Wild Cards in Bigg Boss Season 8 Telugu: బిగ్ బాస్ సీజన్ 8.. అందరూ కోరుకున్నట్లుగా నాలుగో వారం సోనియా ఆకుల ఇంటి నుంచి బయటకు వెళ్లిపోవడంతో ఆమె రీ ఎంట్రీ ఉంటుందా? వైల్డ్ కార్డు ఏంటి ద్వారా ఎంత మంది, ఎప్పుడు హౌస్లోకి అడుగు పెట్టబోతున్నారు? అనే విషయాలు చర్చనీయాంశంగా మారాయి. ఈ నేపథ్యంలోనే తాజాగా నాగార్జున వీడియో ద్వారా వైల్డ్ కార్డు ఎంట్రీలపై అప్డేట్ ఇచ్చారు. మరి హౌజ్లో వైల్డ్ కార్డుల ఎంట్రీ ఎప్పుడు జరగబోతోంది? తాజాగా రిలీజ్ అయిన ప్రోమోలో ఏముంది? అనే విషయాలను ఇప్పుడు తెలుసుకుందాం..
సోనియాను హౌజ్ నుంచి బయటకు పంపేసిన నాగార్జున.. ఆ తర్వాత ఈ వీక్ మిడ్ వీక్ ఎలిమినేషన్ ఉంటుందని బాంబు పేల్చిన విషయం గుర్తుండే ఉంటుంది. ఇక తాజాగా వైల్డ్ కార్డు ఎంట్రీ గురించి అప్డేట్ ఇచ్చి మరోసారి బిగ్ బాస్ షో లవర్స్కు షాక్ ఇచ్చారు. ఊహించని విధంగా తాజా ప్రోమోలో వైల్డ్ కార్డు ఎంట్రీ గురించి ప్రస్తావించారు. ఈ ప్రోమోలో నాగార్జున మాట్లాడుతూ 'ఈ వారం మిడ్ వీక్ ఎలిమినేషన్ జరగబోతోంది. ఆడియన్స్ ఈ వారం బిగ్ బాస్ హౌజ్లోకి వైల్డ్ కార్డ్స్ రాబోతున్నాయి. బిగ్ బాస్ సీజన్ 8 ఆన్ సండే.. గుర్తుంది కదా? ఎంటర్టైన్మెంట్ కి లిమిట్ లేదు' అంటూ నాగార్జున చెప్పారు. ప్రస్తుతం ఈ వీడియో తెగ వైరల్ అవుతోంది.
వచ్చేది వీళ్లేనట: సోషల్ మీడియాలో వైరల్ అవుతున్న సమాచారం ప్రకారం.. మొత్తంగా 8 మంది వైల్డ్ కార్డ్ ద్వారా ఇంట్లోకి ఎంట్రీ ఇవ్వనున్నారని తెలుస్తోంది. అందులోనూ నలుగురు అమ్మాయిలు, నలుగురు అబ్బాయిలు జోడిలుగా ఎంటర్ కానున్నారని టాక్. గత ఏడు సీజన్లలో పార్టిసిపేట్ చేసిన కంటెస్టెంట్లు ఉండబోతున్నారట. వాళ్లేవరో చూస్తే..
బిగ్బాస్ 8 : లవ్ మ్యాటర్ రివీల్ చేసిన నబీల్ - పార్ట్నర్ ఆమేనటగా!
హరితేజ: ఎన్టీఆర్ హోస్ట్గా వ్యవహరించిన బిగ్బాస్ తెలుగు 1లో అవకాశం దక్కించుకుంది. స్ట్రాంగ్ కంటెస్టెంట్గా మారి 3వ స్థానంలో నిలిచింది. అయితే ఈ లేడీ ఇప్పుడు సీజన్ 8లో పాల్గొననుందని సమాచారం.
రోహిణి: బిగ్బాస్ తెలుగు సీజన్ 3లో పాల్గొన్న రోహిణి.. తన మార్క్ గేమ్తో ప్రేక్షకులకు ఆకట్టుకునే ప్రయత్నం చేసింది. ఈ క్రమంలోనే నాలుగో వారం ఎలిమినేట్ అయ్యింది. దీంతో తిరిగి సీజన్ 8లో కంటెస్ట్ చేయనుందట ఈ లేడీ కమెడియన్.
