తరచుగా నడుము నొప్పి వేధిస్తోందా? - ఈ వ్యాయామాలతో ఈజీగా చెక్ పెట్టొచ్చు!

Lower Back Pain Relief Tips: ఈ మధ్యకాలంలో చాలా మందిని తరచుగా వెన్ను నొప్పి సమస్య ఇబ్బందిపెడుతోంది. ముఖ్యంగా గంటలతరబడి కూర్చొని వర్క్ చేసే వారిలో ఈ ప్రాబ్లమ్ ఎక్కువగా కనిపిస్తోంది. దాంతో నొప్పి నుంచి ఉపశమనం పొందేందుకు ఏవేవో మందులు వాడుతుంటారు. అలాకాకుండా మేము చెప్పే చిన్నపాటి వ్యాయామాలతో ఈజీగా చెక్ పెట్టొచ్చు. అవేంటో ఇప్పుడు చూద్దాం..​

Best Exercises for Lower Back Pain: ఈ రోజుల్లో వయసుతో సంబంధం లేకుండా చాలా మంది ఎదుర్కొంటున్న సమస్య నడుము నొప్పి. మారిన జీవనశైలి, కూర్చునే ఉద్యోగాలు, వ్యాయామం చేయకపోవడం వంటి అనేక కారణాలతో నడుము నొప్పితో బాధపడేవారి సంఖ్య పెరుగుతోంది. దాంతో చాలా మంది నడుము నొప్పి(Back Pain) నుంచి ఉపశమనం పొందేందుకు మందులు వాడుతుంటారు. అయితే.. మెడిసిన్ అనేది అప్పటి వరకు ఉన్న నొప్పి నుంచి రిలీఫ్ ఇవ్వొచ్చు. కానీ.. తర్వాత ఇతర అనారోగ్య సమస్యలకు దారితీసే అవకాశం ఉంటుంది. అయితే.. మెడిసిన్ యూజ్ చేయకుండా నిపుణులు సూచించిన ఈ నాలుగు చిన్నపాటి వ్యాయామాలు చేస్తే చాలు. ఈజీగా మీ లోయర్ బ్యాక్​ పెయిన్​ను తగ్గించుకోవచ్చు. అవేంటో ఈ స్టోరీలో తెలుసుకుందాం.

ప్లాంక్​ వేయడం : లోయర్ బ్యాక్ పెయిన్ రావడానికి ప్రధాన కారణం మనం సరైన భంగిమలో కూర్చోకపోవడం. కాబట్టి ఎప్పుడూ సరైన పోశ్చర్​లో నిటారుగా కూర్చోడానికి ప్రయత్నించాలి. ఒకవేళ మీరు సరిగ్గా కూర్చోలేకపోతున్నారంటే దానికోసం ఐసోమెట్రిక్ స్ట్రెంగ్త్ ఎక్సర్​సైజ్ చేయండి. అంటే ప్లాంక్​లు చేయాలన్నమాట. బ్యాక్ పెయిన్ నుంచి ఉపశమనం పొందేందుకు ప్లాంక్ వేయడం చాలా బాగా యూజ్ అవుతుంది. ప్లాంక్ వేయడం ద్వారా వెన్నుపాము దృఢంగా మారుతుంది. ఇంటర్నేషనల్ జర్నల్ ఆఫ్ సైన్స్ అండ్ రీసెర్చ్‌లో ప్రచురించిన ఓ అధ్యయనంలో కూడా ప్లాంక్ లోయర్ బ్యాక్ పెయిన్​ని తగ్గంచడంలో కీలక పాత్ర పోషిస్తుందని వెల్లడించింది.

Lower Back Pain Relief Tips

కండరాలను బలోపేతం చేయడం : పొత్తికడుపు కండరాలు వెన్నుపాముకు సపోర్టీవ్​గా ఉంటాయి. కాబట్టి వీలైనంత మేరు వాటిని యాక్టివ్​గా ఉంచాలి. అందుకోసం కాళ్లని ముందుకు లేదా వెనక్కి కదపడం, నేలపై పడుకొని మోకాళ్లని దగ్గరగా తెచ్చి అబ్స్ లాంటి ఎక్సర్​సైజ్​లు చేయాలి. ఫలితంగా వెన్నునొప్పిపై భారం తగ్గే అవకాశం ఉంటుంది. అలాగే చేతులను తలకు నిటారుగా పెట్టి పైకి లేచెందుకు ట్రై చేయాలి. ఈ విధంగా చేయడం ద్వారా పొత్తికడుపు కండరాలతో పాటు, వెన్నుపాము స్టెబిలైజ్ కావడానికి ఛాన్స్ ఉంటుంది. ఫలితంగా వెన్ను నొప్పి సమస్య తగ్గిపోతుంది.

రాత్రిపూట సరిగ్గా నిద్రపట్టడం లేదా? ఈ టాప్​-7 టిప్స్ మీకోసమే!

హిప్స్‌ ఎక్సర్​సైజ్ : మీరు లోయర్ బ్యాక్ పెయిన్​తో ఇబ్బందిపడుతున్నట్లయితే హిప్స్ ఎక్సర్​సైజ్ కూడా ఈ సమస్య నుంచి బయటపడడానికి చాలా బాగా యూజ్ అవుతుంది. ఈ ఎక్సర్​సైజ్ కూడా వెన్నుపాము ఆరోగ్యానికి కీలకంగా పనిచేస్తుంది. దీనికోసం ముందుగా నేలపై వెళ్లకిలా పడుకొని ఎడమ, కుడి మోకాళ్లని బాడీకి దగ్గరగా తీసుకురావడం, ఆ తర్వాత దూరంగా చాచడం చేయాలి. ఈ ప్రక్రియ వల్ల హిప్ దృఢంగా మారేందుకు ఛాన్స్ ఉంటుంది.

నడుమును పైకి లేపటం : ఇక నడుము నొప్పిని తగ్గించుకోవడానికి ఇది కూడా చాలా బాగా సహాయపడుతుంది. పిరుదుల కండరాలు పెల్విస్​ని స్టెబిలైజ్ చేస్తాయి. అయితే ఈ కండరాలు బలహీనంగా ఉంటే వెన్నుపాముపై ఒత్తిడి పెరిగి లోయర్ బ్యాక్ పెయిన్ మరింత తీవ్రతరమయ్యే అవకాశం ఉంటుంది. కాబట్టి దాన్ని నివారించేందుకు ఇలా వ్యాయామం చేస్తే సరిపోతుంది. నేలపై వెళ్లకిలా పడుకొన్ని పాదాలను కిందనే ఉంచి నడుము కింది భాగాన్ని పైకి లేపాలి. అనంతరం యథాస్థితికి రావాలి. ఇలా చేయడం ద్వారా పెల్విస్ స్టెబిలైజ్ అవుతుంటుంది. దాంతో కండరాలు బలోపేతం అయి నడుము నొప్పి సమస్య ఉండదు. అయితే.. ఈ ప్రయత్నాలన్నీ చేసినప్పటికీ ఫలితం లేకపోతే.. దీర్ఘకాలికంగా సమస్య వేధిస్తుంటే వైద్యుడ్ని సంపదించి ట్రీట్ తీసుకోవడం ఉత్తమం అంటున్నారు నిపుణులు.

వయసును బట్టి నడక - మీరు రోజుకు ఎన్ని అడుగులు నడవాలో తెలుసా?

అలర్ట్‌ : ఈ ఆహార పదార్థాలు తింటున్నారా? - అయితే స్ట్రెస్ పెరగడం ఖాయం!