How to Make Sambar at Home : చాలా మందికి పెళ్లిళ్లలో వడ్డించే సాంబార్ ఎంతో నచ్చుతుంది. ఎన్ని కర్రీలు, ఫ్రైలతో అన్నం తిన్నా కూడా.. రెండు ముద్దలు సాంబార్తో తింటే ఆ తృప్తి మరో విధంగా ఉంటుంది. అందుకే.. ఇంట్లో ఆ టేస్ట్ చూడాలని చాలా మంది ట్రై చేస్తుంటారు. కానీ.. టేస్ట్ అంతగా రాదు. కొన్ని టిప్స్ పాటిస్తే.. ఈజీగా వెడ్డింగ్ స్టైల్ సాంబార్ తయారు చేయొచ్చు. మరి.. ప్రిపేర్ చేయడానికి కావాల్సిన పదార్థాలు, తయారీ విధానంపై ఓ లుక్కేయండి.
కావాల్సిన పదార్థాలు :
- కంది పప్పు - కప్పు
- క్యారెట్ ముక్కలు - కప్పు
- మునగకాయ ముక్కలు - కప్పు
- సొరకాయ ముక్కలు-కప్పు
- వంకాయలు - 3
- పచ్చిమిర్చి - 5
- నూనె
- ఉప్పు - రుచికి సరిపడా
- చింతపండు- 50 గ్రాములు
- ఎండు మిరపకాయలు -2
- జీలకర్ర - టేబుల్స్పూన్
- బెండకాయలు-3
- టమాటాలు-2
- ఉల్లిపాయలు-2
- పసుపు- టీ స్పూన్
- కారం-2టేబుల్స్పూన్లు
- సాంబార్ పౌడర్-టేబుల్స్పూన్
- గరం మసాలా-టేబుల్స్పూన్
- కొత్తిమీర - కొద్దిగా
- నీరు సరిపడా
- ఆవాలు - టీ స్పూన్
- జీలకర్ర - టీ స్పూన్
- వెల్లుల్లి రెబ్బలు-5
- కరివేపాకు -2 రెమ్మలు
తయారీ విధానం..
- ముందుగా కూరగాయలను శుభ్రంగా కడిగి ముక్కలుగా కట్ చేసుకుని పక్కన పెట్టుకోవాలి. అలాగే చింతపండుని నీటిలో నానబెట్టుకోవాలి.
- తర్వాత కందిపప్పుని రెండు సార్లు కడగాలి. ఇప్పుడు ప్రెషర్లో పప్పు వేసుకోవాలి. ఇందులో కొద్దిగా ఉప్పు, టేబుల్స్పూన్ నూనె, 2 గ్లాసుల నీళ్లు పోసుకుని మెత్తగా ఉడికించుకోవాలి.
- ఇప్పుడు స్టౌపై పెద్ద గిన్నె పెట్టుకుని 2 టేబుల్స్పూన్ల ఆయిల్ వేసుకోవాలి.
- ఇందులో జీలకర్ర, ఆవాలు, వెల్లుల్లి రెబ్బలు వేయాలి. తర్వాత కరివేపాకు, పచ్చిమిర్చి, ఉల్లిపాయ ముక్కలు, ఎండుమిర్చి వేసి కలపాలి.
- ఉల్లిపాయలు మగ్గిన తర్వాత కూరగాయలన్నీ వేసి కలపాలి. తర్వాత పసుపు, రుచికి సరిపడా ఉప్పు వేసి కలపాలి. ఇప్పుడు గిన్నెపై మూతపెట్టి కూరగాయలను సగానికి పైగా ఉడికించుకోవాలి.
- తర్వాత చిక్కటి చింత పండు రసం పోసుకోవాలి. అలాగే ఉడికించుకున్న పప్పు వేసి కలపాలి. తర్వాత సాంబార్కి సరిపడా నీళ్లు పోసుకోవాలి. సన్నని మంట మీద సాంబార్ 15 నిమిషాలు మరిగించుకోవాలి.
- ఇప్పుడు సాంబార్లో కారం, సాంబార్ పౌడర్, గరం మసాలా వేసి కలపాలి. అలాగే ఈ టైమ్లోనే సాంబార్లో రుచికి సరిపడా ఉప్పు చూసుకోవాలి. సాంబార్ 5 నిమిషాలు మరిగించుకోవాలి.
- స్టౌ ఆఫ్ చేసుకునే ముందు కొత్తిమీర చల్లుకోండి. అంతే ఇలా సింపుల్గా చేసుకుంటే టేస్టీ సాంబార్ రెడీ.
- నచ్చితే మీరు కూడా ఇలా వెడ్డింగ్ స్టైల్ సాంబార్ ట్రై చేయండి.
ఇవి కూడా చదవండి :
ఇంట్లోనే ఘుమఘుమలాడే "ఉడిపి సాంబార్" - ఇడ్లీ, వడల్లోకి సూపర్ కాంబినేషన్ - ఇలా చేసేయండి!
వర్షాకాలంలో "పచ్చి పులుసు" ఇలా చేస్తే - టేస్ట్ గురించి చెప్పడం కాదు, ఆస్వాదించాల్సిందే!
