How to Make Fried Egg Salad Recipe : మనలో చాలా మందికి సలాడ్ అనగానే.. వెజిటబుల్స్, ఫ్రూట్స్తో ప్రిపేర్ చేసుకునేవి మాత్రమే ఎక్కువగా గుర్తుకొస్తాయి. కానీ.. పోషకాలు పుష్కలంగా ఉండే గుడ్డుతో కూడా సూపర్ టేస్టీ సలాడ్ ప్రిపేర్ చేసుకోవచ్చని మీకు తెలుసా? లేదంటే మాత్రం ఈ స్టోరీ చదివి ఇప్పుడే ఓసారి ట్రై చేయండి. పైగా దీన్ని చాలా తక్కువ టైమ్లో ప్రిపేర్ చేసుకోవచ్చు. అదెలాగో ఇప్పుడు తెలుసుకుందాం.
కావాల్సిన పదార్థాలు :
- ఎగ్స్ - 4
- ఆయిల్ - తగినంత
- ఉప్పు - కొంచెం
- మిరియాల పొడి - కొద్దిగా
- స్ప్రింగ్ ఆనియన్స్ - కొన్ని
- రెడ్ క్యాప్సికమ్ - 1
- యెల్లో క్యాప్సికమ్ - 1
- ఉల్లిపాయ - 1(చిన్నది)
- క్యాబేజీ - 1(చిన్నది)
- చెర్రీ టమాటాలు - 10 నుంచి 12
- నువ్వుల నూనె - 1 టేబుల్ స్పూన్
- నిమ్మరసం - కొద్దిగా
సలాడ్ డ్రెస్సింగ్ కోసం :
- సన్నని వెల్లుల్లి తరుగు - 1 టేబుల్ స్పూన్
- సన్నని అల్లం తురుము - అర టీస్పూన్
- ఒక పచ్చిమిర్చి సన్నని తరుగు
- ఉప్పు - చిటికెడు
- తేనె - 3 టేబుల్ స్పూన్లు
- సోయా సాస్ - అర టీస్పూన్
తయారీ విధానం :
- ఇందుకోసం ముందుగా స్టౌపై చిన్నపాటి పాన్ లేదా కడాయి పెట్టుకొని ఒకటిన్నర టేబుల్ స్పూన్ ఆయిల్ వేసుకోవాలి. ఆపై పాన్ను చేతితో పట్టుకొని నూనె బౌల్ మొత్తం స్ప్రెడ్ అయ్యేలా తిప్పుకోవాలి.
- అనంతరం ఫ్రిజ్లో నుంచి తీసిన చల్లచల్లని గుడ్డును పగులకొట్టి అందులో వేసుకోవాలి. ఎందుకంటే.. చల్లని గుడ్డు అంత త్వరగా స్ప్రెడ్ అవ్వదు. కాబట్టి చల్లని ఎగ్ వేసుకుంటే ఇడ్లీ మాదిరి మధ్యలో పొంగి.. అంచుల వెంట పల్చగా ఉంటుంది.
- తర్వాత మంటను మీడియం ఫ్లేమ్లో ఉంచి వెంటనే గరిటెతో కలుపుకోకుండా కాసేపు అలా వదిలేయాలి. అయితే.. గుడ్డు వేగుతున్నప్పుడే దానిపై చిటికెడు చొప్పున మిరియాల పొడి, ఉప్పు వేసుకోవాలి.
- ఇక గుడ్డు ఒకవైపు మంచిగా వేగి పొంగు వచ్చాక జాగ్రత్తగా గరిటెతో చిదిరిపోకుండా నెమ్మదిగా రెండోవైపు తిప్పి వేసుకోవాలి. ఆ తర్వాత పొంగు రాగానే దాన్ని ఒక ప్లేట్లోకి తీసుకొని పక్కన ఉంచుకోవాలి.
- ఇప్పుడు అదే పాన్లో.. పైన చెప్పిన ప్రాసెస్ ప్రకారం మరో మూడు గుడ్లను వేపుకొని పక్కన పెట్టుకోవాలి. అంటే.. మొత్తం నాలుగు గుడ్లను ఆ విధంగా ప్రిపేర్ చేసుకోవాలన్నమాట.
- అనంతరం వేయించుకున్న గుడ్లను సగానికి కట్ చేసుకొని పక్కన ఉంచుకోవాలి.
- ఇప్పుడు సలాడ్లోకి కావాల్సిన వెజ్జీస్ను ప్రిపేర్ చేసుకోవాలి. అందుకోసం.. ముందుగా స్ప్రింగ్ ఆనియన్స్ను రెండు ఇంచుల పరిమాణంతో కట్ చేసుకోవాలి.
- ఆ తర్వాత రెడ్ క్యాప్సికమ్లో పావుభాగం తీసుకొని నిలువుగా సన్నని ముక్కలుగా కట్ చేసుకోవాలి. అదేమాదిరిగా.. యెల్లో క్యాప్సికమ్ను తరుక్కోవాలి.
- అలాగే.. ఉల్లిపాయను సన్నని నిలువు ముక్కలుగా కట్ చేసుకోవాలి. క్యాబేజీని సన్నని తరుగులా తరుక్కోవాలి. అదేవిధంగా.. కొత్తిమీరను తరిగి పెట్టుకోవాలి. చెర్రీ టమాటాలను రెండు భాగాలుగా కట్ చేసుకొని పక్కన ఉంచుకోవాలి.
- అనంతరం.. ఒక మిక్సింగ్లో బౌల్లో సన్నని వెల్లుల్లి, అల్లం, పచ్చిమిర్చి తరుగు, ఉప్పు, తేనె, సోయా సాస్ వేసుకొని అన్నీ కలిసేలా బాగా మిక్స్ చేసుకోవాలి.
- ఆ తర్వాత అందులో ముందుగా కట్ చేసి పెట్టుకున్న అన్ని వెజ్జీస్ని ఒక్కొక్కొటిగా వేసుకున్నాక.. నువ్వుల నూనె, పావు టీస్పూన్ మిరియాల పొడి వేసుకోవాలి. ఆపై నిమ్మరసం పిండుకొని వెజ్జీస్ అన్ని కలిసేలా గరిటెతో నెమ్మదిగా టాస్ చేసుకోవాలి.
- ఇక చివరగా వేయించుకొని పక్కన పెట్టుకున్న ఫ్రైడ్ ఎగ్ ముక్కలు అందులో వేసుకొని మరోసారి అన్నింటినీ బాగా టాస్ చేసుకొని వెంటనే సర్వ్ చేసుకోవాలి. అంతే.. యమ్మీ యమ్మీగా ఉండే "ఫ్రైడ్ ఎగ్ సలాడ్" రెడీ!
ఇవీ చదవండి :
ఆహా అనిపించే "ఆఫ్ఘాని ఎగ్ మసాలా"- సూపర్ టేస్టీ రెసిపీ - ఇంట్లో ఈజీగా చేసేయండి!
సూపర్ టేస్టీ "బెంగాలీ స్టైల్ ఎగ్ కర్రీ" - నిమిషాల్లో ప్రిపేర్ చేసుకోండిలా - రుచి అద్దిరిపోతుంది!
