Mother Put Baby In Oven : కన్నబిడ్డకు చిన్న దెబ్బ తగిలితేనే అల్లాడిపోతుంది తల్లి. కానీ ఈమే మాతృత్వానికి మచ్చ తెచ్చేలా ప్రవర్తించింది. అల్లారుముద్దుగా చూసుకోవాల్సిన చిన్నారిని తన నిర్లక్ష్యంతో పొట్టన పెట్టుకుంది. తాను చేసిన చిన్న పొరపాటుకు ఓ అభంశుభం తెలియని పసికందు ప్రాణం పోయింది. పసికందును ఊయలకు బదులుగా పొరపాటున ఓవెన్లో పడుకోబెట్టింది. దీంతో తీవ్ర కాలిన గాయాలతో అక్కడిక్కడే మరణించింది. ఈ దారుణ ఘటన అమెరికాలోని మిస్సౌరిలో జరిగింది.
పోలీసులు తెలపిన వివరాల ప్రకారం
శుక్రవారం మధ్యాహ్నం ఓ పసికందు ఊపిరాడక అపస్మారక స్థితిలో ఉందంటూ పోలీసులకు సమాచారం వచ్చింది. దీనిపై స్పందించిన పోలీసులు వెంటనే ఘటనా స్థలానికి చేరుకున్నారు. ఆ చిన్నారిని పరిశీలించగా, కాలిన గాయాలతో అప్పటికే మరణించింది. అయితే, దీనిపై తల్లిని ప్రశ్నించగా, విస్తుపోయే నిజాన్ని బయటపెట్టింది. పసికందును నిద్రబుచ్చేందుకు ఊయలకు బదులుగా పొరపాటున ఓవెన్లో పెట్టినట్లు పోలీసులకు చెప్పింది. అయితే, ఈ పొరపాటు ఎలా జరిగిందన్న విషయంపై మాత్రం పోలీసులు ఎలాంటి వివరణ ఇవ్వలేదు.
దీంతో తల్లి మరియా థామస్పై కేసు నమోదు చేసుకున్న పోలీసులు దర్యాప్తు చేపట్టారు. చిన్నారి మరణానికి కారణమైందంటూ ఆమెపై కేసు నమోదు చేసి కోర్టులో హాజరుపరిచారు. ఓ పసికందు జీవితాన్ని కోల్పోయిన ఈ విషాద ఘటనను తమను ఎంతో బాధించిందని ప్రభుత్వ న్యాయవాది తెలిపారు. ఇలాంటి చర్యలకు పాల్పడిన వారిని న్యాయ వ్యవస్థ కఠినంగా శిక్షిస్తుందని నమ్ముతున్నట్లు ఆయన చెప్పారు. అయితే, థామస్ తరఫున వాదించడానికి న్యాయవాది ఉన్నారా లేదా అనే విషయంపై స్పష్టత లేదు.
జాతకాల పిచ్చితో కుమారుడి హత్య
Mother killed son: అంతకుముందు జాతకాల పిచ్చితో నాలుగు నెలల బాలుడిని నదిలో పడేసి హత్య చేసింది ఓ తల్లి. ఆ తర్వాత ఏమీ ఎరగనట్లు తన కుమారుడిని ఎవరో ఎత్తుకెళ్లారని నాటకమాడింది. పోలీసులు తమదైన శైలిలో విచారించగా అసలు విషయం బయటపెట్టింది. ఈ దారుణ ఘటన తమిళనాడులోని దిండిగుల్ జిల్లాలో జరిగింది. పూర్తి వార్త కోసం ఇక్కడ క్లిక్ చేయండి.
