How to Make Methi Keema Recipe : ఆదివారం వచ్చిందంటే నాన్వెజ్ ప్రియులు ఎగిరి గంతేస్తారు. ఇంట్లో తప్పకుండా చికెన్, మటన్తో కమ్మగా వండుకుని తృప్తిగా భోజనం చేస్తారు. అయితే.. చాలా మంది మటన్ ఎప్పుడూ ఒకే పద్ధతిలో వండుతుంటారు. లేదంటే.. గోంగూరతో మటన్, మెంతి కూర చికెన్ వండుతుంటారు. అందుకే.. మీకోసం ఓ సరికొత్త రెసిపీ తీసుకొచ్చాం. అదే.. మెంతికూర మటన్ కీమా. ఈ స్టోరీలో చెప్పిన విధంగా మెంతి మటన్ కీమా చేస్తే.. రుచి అద్దిరిపోతుంది. ఈ కర్రీ వేడివేడి అన్నం, చపాతీల్లోకి సూపర్ టేస్టీగా ఉంటుంది. మరి ఈ మటన్ కీమా ఎలా చేయాలో ఇప్పుడు చూద్దాం.
కావాల్సిన పదార్థాలు :
- మటన్ కీమా - 250గ్రా
- మెంతి కూర-రెండు కప్పులు
- అల్లం వెల్లుల్లి పేస్ట్
- పసుపు కొద్దిగా
- కారం-2 టీస్పూన్లు
- ఉప్పు-రుచికి సరిపడా
- ధనియాలపొడి-టీస్పూన్
- గరం మసాలా -అరటీస్పూన్
- నూనె-సరిపడా
- ఉల్లిపాయ-1
- పచ్చిమిర్చి-2
- టమాటాలు-2
- బిర్యానీ ఆకు - 1
తయారీ విధానం :
- ముందుగా స్టౌపై కుక్కర్ పెట్టండి. ఇందులో కొద్దిగా నూనె పోసుకుని వేడి చేసుకోవాలి.
- తర్వాత శుభ్రంగా కడిగిన మటన్ కీమా, పసుపు, రుచికి సరిపడా ఉప్పు, కారం, అల్లం వెల్లుల్లి పేస్ట్ వేసుకుని గ్లాసు నీళ్లు పోసుకోవాలి.
- ఇప్పుడు బాగా కలిపి మూత పెట్టి.. కుక్కర్ 5 విజిల్స్ వచ్చే వరకు మటన్ కీమా ఉడికించుకోవాలి.
- తర్వాత స్టౌపై పాన్ పెట్టుకుని కొద్దిగా ఆయిల్ వేయండి. నూనె వేడయ్యాక మెంతి కూర వేసుకోండి. దీనిని 2 నిమిషాలు వేయించి ఒక ప్లేట్లోకి తీసుకోండి.
- ఇప్పుడు అదే నూనెలో బిర్యానీఆకు, జీలకర్ర, ఉల్లిపాయ, పచ్చిమిర్చి ముక్కలు వేసి ఫ్రై చేయండి.
- ఉల్లిపాయలు రంగు మారిన తర్వాత అల్లం వెల్లుల్లి పేస్ట్ వేసి పచ్చి వాసన పోయే వరకు ఫ్రై చేయండి. ఆపై టమాటా ముక్కలు వేసి మగ్గించుకోండి.
- ఇప్పుడు పసుపు, కారం, ధనియాలపొడి వేసి కలుపుకోండి. ఆపై ఉడికించుకున్న కీమా మిశ్రమం వేసుకుని కలుపుకోవాలి.
- అలాగే రుచికి సరిపడా ఉప్పు, ఉడికించుకున్న మెంతి ఆకులు వేసి కలుపుకుని.. మూత పెట్టి 10 నిమిషాలు ఉడికించుకోవాలి.
- కూరలో ఆయిల్ పైకి తేలిన తర్వాత గరం మసాలా వేసుకుని కలుపుకోండి.
- కర్రీలో వాటర్ ఇగిరిపోయేంత వరకు ఉడికించుకోండి. ఆపై కొద్దిగా కొత్తిమీర తరుగు చల్లుకుని స్టౌ ఆఫ్ చేసుకుంటే సరిపోతుంది. ఎంతో రుచికరమైన కమ్మటి మెంతి మటన్ కీమా మీ ముందుంటుంది.
- ఈ కర్రీ వేడివేడి అన్నం, చపాతీల్లోకి సూపర్ కాంబినేషన్.
ఇవి కూడా చదవండి :
