US Elections 2024 Survey : అమెరికా అధ్యక్ష ఎన్నికల్లో రిపబ్లికన్ పార్టీ అభ్యర్థి డొనాల్డ్ ట్రంప్ దూసుకెళ్తున్నారు! వాల్ స్టీట్ జర్నల్ నిర్వహించిన జాతీయ సర్వేలో డెమోక్రటిక్ పార్టీ అభ్యర్థి కమలా హారిస్పై ట్రంప్ స్వల్ప ఆధిక్యం సాధించినట్లు తేలింది. ట్రంప్కు 47 శాతం, హారిస్కు 45 శాతం మంది ఆదరణ ఉన్నట్లు సర్వే సంస్థ తెలిపింది. కమలపై హారిస్ 2 శాతం ఆధిక్యంలో ఉన్నట్లు పేర్కొంది.
మళ్లీ ట్రంప్దే లీడ్
సీఎన్బీసీఆల్ అమెరికా ఎకనామిక్ సర్వే ప్రకారం కూడా డొనాల్డ్ ట్రంప్ కమలపై ఆధిక్యంలో ఉన్నారు. ట్రంప్కు 48 శాతం మంది మొగ్గు చూపగా, కమలకు 46 శాతం మంది జైకొట్టారు. ఆగస్టులో ఈ సంస్థ చేసిన సర్వేలోనూ ట్రంపే ఆధిక్యాన్ని కనబర్చారు. ఏడు రాష్ట్రాల్లో కమలపై ట్రంప్ లీడ్లో ఉన్నారు.
అన్ని పోల్స్ ట్రాక్ చేసి చూస్తే కమలదే ఆధిక్యం!
అన్ని ప్రధాన జాతీయ, ప్రాంతీయ పోల్‌ సంస్థలను ట్రాక్ చేసే 'రియల్ క్లియర్ పాలిటిక్స్ సంస్థ' ప్రకారం, హారిస్ జాతీయ స్థాయిలో ట్రంప్పై 0.3 శాతం ఆధిక్యంలో ఉన్నారు. అరిజోనా, నెవాడా, విస్కాన్సిన్, మిచిగాన్, పెన్సిల్వేనియా, నార్త్ కరోలినా, జార్జియాలో ట్రంప్ 0.9శాతం ఆధిక్యాన్ని కనబరుస్తున్నారు. అమెరికన్ ఫైనాన్షియల్ ఎక్స్ఛేంజ్, ప్రిడిక్షన్ మార్కెట్ అయిన కల్షి, హారిస్ కంటే ట్రంప్ ఆధిక్యాన్ని కనబరుస్తున్నట్లు తేల్చింది. ఎన్నికల్లో ట్రంప్కు 61 శాతం విజయావకాశాలు ఉండగా, హారిస్కు 39 శాతం ఛాన్సు ఉన్నట్లు తెలిపింది.
'కమలను చైనా ఆడేసుకుంటుంది'
మరోవైపు, రిపబ్లికన్ పార్టీ అధ్యక్ష అభ్యర్థి డొనాల్డ్ ట్రంప్ తన ప్రత్యర్థి కమలా హారిస్పై మరోసారి విమర్శలు గుప్పించారు. కమల అధికారంలోకి వస్తే చైనా ఆమెను చిన్నపిల్ల మాదిరిగా ఆడేసుకుంటుందని ఆరోపించారు. ఓ బిగినర్తో గ్రాండ్ మాస్టర్ గేమ్ ఆడుకుంటున్నట్లు బీజింగ్ ప్రవర్తన కమల పట్ల ఉంటుందని విమర్శించారు. ఎన్నికల ప్రచారంలో భాగంగా ట్రంప్ ఓ రేడియో కార్యక్రమంలో పాల్గొన్నారు. ఈ సందర్భంగా 'ఒకవేళ కమలాహారిస్‌ విజయం సాధిస్తే ఆమె చైనా అధినేత షీ జిన్‌పింగ్‌తో చర్చలు జరపాల్సి ఉంటుంది. అప్పుడు ఆమెతో జిన్‌పింగ్‌ ఎలా వ్యవహరిస్తారు?' అని హోస్ట్ ట్రంప్ను ప్రశ్నించారు. ఓ చిన్న పిల్ల మాదిరిగా కమలను చూస్తారని ట్రంప్ బదులిచ్చారు.
