ముక్కు, ముఖం పైన మీకు ఇలాంటి సమస్య ఉందా? - ఇలా చేస్తే మళ్లీ రాదు! - Blackheads Remove Tips

Home Remedies For Blackheads : కొంతమంది ముఖం మొత్తం అందంగా ఉంటుంది కానీ, ముక్కుపైన మాత్రం బ్లాక్​హెడ్స్​ సమస్య అధికంగా వేధిస్తుంటుంది. మీరు కూడా ఇలాంటి ప్రాబ్లమ్​ ఫేస్​ చేస్తున్నారా ? అయితే, ఈ నేచురల్​ టిప్స్​తో ఈజీగా తొలగించుకోవచ్చంటున్నారు నిపుణులు. అవేంటో ఇప్పుడు చూద్దాం.

Natural Home Remedies For Blackheads : ఎలాంటి మచ్చలు లేకుండా చర్మం అందంగా కనిపించాలని అందరూ కోరుకుంటారు. అయితే, వివిధ కారణాల వల్ల కొందరిలో మొటిమల సమస్య వేధిస్తే.. మరికొందరిలో ముక్కు, చెంపల దగ్గర బ్లాక్​హెడ్స్ కనిపిస్తుంటాయి. చాలా మంది ముక్కుపైన ఉన్న బ్లాక్​హెడ్స్​, వైట్​హెడ్స్​ని రిమూవ్​ చేసుకోవడానికి వివిధ రకాల క్రీమ్​లు, మాస్క్​లను యూజ్​ చేస్తుంటారు. కానీ, వీటి ద్వారా ఫలితం అంతగా ఉండకపోవచ్చు. కొంతమందికి వీటిలోని కెమికల్స్​ వల్ల ఇతర చర్మ సమస్యలు వచ్చే అవకాశం ఉంటుంది. అయితే, కొన్ని టిప్స్​ పాటించడం వల్ల ఈజీగా ముక్కుపైన ఉన్న బ్లాక్​హెడ్స్​, వైట్​హెడ్స్​ సమస్యకి చెక్ పెట్టొచ్చంటున్నారు నిపుణులు. ఆ చిట్కాలేంటో ఈ స్టోరీలో తెలుసుకుందాం.

ఆవిరి పట్టండి : ముక్కుపైన బ్లాక్​హెడ్స్​ సమస్య ఎక్కువగా ఉన్నవారు వాటిని తొలగించుకోవడానికి వారానికి రెండుమూడుసార్లు ఆవిరి పట్టాలి. ఇలా చేస్తే చర్మం రంధ్రాలు తెరుచుకుంటాయి. అలాగే.. స్కిన్​ నుంచి ఆయిల్​ విడుదలవడం తగ్గుతుంది. తద్వారా బ్లాక్‌హెడ్స్‌ సమస్య తగ్గి.. చర్మం మృదువుగా మారుతుందని నిపుణులు చెబుతున్నారు.

బేకింగ్ సోడా, వాటర్ : ఒక గిన్నెలో టీస్పూన్​ బేకింగ్ సోడా, కొద్దిగా వాటర్​ కలపండి. ఈ మిశ్రమాన్ని బ్లాక్​హెడ్స్​ ఉన్న చోట మర్దన చేయండి. 15 నిమిషాల తర్వాత గోరువెచ్చని నీటితో ముఖం కడుక్కుని, మృదువైన టవల్​తో తుడుచుకోండి. ఇలా చేస్తే బ్లాక్​హెడ్స్​ ఏర్పడటానికి కారణమయ్యే డెడ్​ స్కిన్​ సెల్స్​ తొలగిపోతాయని నిపుణులు చెబుతున్నారు.

తేనె, దాల్చిన చెక్క పొడి : తేనె, దాల్చినచెక్క పొడి సమాన భాగాలుగా తీసుకొని కలిపి పేస్ట్​లా ప్రిపేర్ చేసుకోండి. ఆపై దాన్ని ముక్కుపైన మాస్క్​లాగా అప్లై చేసుకోండి. 10-15 నిమిషాల తర్వాత గోరు వెచ్చని నీటితో శుభ్రం చేసుకోండి. ఇలా చేస్తే మంచి ఫలితం కనిపిస్తుందంటున్నారు.

యాపిల్ సైడర్ వెనిగర్ : చిన్న గిన్నెలో యాపిల్​ సైడర్​ వెనిగర్​, వాటర్​ సమాన భాగాలుగా తీసుకోండి. ఇందులోచిన్న కాటన్​ ముంచి ముక్కుపైన మర్దన చేసుకోండి. ఈ చిట్కా ద్వారా బ్లాక్​హెడ్స్​ సమస్యకి చక్కటి పరిష్కారం లభిస్తుందని చెబుతున్నారు.

చక్కెర​, నిమ్మరసం : గిన్నెలో రెండు టేబుల్​ స్పూన్ల చక్కెర తీసుకుని, అందులో నిమ్మకాయ పూర్తిగా పిండండి. ఆ మిశ్రమాన్ని బాగా కలిపి ముక్కుపైన అప్లై చేసుకోండి. ఇలా చేస్తే బ్లాక్​హెడ్స్ సమస్య త్వరగా తగ్గిపోతుందని నిపుణులు చెబుతున్నారు. 2010లో 'జర్నల్ ఆఫ్ కాస్మెటిక్ డెర్మటాలజీలో 'ప్రచురితమైన ఒక అధ్యయనం ప్రకారం.. చక్కెర​, నిమ్మరసం మిశ్రమం ముక్కుపైన ఉన్న బ్లాక్​హెడ్స్​ని​ తొలగించడంలో బాగా పనిచేసిందని పరిశోధకులు గుర్తించారు. ఈ పరిశోధనలో కొరియాలోని సియోల్ నేషనల్ యూనివర్సిటీ కాలేజ్ ఆఫ్ మెడిసిన్ డెర్మటాలజీ విభాగానికి చెందిన 'డాక్టర్​ Hyun Joong Lee' పాల్గొన్నారు.

• ఇంకా ..మీరు గ్రీన్​ టీలో కాటన్​ ముంచి తరచూ ముక్కుపైన అప్లై చేసుకుంటే వీటిని తగ్గించుకోవచ్చు.
• అలాగే.. అప్పుడప్పుడూ వోట్​మీల్​ మాస్క్​ని కూడా ట్రై చేయడం ద్వారా చర్మం మృదువుగా మారుతుందని నిపుణులు చెబుతున్నారు.

NOTE : ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ, వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.