుండా కాస్త మందంగా ఉండే కాడలను కోసేయాలి.
- కొత్తిమీరను ఫ్రిడ్జ్లో మూత లేకుండా గాలి తగిలేలా పెడితే పాడైపోతుంది. అలాగే దాని స్మెల్ మిగతా పదార్థాలకూ పాకుతుంది. కాబట్టి ఓ గిన్నెలో వేసి మూత పెట్టాలి.
- ఈ టిప్స్ పాటిస్తే ఎక్కువ రోజులు కొత్తిమీర ఫ్రెష్గా ఉంటుంది.
కొత్తిమీరతో ప్రయోజనాలెన్నో.. తెలిస్తే తినకుండా అసలు వదలరు
కొత్తిమీర రైతుకు.. గిన్నీస్ బుక్ ఆఫ్ వరల్డ్ రికార్డ్స్లో చోటు
