These Fruits not to Preserve in Fridge : ప్రస్తుత ఉరుకుల పరుగుల జీవితంలో ఎప్పటికప్పుడు మార్కెట్కు వెళ్లి తాజా కూరగాయలు, పండ్లు తెచ్చుకొని తినడం అంత తేలికైన పని కాదు. అందుకే.. చాలా మంది వీకెండ్ టైమ్లో మార్కెట్కు వెళ్లినప్పుడు కావాల్సిన వాటిని ఒకేసారి ఎక్కువ మొత్తంలో తెచ్చుకొని ఫ్రిజ్లో స్టోర్ చేసుకుంటుంటారు. ఇక సమ్మర్లో అయితే ప్రత్యేకంగా చెప్పుకోవాల్సిన పనిలేదు. ఎందుకంటే.. వేసవిలో పండ్లు, కూరగాయలు త్వరగా పాడైపోతాయని.. ఇంటికి తీసుకురాగానే రిఫ్రిజిరేటర్లో పెట్టేస్తుంటారు. అయితే, కొన్ని పండ్లను మాత్రం ఎట్టి పరిస్థితుల్లో ఫ్రిజ్లో(Fridge) నిల్వ చేయవద్దంటున్నారు నిపుణులు. అలా ఉంచడం వల్ల అవి ఎక్కువ కాలం తాజాగా ఉండడమేమో గానీ.. త్వరగా పాడవుతాయట. అంతేకాదు.. రుచిని కోల్పోయి విషపూరితంగా మారవచ్చంటున్నారు నిపుణులు. ఇంతకీ, ఫ్రిజ్లో ఏ పండ్లను ఉంచకూడదో ఈ స్టోరీలో తెలుసుకుందాం.
పుచ్చకాయ : సమ్మర్ స్పెషల్ ఫ్రూట్గా చెప్పుకునే పుచ్చకాయను చాలా మంది కూల్గా తినాలని ఫ్రిజ్లో పెడుతుంటారు. అయితే ఈ పండు పెద్దదిగా ఉండడంతో దాన్ని కోసి ముక్కలను రిఫ్రిజిరేటర్లో ఉంచుతుంటారు. కానీ, ఎప్పుడు కూడా పుచ్చకాయ, దాని ముక్కలను ఫ్రిజ్లో నిల్వ చేయవద్దంటున్నారు నిపుణులు. ఎందుకంటే అలా ఉంచడంలో వల్ల దానిలో ఉండే యాంటీఆక్సిడెంట్లు, పోషకాలు నశిస్తాయంటున్నారు.
2012లో 'జర్నల్ ఆఫ్ న్యూట్రిషన్'లో ప్రచురితమైన ఒక అధ్యయనం ప్రకారం.. ఫ్రిజ్లో నిల్వ చేసిన పుచ్చకాయ ముక్కల కంటే.. గది ఉష్ణోగ్రత వద్ద నిల్వ చేసిన ముక్కలలో యాంటీఆక్సిడెంట్లు, పోషకాలు ఎక్కువగా ఉన్నాయని కనుగొన్నారు. ఈ పరిశోధనలో స్పెయిన్లోని టెక్నాలజికల్ యూనివర్శిటీ ఆఫ్ డాల్మేషియాకు చెందిన ప్రముఖ పోషకాహార నిపుణులు డాక్టర్. జువాన్ పాబ్లో కాస్ట్రో-పాలోమో పాల్గొన్నారు. ఫ్రిజ్లో పుచ్చకాయ ముక్కల స్టోర్ చేయడం వల్ల అందులోని పోషకాలు తగ్గిపోతాయని ఆయన పేర్కొన్నారు.
మామిడి పండ్లు : వేసవిలో విరివిగా దొరికే మామిడి పండ్లను చాలా మంది ఎక్కువ మొత్తంలో కొని ఫ్రిజ్లో స్టోర్ చేసుకొని తింటుంటారు. కానీ, వీటి ఎప్పుడూ రిఫ్రిజిరేటర్లో నిల్వ చేసుకొని తినకూడదంటున్నారు నిపుణులు. ఎందుకంటే.. ఈ పండ్లను ఫ్రిజ్లో ఉంచడం వల్ల శీతలీకరణ చెంది అందులో ఉండే పోషకాలు, యాంటీఆక్సిడెంట్లు తగ్గిపోతాయట. అంతేకాదు త్వరగా పాడయ్యే ఛాన్స్ ఉందంటున్నారు నిపుణులు.
