How to Make Manchuria Recipe Without Sauce : ఫాస్ట్ ఫుడ్ సెంటర్లో లభించే మంచూరియా ఎంతో టేస్టీగా ఉంటుంది. పిల్లల నుంచి పెద్దల వరకు అందరూ ఎంతో ఇష్టంగా తినేస్తారు. అందుకే.. బయటకు వెళ్తే పిల్లలు మొదటగా మంచూరియానే ఆర్డర్ చేస్తుంటారు. అయితే.. బయట చేసే వెజ్ మంచూరియాలో ఎన్నో రకాల సాస్లు కలుపుతుంటారు. ఇవి ఆరోగ్యానికి మంచివి కావని నిపుణులు చెబుతూనే ఉంటారు. అందుకే.. మీకోసం ఎలాంటి సాస్లు ఉపయోగించని రెసిపీని తీసుకొచ్చాం. మరి.. సాస్ వాడకుండా సూపర్ టేస్టీ మంచూరియాను ఎలా తయారు చేయాలి? ఏయే పదార్థాలు కావాలి? అన్నది ఇప్పుడు చూద్దాం.
వెజ్ మంచూరియా తయారీకి కావాల్సిన పదార్థాలు..
- క్యాబేజీ తరుము-కప్పు
- మైదా పిండి-కప్పు
- కార్న్ఫ్లోర్-2 టేబుల్స్పూన్లు
- పసుపు-పావుటీస్పూన్
- టమాటా-1
- ఉల్లిపాయ-1
- పచ్చిమిర్చి-2
- కరివేపాకు రెమ్మలు-2
- ఉప్పు- రుచికి సరిపడా
- కారం-2 టేబుల్స్పూన్లు
- ధనియాల పొడి-పావుటీస్పూన్
- గరం మసాలా-పావుటీస్పూన్
- మిరియాల పొడి-చిటికెడు
- అల్లం వెల్లుల్లి పేస్ట్-టీస్పూన్
తయారీ విధానం..
- ముందుగా గిన్నెలో క్యాబేజీ తురుము తీసుకోండి. ఇందులో ఉప్పు, పసుపు, కొద్దిగా కారం, ధనియాల పొడి, గరం మసాలా, మిరియాల పొడి, అల్లం వెల్లుల్లి పేస్ట్ వేసి కలపండి.
- అలాగే మైదా పిండి, కార్న్ఫ్లోర్ వేసుకుని బాగా మిక్స్ చేయండి. ఇందులో కొన్ని నీళ్లు కలుపుకుని పిండిని పునుగుల పిండిలా కలుపుకోండి.
- టమాటాను మిక్సీలో మెత్తగా గ్రైండ్ చేసి పక్కన పెట్టుకోండి.
- ఇప్పుడు స్టౌపై పాన్ పెట్టి, డీప్ ఫ్రైకి సరిపడా ఆయిల్ పోసి వేడి చేయండి. వేడివేడి నూనెలో పిండితో మంచూరియా బాల్స్ వేయండి. వీటిని గోల్డెన్ కలర్లో ఫ్రై చేసుకుని పక్కన పెట్టుకోండి.
- ఇప్పుడు ఇనుప ముకుడులో రెండు టేబుల్స్పూన్ల ఆయిల్ వేసి పచ్చిమిర్చి, ఉల్లిపాయలు వేసి ఫ్రై చేయండి. కొద్దిగా అల్లం పేస్ట్, పసుపు, కరివేపాకులు వేసి కలపండి. గరం మసాలా, కారం వేసి బాగా ఫ్రై చేయండి.
- ఇప్పుడు టమాటా మిశ్రమంలో కొన్ని నీళ్లు పోసి కలపండి. అలాగే నీటిలో టీస్పూన్ కార్న్ ఫ్లోర్ కలిపి పోసుకోండి. తర్వాత ఫ్రై చేసుకున్న మంచూరియా బాల్స్ వేసి కలపండి.
- మంచూరియా బాగా క్రిస్పీగా ఫ్రై అయిన తర్వాత.. కొద్దిగా కొత్తిమీర చల్లుకుని సర్వ్ చేసుకోండి.
- ఇంతే.. ఎలాంటి సాస్లు లేకుండానే సూపర్ టేస్ట్ మంచూరియా మీ ముందు ఉంటుంది.
ఇవి కూడా చదవండి :