అవినాష్: బిగ్బాస్ సీజన్ 4 కంటెస్టెంట్స్లో ముక్కు అవినాష్ ఒకరు. ఆ సీజన్లో కూడా వైల్డ్ కార్డు ఎంట్రీ ఇచ్చాడు. అతడి బాడీ లాంగ్వేజ్, జోక్స్ నవ్వులు పూయించేవి. అవినాష్ అంచనాలకు మించి రాణించాడు. పది వారాలకు పైగా హౌజ్లో ఉన్నాడు. అయితే ముక్కు అవినాష్ బిగ్బాస్ తెలుగు సీజన్ 8లో పార్టిసిపేట్ చేస్తున్నాడు అనేది తాజా న్యూస్.
రవి: యాంకర్ రవి బిగ్బాస్ సీజన్ 5లో పాల్గొన్నారు. అయితే ఆ సీజన్లో రవిపై ప్రజల్లో నెగిటివిటీ పెరిగింది. దీంతో షో లో ఎక్కువ రోజులు లేడు. అయితే ఈ సీజన్ 8 లో వైల్డ్ కార్డ్గా పాల్గొనేందుకు రవి పాజిటివ్గా స్పందించినట్లు సమాచారం.
గౌతమ్ కృష్ణ: సీజన్ 7లో పాల్గొన్న గౌతమ్.. తొందరగానే ఎలిమినేట్ అయ్యి సీక్రెట్ రూమ్కి వెళ్లాడు. ఆ తర్వాత వైల్డ్ కార్డ్ బ్యాచ్తో ఇంట్లోకి ఎంట్రీ ఇచ్చాడు. అయితే ఈ సీజన్లో కూడా వైల్డ్ కార్డ్ ద్వారా హౌజ్లోకి వచ్చేందుకు ఓకే చేసినట్లు టాక్.
నయని పావని: సీజన్ 7 లో వైల్డ్కార్డ్ ద్వారా ఇంట్లోకి ఎంట్రీ ఇచ్చిన నయని.. మొదటి వారంలోనే ఎలిమినేట్ అయ్యింది. దీంతో ఈ సీజన్లో మరోసారి వైల్డ్కార్డ్ ద్వారా ఇంట్లోకి వచ్చేందుకు సిద్ధమైందని టాక్..
టేస్టీ తేజ: సీజన్ 7 లో పార్టిసిపేట్ చేసిన మరొక కంటెస్టెంట్ టేస్టీ తేజ. ఎలాంటి అంచనాలూ లేకుండా అడుగుపెట్టిన టేస్టీ తేజా ఎంటర్టైనర్గా పేరు తెచ్చుకున్నాడు. ఇతని పేరు సైతం వైల్డ్ కార్డు ఎంట్రీ ఇస్తున్న కంటెస్టెంట్స్ లిస్ట్లో ఉందని సమాచారం.
సోనియా ఆకుల: సీజన్ 8లో బీభత్సమైన నెగిటివీ మూట కట్టుకుని నాలుగో వారం ఎలిమినేట్ అయిన కంటెస్టెంట్ సోనియా. అయితే ఈ బ్యూటీ కూడా మళ్లీ వస్తుందని సమాచారం..
వైల్డ్ కార్డ్ ఎంట్రీ డేట్ అప్పుడే: ఈ సీజన్లో "బిగ్బాస్ రీలోడ్ ఈవెంట్" పేరుతో వైల్డ్ కార్డ్ ఎంట్రీలను హౌజ్లోకి పంపించనున్నారు. ప్రోమోను బట్టి చూస్తుంటే వైల్డ్ కార్డ్ ఎంట్రీలు ఈ రానున్న ఆదివారం(అక్టోబర్ 6) రోజున హౌజ్లోకి అడుగు పెట్టే ఛాన్స్ ఉందనే విషయం స్పష్టంగా అర్థం అవుతోంది. అంటే ఈ ఈవెంట్ నవరాత్రుల స్పెషల్గా అక్టోబర్ 6వ తేదీన రాత్రి 7 గంటలకు ప్రసారం కానుంది. మరి ఆ ప్రోమో మీరు కూడా చూసేయండి!!
బిగ్ బాస్ 8 : నాగమణికంఠ భార్య ఎవరో తెలిసిపోయిందిగా - పెళ్లి వీడియో వైరల్!