అరటిపండ్లు : మీరు ఫ్రిజ్లో ఉంచకూడని మరో పండు.. అరటి. ఎందుకంటే వీటిలో రిఫ్రిజిరేటర్లో ఉంచితే చాలా త్వరగా నల్లగా మారి పాడవుతాయంటున్నారు నిపుణులు. అలాగే ఈ పండ్ల కాండం నుంచి ఇథిలీన్ వాయువు రిలీజ్ కావడం వల్ల త్వరగా పండుతాయంటున్నారు. కాబట్టి అరటిపండ్లను ఎప్పుడూ ఫ్రిజ్లో ఉంచకుండా గది ఉష్ణోగ్రతలో ఉంచడం మంచిది అంటున్నారు నిపుణులు.
వేసవిలో ఫ్రిజ్ నీళ్లు తాగితే - శరీరంలో ఏం జరుగుతుందో తెలుసా?
యాపిల్స్ : వీటిని కూడా ఫ్రిజ్లో ఉంచవద్దంటున్నారు నిపుణులు. ఎందుకంటే అలా ఉంచడం వల్ల త్వరగా పండుతాయని, పోషకాలు తగ్గుతాయని చెబుతున్నారు. ఇందుకు వాటిలో ఉండే క్రియాశీల ఎంజైమ్లే కారణమంటున్నారు నిపుణులు. ఒకవేళ మీరు ఎక్కువ కాలం యాపిల్స్ను స్టోర్ చేయవలసి వస్తే వాటిని కాగితంలో చుట్టి ఉంచాలని సూచిస్తున్నారు. అలాగే రేగు, చెర్రీస్, పీచెస్ వంటి విత్తనాలు ఉన్న పండ్లను కూడా రిఫ్రిజిరేటర్లో ఉంచకపోవడం మంచిది అంటున్నారు నిపుణులు.
అవకాడోలు : పండని అవకాడోలు ఎప్పుడూ ఫ్రిజ్లో నిల్వ చేయవద్దంటున్నారు నిపుణులు. వాటిని సరిగ్గా పండించడానికి గది ఉష్ణోగ్రత చాలా అనువైనదిగా చెబుతున్నారు. అలాకాకుండా అవి పూర్తి పక్వానికి రాకముందే రిఫ్రిజిరేటర్లో నిల్వచేస్తే గట్టి పడడంతో పాటు రుచిని కోల్పోతాయంటున్నారు నిపుణులు.
బొప్పాయిలు : వీటిని పక్వానికి వచ్చే వరకు గది ఉష్ణోగ్రత వద్ద నిల్వ చేయాలి. అలాకాకుండా.. ఫ్రిజ్లో స్టోర్ చేస్తే శీతలీకరణ వల్ల పండు త్వరగా పండదని నిపుణులు సూచిస్తున్నారు. అలాగే దాని రుచి, ఆకృతిని కూడా ప్రభావితం చేస్తుందంటున్నారు నిపుణులు.
పైనాపిల్స్ : వీటిని కూడా ఫ్రిజ్లో నిల్వ చేయకూడదంటున్నారు నిపుణులు. ఎందుకంటే ఫ్రిజ్లోని చల్లని ఉష్ణోగ్రతలు ఈ పండులోని ఎంజైమ్ల కార్యాచరణను నెమ్మదిస్తాయి. ఇది పండ్ల పక్వాన్ని ఆపివేస్తుందని, రుచిని దెబ్బతీస్తుందని నిపుణులు సూచిస్తున్నారు. అలాగే ఫ్రిజ్లో స్టోర్ చేసిన ఫైనాపిల్స్ గట్టిగా పుల్లగా తయారవుతాయంటున్నారు.
కీర దోస : దీనిలో నీటి శాతం ఎక్కువగా ఉంటుంది. ఫలితంగా వీటిని ఫ్రిజ్లో స్టోర్ చేయడం వల్ల మచ్చలు ఏర్పడి త్వరగా పాడవుతాయంటున్నారు నిపుణులు. చూశారుగా.. ఏ ఏ పండ్లను ఫ్రిజ్లో నిల్వ చేయకూడదో కాబట్టి మీరు ఇకపై ఈ పండ్లను వీలైనంత వరకు రిఫ్రిజిరేటర్లో పెట్టకుండా తీసుకోవడం మంచిది అంటున్నారు నిపుణులు.
NOTE : ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.
మీ ఫ్రిడ్జ్ను ఇలా ఉంచండి.. డోర్ ఓపెన్ చేసినోళ్లు వావ్ అంటారు..!
