Best Food for Regular Periods as per Ayurveda: పీరియడ్స్ అనేవి మహిళలు ప్రతినెలా ఎదుర్కొనే ఓ సమస్య. కొద్దిమందిలో నెలసరి సక్రమంగా వస్తే.. మరికొద్దిమంది మాత్రం ఇర్రెగ్యులర్ పీరియడ్స్, బ్లీడింగ్ సరిగా కాకపోవడం వంటి సమస్యలను ఫేస్ చేస్తుంటారు. దీని కారణంగా శరీరంలో అంతర్గతంగా పలు ఆరోగ్య సమస్యలు స్టార్ట్ అవుతాయి. అంతేకాదు.. పీరియడ్స్(Periods) టైమ్కు రాకపోవడం మానసిక ఆరోగ్యంపై ప్రభావం చూపుతుంది. మరి మీరూ ఇలాంటి సమస్యతో ఇబ్బందిపడుతున్నారా? అయితే, నేచురల్గా ఈ ప్రాబ్లమ్ను తగ్గించుకోవచ్చంటున్నారు ఆయుర్వేదిక్ కన్సల్టెంట్ డాక్టర్ గాయత్రీ దేవీ. అందుకోసం ఈ పథ్యాహారాన్ని ఆహారంలో భాగం చేసుకోవాలని సూచిస్తున్నారు. పూర్తి వివరాలు ఈ స్టోరీలో తెలుసుకుందాం.
కావాల్సిన పదార్థాలు:
- నువ్వులు
- జీలకర్ర
- మెంతులు
- ఉప్పు
- కారం
- ఇంగువ
తయారీ విధానం:
- ముందుగా స్టవ్ ఆన్ చేసి పాన్ పెట్టి నువ్వులు వేయించుకోవాలి. ఆ తర్వాత మెంతులు, జీలకర్రను కూడా విడివిడిగా వేయించుకోవాలి.
- ఇలా వేయించుకున్న నువ్వులు, మెంతులు, జీలకర్రను సపరేట్ మిక్సీ జార్లోకి వేసుకుని మెత్తగా గ్రైండ్ చేసుకోవాలి.
- ఇప్పుడు ఓ బౌల్ తీసుకుని అందులోకి 100 గ్రాముల నువ్వుల పొడి, 50 గ్రాముల జీలకర్ర పొడి, 25 గ్రాముల మెంతి పొడి, పావు చెంచా ఇంగువ, రుచికి సరిపడా ఉప్పు, అర చెంచా కారం వేసుకుని ఈ పదార్థాలన్నీ కలిసేలా బాగా కలుపుకోవాలి.
- ఇప్పుడు దీన్ని గాలి చొరబడని డబ్బాలో వేసుకుని స్టోర్ చేసుకోవాలి.
ఎలా తీసుకోవాలంటే: నెలసరి సమయానికి రాకుండా ఇబ్బంది పడేవారు ఈ పొడిని రోజూ రెండు సార్లు తీసుకోవాలని చెబుతున్నారు. అంటే ఉదయం, సాయంత్రం అన్నం తినే సమయంలో ఒక ముద్ద అన్నంలో ఈ పొడిని ఒక చెంచా చొప్పున కలిపి తినాలని చెబుతున్నారు. అంటే ఉదయం ఒక చెంచా, సాయంత్రం ఒక చెంచా తీసుకోవాలి.
ప్రయోజనాలు:
- నువ్వులు: నువ్వులలో ఫైటోఈస్ట్రోజెన్ అనే ఓ రకమైన ఫైటోహార్మోన్లు పుష్కలంగా ఉంటాయి. ఇవి మహిళల శరీరంలోని ఈస్ట్రోజెన్ హార్మోన్‌కు సారూప్యంగా పనిచేస్తాయి. ఈ హార్మోన్ గర్భాశయానికి రక్త ప్రసరణను మెరుగుపరచడంలో, హార్మోన్ల సమతుల్యతను కాపాడడంలో కీలక పాత్ర పోషిస్తుంది. తద్వారా నెలసరి సక్రమంగా రావడానికి దోహదపడతుందని చెబుతున్నారు.
- మెంతులు: మెంతులు హార్మోన్ల సమతుల్యతను కాపాడటంలో ముఖ్యమైన పాత్ర పోషిస్తాయని చెబుతున్నారు. అలాగే నెలసరి సక్రమంగా రావడానికి, పీసీఓడీ సమస్యను తగ్గించడానికి కూడా ఇందులోని పోషకాలు సహకరిస్తాయని చెబుతున్నారు. మెంతులు నెలసరి సమయంలో వచ్చే నొప్పి, అధిక రక్తస్రావం వంటి సమస్యలను తగ్గించడంలో సహాయపడతాయని వివరిస్తున్నారు.
NOTE : ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ, వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.
ఇవీ చదవండి:
పీరియడ్స్ టైమ్ టూ టైమ్ రావాలంటే ఈ ఒక్క కర్రీ చాలట! - అది ఏంటి? ఎలా ప్రిపేర్ చేసుకోవాలో తెలుసా?
పీరియడ్స్ నొప్పుల కోసం మందులా? - వద్దే వద్దు - ఇలా చేస్తే ఫుల్ రిలీఫ్!
