అలర్ట్ : బ్రేక్​ఫాస్ట్​లో ఈ ఆహారాలు తింటే - ప్రాణాలకే ప్రమాదమట! తెలుసుకోండి జర! - Foods To Avoid in Breakfast

Avoid These Foods In Breakfast : మార్నింగ్ తప్పకుండా టిఫెన్ తినాలంటారు ఆరోగ్య నిపుణులు. అయితే.. అందులో కొన్ని ఆహార పదార్థాలకు వీలైనంత దూరంగా ఉండాలని సూచిస్తున్నారు. లేదంటే.. మీ అంతట మీరే పలు ఆరోగ్య సమస్యలను కొనితెచ్చుకున్నట్లేనని హెచ్చరిస్తున్నారు. మరి, బ్రేక్​ఫాస్ట్​లో తినకూడని ఆ ఆహార పదార్థాలేంటో ఇప్పుడు చూద్దాం.

What are the Foods To Avoid in Breakfast: మనం ఆరోగ్యంగా ఉండాలంటే డైలీ సరైన పోషకాహారం తీసుకోవడం చాలా అవసరం. అందులోనూ బ్రేక్​ఫాస్ట్ ఎంతో ఇంపార్టెంట్​. ఎందుకంటే.. ఉదయాన్నే ఏం తింటామో అది ఆ రోజు మొత్తం మన ఆరోగ్యాన్ని నిర్ణయిస్తుంది. అలాగే రోజంతా యాక్టివ్​గా ఉండడానికి ఎంతగానో దోహదం చేస్తుంది. అందుకే.. మార్నింగ్ బ్రేక్​ఫాస్ట్ స్కిప్ చేయొద్దని, హెల్తీ ఫుడ్ తీసుకోవాలని సూచిస్తుంటారు పోషకాహార నిపుణులు. అయితే.. ఉదయాన్నే అన్ని రకాల ఆహార పదార్థాలను బ్రేక్​ఫాస్ట్​లో తీసుకోవడం ఆరోగ్యానికి అంత మంచిది కాదంటున్నారు. అవి తీసుకోవడం ద్వారా వివిధ ఆరోగ్య సమస్యలు తలెత్తే ఛాన్స్ ఉంటుందంటున్నారు. ఇంతకీ, మార్నింగ్ బ్రేక్​ఫాస్ట్​లో తీసుకోకూడని ఆహార పదార్థాలేంటో ఈ స్టోరీలో తెలుసుకుందాం.

షుగరీ సిరిల్స్ : మార్నింగ్ బ్రేక్​ఫాస్ట్​లో తీపిగా ఉండేటువంటి తృణధాన్యాలను(షుగరీ సిరిల్స్) అస్సలు తీసుకోవద్దంటున్నారు నిపుణులు. ఎందుకంటే.. వీటిలో అధిక మొత్తంలో ఉండే చక్కెర స్థాయులు ఆరోగ్యానికి హాని కలిగిస్తాయంటున్నారు. ముఖ్యంగా ఊబకాయం, మధుమేహం(Diabetes) వంటి సమస్యలు వచ్చే ఛాన్స్ ఉంటుందంటున్నారు.

ప్రాసెస్డ్ మాంసాహారం : మీరు బ్రేక్​ఫాస్ట్​లో దూరంగా ఉండాల్సిన ఆహార పదార్థాలలో మరొకటి.. ప్రాసెస్డ్ మాంసాహారం. ఎందుకంటే.. ఈ ఫుడ్​లో శాచురేటెడ్ ఫ్యాట్, కొలెస్ట్రాల్ ఎక్కువగా ఉంటుంది. ఫలితంగా వీటిని తీసుకోవడం వల్ల బాడీలో చెడ్ కొలెస్ట్రాల్ పెరిగి గుండె సంబంధిత సమస్యలకు దారితీసే అవకాశం ఎక్కువగా ఉంటుందని సూచిస్తున్నారు నిపుణులు.

పండ్ల రసాలు : ఇవి ఆరోగ్యకరమైనప్పటికీ మార్నింగ్ పరగడపున తీసుకుంటే మాత్రం అనారోగ్యాలను తెచ్చిపెడతాయంటున్నారు నిపుణులు. ముఖ్యంగా రక్తంలో చక్కర స్థాయులు అదుపులో ఉండాలంటే పండ్ల రసాలను ఖాళీ పొట్టతో అస్సలు తీసుకోవద్దని సూచిస్తున్నారు. అంతేకాదు.. మార్నింగ్ బ్రేక్​ఫాస్ట్ టైమ్​లో పండ్ల రసాలు తీసుకోవడం ద్వారా మలబద్ధకం, అసిడిటీ, కడుపునొప్పి వంటి జీర్ణ సమస్యలు తలెత్తే ఛాన్స్ ఉంటుందంటున్నారు. కాబట్టి, మార్నింగ్ వీలైనంత వరకు పండ్ల రసాలకు దూరంగా ఉండడం బెటర్ అంటున్నారు.

2017లో "ది జర్నల్​ ఆఫ్​ న్యూట్రిషన్"లో ప్రచురితమైన ఒక నివేదిక ప్రకారం.. పరగడుపున పండ్ల రసం తాగినవారు.. మలబద్ధకం సమస్యతో బాధపడే ఛాన్స్ ఎక్కువగా ఉందని కనుగొన్నారు. ఈ పరిశోధనలో ప్రముఖ న్యూట్రిషనిస్ట్, హార్వర్డ్ స్కూల్ ఆఫ్ పబ్లిక్ హెల్త్ ప్రొఫెసర్​ డాక్టర్ డేవిడ్ జె. లీ పాల్గొన్నారు. పండ్ల రసాల్లోని చక్కెర, ఫైబర్ మలబద్ధకానికి కారణమవుతాయని ఆయన పేర్కొన్నారు.

వైట్ బ్రెడ్, పాన్ కేకులు : మార్నింగ్ బ్రేక్​ఫాస్ట్​లో కొంతమంది బ్రెడ్​కు జామ్ రాసుకొని తింటుంటారు. కానీ, బ్రేక్​ఫాస్ట్​లో వైట్ బ్రెడ్​, పాన్ కేకులకు దూరంగా ఉండాలంటున్నారు నిపుణులు. ఎందుకంటే.. వైట్ బ్రెడ్‌లో గ్లైసెమిక్ ఇండెక్స్ అధికంగా ఉంటుంది. ఫలితంగా రక్తంలో షుగర్ లెవల్స్ పెరుగుతాయంటున్నారు.

ఇవేకాకుండా.. మార్నింగ్ బ్రేక్​ఫాస్ట్​లో ఫాస్ట్​ఫుడ్​, చిప్స్​, ప్యాక్​ చేసిన వివిధ రకాల ప్రాసెస్​ ఫుడ్స్​ను అస్సలు ముట్టుకోవద్దంటున్నారు. ఎందుకంటే.. వీటిలో షుగర్​, ఉప్పు, అనారోగ్యకరమైన కొవ్వులు అధికంగా ఉంటాయని.. వీటిని తినడం వల్ల జీర్ణ సమస్యలు వస్తాయంటున్నారు. అలాగే స్పైసీ ఫుడ్, వేయించిన ఆహారాలు, పెస్ట్రీలు, డోనట్స్ వంటి వాటికి దూరంగా ఉండాలని సూచిస్తున్నారు.

NOTE : ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ, వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.