అల్సర్​తో ఇబ్బంది పడుతున్నారా? ఏం తినాలో? ఏం తినకూడదో తెలుసుకోండి! - Stomach Ulcer Diet

How To Prevent Stomach Ulcers: అల్సర్‌ సమస్యతో బాధపడేవారు చాలా ఇబ్బందులు ఎదుర్కొంటారు. ఏ ఆహారం తినాలన్నా కష్టమే. అయితే, రోజువారీ ఆహారంలో కొన్ని మార్పులు చేసుకోవడం వల్ల అల్సర్‌ను తగ్గించుకోవచ్చని ఆరోగ్య నిపుణులు చెబుతున్నారు.

How To Prevent Stomach Ulcers : ప్రస్తుత కాలంలో వయసుతో సంబంధం లేకుండా చాలా మందిని వేధిస్తోన్న అనారోగ్య సమస్యలలో అల్సర్‌ ఒకటి. అజీర్తి అనేది తీవ్రరూపం దాల్చినప్పుడు అల్సర్​గా మారుతుందని నిపుణులు చెబుతున్నారు. మారుతున్న జీవనశైలి, ఆహారపు అలవాట్లు, తీవ్రమైన, ఒత్తిడి, ఆందోళనలు, స్మోకింగ్, మద్యం తాగడం వంటి వివిధ కారణాల వల్ల ఈ సమస్య వచ్చే అవకాశం ఉందని అంటున్నారు. అయితే, ఆహారంలో కొన్ని మార్పులు చేసుకోవడం వల్ల అల్సర్ సమస్యను తగ్గించుకోవచ్చని సూచిస్తున్నారు.

అల్సర్‌ లక్షణాలు :

• జీర్ణశయంలో అల్సర్ ఏర్పడటం వల్ల కడుపులో నొప్పి, మంటగా ఉంటుంది.
• గ్యాస్‌తో పొట్ట మొత్తం ఉబ్బినట్లుగా ఉంటుంది.
• కడుపులో గడబిడలతో పుల్లటి తేన్పులు వస్తాయి.
• తిన్న ఆహారం సరిగ్గా జీర్ణం కాకపోవడం.
• ఈ సమస్య వల్ల కొంతమంది రక్తహీనతతో బాధపడతారు. అలాగే బరువు కూడా తగ్గే అవకాశం ఉంది.
• వాంతులు అవడం వంటి లక్షణాలు కనిపిస్తాయని నిపుణులంటున్నారు.

ఈ ఆహార పదార్థాలు తీసుకోండి :

క్యారెట్ : రోజూ క్యారెట్‌ తినడం వల్ల అల్సర్‌ ప్రమాదం తగ్గుతుందని.. ఇందులోని విటమిన్‌ ఎ జీర్ణక్రియను మెరుగుపరుస్తుందని నిపుణులు చెబుతున్నారు. 2019లో 'Nutrients' జర్నల్‌లో ప్రచురించిన అధ్యయనం.. ప్రకారం క్రమం తప్పకుండా క్యారెట్‌ తినడం వల్ల అల్సర్‌ తగ్గే అవకాశం ఉందని పరిశోధకులు గుర్తించారు. ఈ పరిశోధనలో బీజింగ్​లోని చైనా మెడికల్ యూనివర్సిటీలో న్యూట్రిషన్ అండ్ బయోకెమిస్ట్రీ ప్రొఫెసర్ 'డాక్టర్ జియాంగ్ లియు' పాల్గొన్నారు. అల్సర్‌ సమస్యతో బాధపడేవారు క్రమం తప్పకండా క్యారెట్‌ తినడం వల్ల ఈ సమస్య తగ్గుతుందని ఆయన పేర్కొన్నారు.

గుమ్మడికాయ : అల్సర్‌ సమస్యతో బాధపడేవారికి గుమ్మడికాయ మంచి ఔషధంలా పనిచేస్తుందని.. ఇందులోని పోషకాలు, విటమిన్‌లు పొట్టను ఆరోగ్యంగా ఉండేలా చేస్తాయని నిపుణులు అంటున్నారు.