Best Egg Masks for Hair Growth : కోడిగుడ్డును ఆహారంలో భాగం చేసుకోవడంతో పాటు దాంతో కొన్ని హెయిర్ మాస్క్లు ప్రిపేర్ చేసి యూజ్ చేస్తే హెయిర్ ప్రాబ్లమ్స్ ఇట్టే తొలగిపోతాయంటున్నారు నిపుణులు. అంతేకాదు.. వాటితో జుట్టు(Hair) మరింత ఆరోగ్యంగా, దృఢంగా మారుతుందని, మృదువుగా మెరిసిపోతుందని చెబుతున్నారు. ఇంతకీ, ఆ హెయిర్‌మాస్క్లు ఏంటి? వాటిని ఎలా ప్రిపేర్ చేసుకోవాలి? వంటివి ఈ స్టోరీలో తెలుసుకుందాం.
ఎగ్ మాస్క్ :
- ముందుగా ఒక బౌల్ తీసుకొని మీ జుట్టు పొడవును బట్టి ఒకటి లేదా రెండు గుడ్లు అందులో కొట్టి గిలకొట్టుకోవాలి.
- ఆ తర్వాత ఆ మిశ్రమాన్ని జుట్టు మూలాల నుంచి చివర్ల వరకు అప్లై చేయాలి.
- అలా 20-30 నిమిషాల పాటు ఉంచి ఆపై చల్లటి నీటితో గాఢత తక్కువ కలిగిన షాంపూ యూజ్ చేస్తూ తలస్నానం చేయాలి.
- ఈ మాస్క్ మీ జుట్టుకు మంచి పోషణను అందించి బలోపేతం చేస్తుందంటున్నారు నిపుణులు.
2017లో 'జర్నల్ ఆఫ్ కాస్మెటిక్ డెర్మటాలజీ'లో ప్రచురితమైన ఒక నివేదిక ప్రకారం.. గుడ్డు సొనతో తయారు చేసిన హెయిర్ మాస్క్ జుట్టును తేమగా ఉంచడంలో సహాయపడుతుందని కనుగొన్నారు. ఈ పరిశోధనలో యూనివర్శిటీ ఆఫ్ కాలిఫోర్నియాకు చెందిన ప్రముఖ డెర్మటాలజిస్ట్ డాక్టర్. మార్గరెట్ ఓ. డేవిడ్ పాల్గొన్నారు. గుడ్డుతో తయారుచేసిన హెయిర్ మాస్క్లు వాడడం వల్ల అందులోని పోషకాలు జుట్టును బలంగా మార్చడంతో పాటు తేమగా ఉంచడంలో చాలా బాగా సహాయపడతాయని డాక్టర్ పేర్కొన్నారు.
గుడ్డు, ఆలివ్ నూనె మాస్క్ :
- ఈ మాస్క్ కోసం ఒక బౌల్లో 1 లేదా 2 గుడ్లను పగులకొట్టి అందులో ఒక టేబుల్ స్పూన్ ఆలివ్ ఆయిల్ యాడ్ చేసుకొని బాగా మిక్స్ చేసుకోవాలి.
- అనంతరం ఆ మిశ్రమాన్ని జుట్టుకు అప్లై చేయాలి.
- 30 నిమిషాలు అలాగే ఉంచి ఆపై శుభ్రమైన వాటర్తో వాష్ చేసుకోవాలి.
- ఇది మీ జుట్టుకు తేమనందించి మెరిసేలా చేస్తుందని నిపుణులు చెబుతున్నారు.
జుట్టు రాలడం నుంచి చుండ్రు వరకు - ఉల్లి నూనెతో అన్నీ పరార్! - Onion Oil Benefits
గుడ్డు, పెరుగు మాస్క్ :
- ముందుగా బౌల్లో కాస్త పెరుగు తీసుకొని అందులో 1-2 గుడ్లను పగులకొట్టి బాగా మిక్స్ చేసుకోవాలి.
- ఆపై ఆ మిశ్రమాన్ని జుట్టుకు పట్టించి సున్నితంగా మసాజ్ చేసుకోవాలి.
- అలాగే 20-30 నిమిషాలు ఉంచి ఆ తర్వాత తేలికపాటి షాంపూతో తలస్నానం చేయాలి.
- ఈ మాస్క్ హెల్దీ హెయిర్ గ్రోత్ను ప్రోత్సహిస్తుందంటున్నారు నిపుణులు.
గుడ్డు, అరటి మాస్క్ :
- ఈ మాస్క్ కోసం బౌల్లో ఒక పండిన అరటిపండును తీసుకొని గుజ్జుగా చేసుకోవాలి.
- ఆపై అందులో 1-2 గుడ్లను పగులకొట్టి ఆ మిశ్రమాన్ని బాగా కలుపుకోవాలి.
- అనంతరం దాన్ని జుట్టుకు అప్లై చేసి 30 నిమిషాలు అలాగే ఉంచి ఆ తర్వాత శుభ్రం చేసుకోవాలి.
- ఇది మీ జుట్టును బలంగా, మృదువుగా చేయడంలో చాలా బాగా సహాయపడుతుందంటున్నారు నిపుణులు.
గుడ్డు, కొబ్బరి నూనె మాస్క్ :
- ఒక బౌల్లో 1-2 గుడ్లను పగులకొట్టి దానికి కొద్దిగా కొబ్బరినూనె కలుపుకొని మిక్స్ చేసుకోవాలి.
- ఆపై ఆ మిశ్రమాన్ని జుట్టుతో పాటు స్కాల్ప్పై కూడా అప్లై చేయాలి. అలాగే 30 నిమిషాలు ఉంచి ఆ తర్వాత తేలికపాటి షాంపూతో తలస్నానం చేయాలి.
- ఈ మాస్క్ జుట్టు చిట్లడాన్ని తగ్గించి బలంగా పెరిగేలా చేస్తుందని నిపుణులు చెబుతున్నారు.
గుడ్డు, అవకాడో మాస్క్ :
- ఒక పండిన అవకాడోను మెత్తగా చేసి దానికి 1-2 గుడ్లను పగులకొట్టి ఆ మిశ్రమాన్ని కలుపుకోవాలి.
- ఆపై దాన్ని బాగా మిక్స్ చేసుకొని హెయిర్కు అప్లై చేసుకోవాలి. 30 నిమిషాలు అలాగే ఉంచి ఆ తర్వాత వాష్ చేసుకోవాలి. ఇది జుట్టుకు మంచి పోషణను అందించి హెయిర్ బలంగా, ఆరోగ్యంగా పెరిగేలా చేస్తుందంటున్నారు నిపుణులు.
NOTE : ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.
ఎన్ని రోజులకోసారి తలకు నూనె రాసుకోవాలి? ఎలా అప్లై చేసుకుంటే లాభం? - Hair Oil Using Tips
