Vijay Sethupathi Maharaja Movie : కోలీవుడ్ స్టార్ హీరో విజయ్ సేతుపతి తాజాగా 'మహారాజ' అనే థ్రిల్లర్ సినిమాలో నటించి ప్రేక్షకులను మెప్పించారు. డిఫరెంట్ కాన్సెప్ట్‌తో తెరకెక్కిన ఈ చిత్రం మంచి టాక్తో పాటు బాక్సాఫీసు వద్ద కలెక్షన్ల వర్షం కురిపించింది. జూన్ 14న విడుదలైన ఈ సినిమా ప్రస్తుతం ఓటీటీలోనూ సంచలనం సృష్టిస్తోంది. ప్రముఖ ఓటీటీ సంస్థ నెట్ఫ్లిక్స్లో ఈ చిత్రం మూవీ లవర్స్కు అందుబాటులో ఉంది.
అయితే తాజాగా 'మహారాజ' ఓ అరుదైన ఘనతను అందుకుంది. ఆ ఓటీటీలోని ఈ వారం ట్రెండింగ్‌ లిస్ట్లో (ఇండియాలో) తొలి స్థానాన్ని కైవసం చేసుకుంది. దీంతో మేకర్స్ సంతోషం వ్యక్తం చేశారు. 'ప్రతిచోటా మహారాజ రికార్డులు సృష్టిస్తోంది' అంటూ సోషల్‌ మీడియా వేదికగా అభిమానులతో ఈ విషయాన్ని పంచుకున్నారు.
This Maharaja’s on top, as he should👑
— Netflix India South (@Netflix_INSouth) July 15, 2024
Watch Maharaja, now trending #1 on Netflix! #MaharajaOnNetflix pic.twitter.com/0DuJV9kavq
విజయ్ సేతుపతి 50వ చిత్రంగా వచ్చిన ఈ సినిమాను నిథిలన్‌ స్వామినాథన్‌ తెరకెక్కించారు. అనురాగ్‌ కశ్యప్‌, మమతా మోహన్‌దాస్‌ లాంటి స్టార్స్ ఈ చిత్రంలో కీలక పాత్రలు పోషించారు. సుమారు రూ.20 కోట్ల బడ్జెట్‌తో రూపొందిన ఈ మూవీ బాక్సాఫీస్ వద్ద రూ. 100 కోట్లకు పైగా వసూళ్లను సాధించినట్లు సమాచారం.
స్టోరీ ఏంటంటే?
మ‌హారాజా (విజయ్ సేతుపతి) ఓ బార్బ‌ర్‌. ఒక ప్ర‌మాదంలో తన భార్య‌ను పోగొట్టుకుంటాడు. దీంతో అత‌డు తన కుమార్త జ్యోతితో క‌లిసి సిటీకి దూరంగా ఉన్న ఓ ఇంట్లో నివసిస్తుంటాడు. అయితే ఓ రోజు ఒంటి నిండా గాయాల‌తో మ‌హారాజా పోలీస్‌స్టేష‌న్కు వెళ్తాడు. ముగ్గురు ఆగంత‌కులు తన ఇంట్లోకి చొర‌బ‌డి త‌న‌పై దాడి చేశార‌ని అంటాడు. ఈ క్ర‌మంలోనే త‌మ బిడ్డ ప్రాణాల్ని కాపాడిన ల‌క్ష్మిని ఎత్తుకెళ్లిపోయార‌ని, ఎలాగైనా ఆ ల‌క్ష్మిని వెతికి పెట్ట‌మ‌ంటూ పోలీసుల‌కు కంప్లైంట్ ఇస్తాడు. మ‌రి మ‌హారాజా చెప్పిన ఆ ల‌క్ష్మి ఎవ‌రు? అతడి ఫిర్యాదును స్వీక‌రించ‌డానికి పోలీసులు తొలుత ఎందుకు నిరాకరించారు? అస‌లు మ‌హారాజ‌పై దాడి చేసిన ఆ ముగ్గురు ఎవ‌రు? వాళ్లకు అత‌నికి ఉన్న విరోధం ఏంటి? ఇటువంటి విషయాలు సినిమా చూసి తెలుసుకోవాల్సిందే.
OTTలోకి విజయ్ 'మహరాజ'- స్ట్రీమింగ్ ఎప్పట్నుంచంటే?
