తుపాను దెబ్బకు కుప్పకూలిన వంతెన- బ్రిడ్జ్​తో సహా కొట్టుకుపోయిన వాహనాలు- షాకింగ్ వీడియో! - Typhoon Yagi In Vietnam

Typhoon Yagi collapses busy bridge : సూపర్‌ యాగి తుపాను ప్రభావంతో ఆగ్నేయాసియా దేశం వియత్నాం వణికిపోయింది. అనేక నదులు ప్రమాదకరస్థాయిలో ప్రవహిస్తున్నాయి. వరదల కారణంగా ఫుథో ప్రావిన్స్‌లో ఓ ఉక్కు వంతెన కూలిపోయింది. ఈ ఘటనలో అనేక కార్లు, ట్రక్కులు రెడ్‌ నది ఉద్ధృతిలో కొట్టుకుపోయాయి. కావో బాంగ్‌ ప్రావిన్స్‌లో 20 మంది ప్రయాణికులతో కూడిన బస్సుపై కొండచరియలు పడి పక్కనే ఉన్న వరద ప్రవాహంలో కొట్టుకుపోయింది.

Typhoon Yagi collapses busy bridge : వియత్నాంలో యాగి తుపాను విధ్వంసం సృష్టించింది. పలుచోట్ల ఘోర ప్రమాదాలు సంభవించాయి. ఉత్తర వియత్నాంలోని ఫుథో ప్రావిన్స్‌లో రెడ్‌ నదిపై నిర్మించిన ఉక్కు వంతెన ఒక్కసారిగా కూలిపోయింది. ఈ ఘటనలో 10 కార్లు, ట్రక్కులు, రెండు బైక్‌లు నీళ్లలో పడిపోయాయి. వెనక వస్తున్న మరికొందరు ప్రయాణికులు భయబ్రాంతులకు గురయ్యారు. కళ్ల ముందే వాహనాలు నదిలో పడిపోవడం వల్ల భయంతో అక్కడి నుంచి పరుగులు తీశారు. నదిలో పడిపోయిన వారిలో ముగ్గుర్ని సహాయక సిబ్బంది కాపాడారు. మరో 13 మంది గల్లంతు కాగా వారి కోసం రెస్క్యూ ఆపరేషన్‌ కొనసాగుతోంది.

#WATCH 🇻🇳Typhoon Yagi, the strongest in decades, hit Vietnam, causing at least 59 deaths. Many are missing due to landslides and floods.

A bridge collapsed, millions lost power, and a bus with 20 passengers was swept away. The storm struck on Saturday and weakened to a tropical… pic.twitter.com/Ikqqm7z8h0

— 凤凰欧洲 PhoenixCNE News (@PhoenixCNE_News) September 9, 2024

విరిగిపడ్డ కొండచరియలు : మరో ప్రావిన్స్ కావో బాంగ్‌లో వరదలకు కొండచరియలు విరిగి 20 మందితో వెళ్తున్న ఓ బస్సుపై పడ్డాయి. ఈ ఘటనలో ఆ బస్సు పక్కనున్న ప్రవాహంలో కొట్టుకుపోయింది. సహాయక బృందాలు రంగంలోకి దిగినప్పటికీ మార్గమధ్యలో కొండచరియలు విరిగిపడం వల్ల ఘటనాస్థలికి చేరుకోలేకపోయాయి. హెలికాప్టర్ల ద్వారా ఘటనాస్థలికి రెస్క్యూ సిబ్బందిని తరలించేందుకు ప్రభుత్వం యత్నిస్తోంది.

విధ్వంసం సృష్టించిన సూపర్ యాగి తుపాను (Associated Press)

30లక్షల మంది ప్రజల ఇబ్బందులు : వియత్నాంలో వరదలు, కొండచరియలు విరిగిపడిన ఘటనల్లో మరణించిన వారి సంఖ్య 59కి పెరిగింది. యాగి తుపాను శనివారం వియత్నాం తీరం దాటగా, ఆ సమయంలో అక్కడి ఉత్తర తీర ప్రాంతాలు వణికిపోయాయి. విద్యుత్‌ సరఫరా నిలిచిపోవడంతో 30లక్షల మందికి పైగా ప్రజలు ఇబ్బందులు ఎదుర్కొంటున్నారు. లక్షల హెక్టార్లలో పంట నష్టం వాటిల్లినట్లు అంచనా వేశారు. ఈ ప్రాంతాన్ని తాకిన అత్యంత శక్తిమంతమైన టైఫూన్‌లలో ఒకటిగా యాగి తుపాన్ వియత్నాం అని అధికారులు అభివర్ణించారు.