Dhaba Style Tandoori Egg Curry : ఇంట్లో రొటీన్గా చేసే ఎగ్ కర్రీ.. అంత స్పెషల్గా అనిపించదు. ఇష్టంగా తినాలనిపించదు. అందుకే.. ఈసారి దాబా స్టైల్లో తందూరీ ఎగ్ కర్రీ ట్రై చేయండి. ఈ స్టోరీలో చెప్పిన విధంగా ఎగ్ కర్రీ చేస్తే.. చపాతీ, పూరీ, అన్నంలోకి టేస్ట్ అద్దిరిపోతుంది. మరి ఇక ఆలస్యం చేయకుండా దాబా స్టైల్ ఎగ్ కర్రీకి కావాల్సిన పదార్థాలు? తయారీ విధానం ఏంటో ఓ లుక్కేయండి..
కావాల్సిన పదార్థాలు :
- గుడ్లు - 6
- ఉప్పు - రుచికి సరిపడా
- కొత్తిమీర తరుగు - కొద్దిగా
- బార్బెక్యూ స్కేవర్స్ స్టిక్స్-3
టమాటా ప్యూరీ కోసం..
- ఉల్లిపాయ - 1
- టమాటాలు - 3
- పచ్చిమిర్చి-3
- దాల్చిన చెక్క- ఇంచ్
- యాలకలు-2
- లవంగాలు-3
- మిరియాలు-10
- వెల్లుల్లి రెబ్బలు-8
- అల్లం -చిన్న ముక్క
- ధనియాలు-అరటేబుల్స్పూన్
- ఎండు మిర్చి-2
- జీలకర్ర -అరటీస్పూన్
- కొబ్బరి పొడి-2 టేబుల్స్పూన్లు
ఎగ్స్ మిశ్రమం కోసం..
- నూనె-టేబుల్స్పూన్
- కొద్దిగా ఉప్పు
- పసుపు చిటికెడు
- కారం-అరటీస్పూన్
- గరం మసాలా-పావు టీస్పూన్
- వేపిన జీలకర్ర పొడి-పావు టీస్పూన్
- కశ్మీరి చిల్లీ పౌడర్- అరటీస్పూన్
- శనగపిండి-టేబుల్స్పూన్
- కసూరి మేథి- టీస్పూన్
- పెరుగు -3 టేబుల్స్పూన్లు
తయారీ విధానం :
- ముందుగా స్టౌపై ఒక పాత్ర పెట్టుకొని నీళ్లతో పాటు కొద్దిగా ఉప్పు వేసుకొని గుడ్లను ఉడికించుకోవాలి. అవి ఉడికాక వాటిని పొట్టు తీసి ఒక ప్లేట్లోకి తీసుకోవాలి.
- ఎగ్స్ ఉడికేలోపు రెసిపీలోకి కావాల్సిన ఉల్లిపాయ, పచ్చిమిర్చి, టమాటాలను శుభ్రంగా కడిగి కట్ చేసుకోవాలి. అలాగే.. కొత్తిమీర సన్నగా తరిగి పక్కన ఉంచుకోవాలి.
- ఇప్పుడు ఒక మిక్సింగ్ బౌల్లోకి నూనె, ఉప్పు, గరం మసాలా, కారం, వేపిన జీలకర్ర పొడి, కశ్మీరి చిల్లీ పౌడర్, శనగపిండి, పసుపు, పెరుగు, కసూరీ మేథి చేతితో నలిపి వేసుకోండి. ఈ మిశ్రమాన్ని బాగా కలపండి.
- ఇందులో ఉడికించుకున్న ఎగ్స్ వేసి బాగా కలపండి. గుడ్లకు మసాలా బాగా పట్టాలి.
- ఇప్పుడు అరగంటపాటు నీటిలో నానబెట్టుకున్న బార్బెక్యూ స్కేవర్స్కి(Barbecue Skewers) ఎగ్స్ గుచ్చండి. (ఒక స్టిక్కి రెండు ఎగ్స్ గుచ్చండి)
- తర్వాత స్టౌ ఆన్ చేసి మీడియం ఫ్లేమ్లో గుడ్లను 5 నిమిషాల సేపు కాల్చుకోండి. గుడ్లకు పట్టించిన మసాలా ఎర్రగా పూర్తిగా ఎండిపోయి కాలాలి.
- ఇప్పుడు స్టౌపై కడాయి పెట్టి ఆయిల్ పోయండి. నూనె వేడయ్యాక దాల్చిన చెక్క, మిరియాలు, యాలకలు, లవంగాలు వేసి వేపండి. ఆపై ఉల్లిపాయ ముక్కలు వేసి రంగు మారే వరకు వేపండి. ఇప్పుడు వెల్లుల్లి రెబ్బలు, అల్లం, పచ్చిమిర్చి వేసి ఫ్రై చేయండి.
- తర్వాత టమాటా ముక్కలు, ఎండుమిర్చి, ధనియాలు, జీలకర్ర వేసి కలపండి.
- టమాటాలు మెత్తబడిన తర్వాత కొబ్బరి పొడి వేసి మిక్స్ చేయండి. ఇప్పుడు స్టౌ ఆఫ్ చేసి మిశ్రమాన్ని పూర్తిగా చల్లారనివ్వండి.
- ఆపై ఒక మిక్సీ జార్లోకి తీసుకోండి. ఇందులో కొన్ని నీళ్లు పోసుకుని మెత్తగా పేస్ట్లాగా గ్రైండ్ చేసుకోండి.
- తర్వాత అదే కడాయిలో కాస్త ఆయిల్ పోయండి. నూనె వేడయ్యాక జీలకర్ర వేసి వేపండి.
- ఇప్పుడు గ్రైండ్ చేసుకున్న టమాటా ప్యూరీ వేసుకోండి. ఇందులో కప్పు నీళ్లు, రుచికి సరిపడా ఉప్పు వేసుకుని 10 నిమిషాలు ఉడికించుకోండి.
- తర్వాత కాల్చుకున్న మసాలా ఎగ్స్ వేసి కలపండి. ఇప్పుడు స్టౌ మీడియం ఫ్లేమ్లో అడ్జస్ట్ చేసి మూత పెట్టి 10 నిమిషాలు ఉడికించుకోండి.
- ఆపై కాస్త కొత్తిమీర తరుగు చల్లి స్టౌ ఆఫ్ చేయండి. అంతే ఇలా చేసుకుంటే ఘుమఘుమలాడే దాబా స్టైల్ ఎగ్ మసాలా కర్రీ మీ ముందుంటుంది.
- నచ్చితే ఈ రెసిపీ ఓసారి ఇంట్లో ప్రయత్నించండి.
ఇవి కూడా చదవండి :
ఫాస్ట్ఫుడ్ సెంటర్లో తింటే డేంజర్ - ఇంట్లోనే "ఎగ్ నూడుల్స్" ఇలా చేసుకోండి!
అన్నం, పులావ్‌, రోటీలకు మంచి కాంబినేషన్‌ - టేస్టీ "పాలక్ ఎగ్ కర్రీ" - ఈజీగా చేసుకోండిలా!
